求證球正:無換人,無黃牌,球證係無牙老虎?從Kepa拒絕被換出看球證職責及球例漏洞

聯賽盃決賽 曼城於十二碼階段以4比3擊敗車路士 捧走聯賽盃獎盃
車路士門將Kepa Arrizabalaga加時賽末段拒絕被換出 引起各方嘅討論
由於相關條文十分淺白 今次並唔係討論球例
反而想透過主球證Jon Moss摩斯嘅處理同應變 探討球證職責
以及球例漏洞 亦希望解答關於黃牌嘅問題
我地先重溫下球例
引用第三章 球員 (節錄)
3. 替換程序
要換入一名後備球員,需依照下列程序進行:
替換前必須知會裁判員
•即將被換出的球員在得到裁判員准許後,可離開比賽場地,除非他已按照球例的規定原因離開比賽場地
•被換出的球員可不需從中場線離開比賽場地及被換出後則不能再參與餘下的比賽時間,除非比賽已被批准採用重返替換規則
•如即將被換出的球員,拒絕離開比賽場地,比賽應繼續

後備球員只能在以下情況下進入比場地:
•必須在球賽暫停
•在中場線處
被換出的球員離場後
•得到裁判員的訊號方可入場
•當該後備球員進入比賽場地,換人手續已經完成;由該瞬間起,被換出的球員變成換出球員而該後備球員則成為參賽球員及可開出皮球重新開始比賽。
•所有後備球員及被換出球員不論是否正在參與比賽中,都在裁判員權力及管轄範圍之內
簡而言之 啟動換人程序係由球隊職員向第四裁判Fourth Official示意開始
「呀四」透過對講機系統通知球證 然後於賽事暫停時(角球,界外球等等)
舉牌示意替換嘅球員號碼 係場內球員離開場地後 入替球員進場
完成換人程序

正如各大朋友所講 球證對換人與否並無絕對權力
與其話係「無牙老虎」其實係換人程序為無約束力嘅條例(Advisory)
而非黑紙白字寫明 留有空間 存有些微漏洞
雖然實際上中甚少發生
球例亦「戴定頭盔」 列明當場內球員拒絕被換出時 球賽會繼續進行

繼續之前我地黎睇睇片 留意主球證摩斯嘅動作

整個事件由加時階段29分鐘開始 沙利有意換入Cabellero
Fourth official Craig Pawson舉牌示意1號將被換出
但Kepa不斷「耍手擰頭」 示意毋需換人 主球證摩斯於是上前了解
相信佢係示意自己不受傷患困擾 可以繼續比賽
摩斯則走向技術指導區域 同沙利溝通
大約十幾秒之後 示意唔會換人 比賽繼續
之後嘅事相信毋須求證球正再講

首先 難得媒體同輿論都一致支持球證處理
不知是否受到車路士領隊Arriza...呀唔係 車路士獨特文化影響
但不論如何 由於換人嘅責任在於領隊 以及球員配合
球例對於換人程序嘅小漏洞 反而令球證處理呢類紛爭時更困難

除此之外 亦有唔少朋友提出 Kepa拒絕被換出或拖延時間
是否應因此而領黃牌 我地又睇下球例點講
引用第十二章 犯規及不檢行為 (節錄)
可被警告(黃牌)的犯規
裁判員必須警告(黃牌)作出以下阻延比賽重新開始行為的球員:
•當被更換出場時拖延離場時間
過分拖延比賽重開時間
咁Kepa嘅行為是否足以領黃呢?
個人認為摩斯係無必要甚至唔會考慮出示黃牌
皆因球證對於球員是否「揼波鐘」係從表面行為睇蓄意與否
例如球員於皮球出界後故意踢走
即將開界外球時停止動作 交比隊友
入波後「Hold波」拒絕交波對方
被換出時故意放慢腳步或反方向走
以上行為都有機會被警告(黃牌)

如果Craig Pawson已經舉牌示意換人
Kepa離開禁區 走向場邊
突然一個華麗轉身走回禁區 並拒絕被換走
球證就可以因「過分拖延比賽重開時間」出示黃牌(警告)

球證作出判決 係以客觀事實作基準 並唔會猜測球員動機或心理
從表面睇 Kepa係同沙利對換人與否產生糾紛
而且已經留係禁區 明顯拒絕換走
球證能夠做嘅只有調停同溝通 因此 摩斯處理為正確

結語
希望大家睇完呢篇文章之後就明白 今次事件中球證並非無牙老虎
而係因球例框架及「漏洞」 並無賦予球證對換人嘅控制
好似無辦法處理咁

球證職責除執行球例罰則外 亦係一位「協調員Co-ordinator
需要憑其經驗及臨場反應 對球賽作出管理及得益判決
甚至調停及處理球員以致職員情緒
摩斯為英格蘭及各大球證做左十分好嘅示範

至於球例為何有此「漏洞」?
相信原意係想將責任以及尊重精神轉到領隊同球員身上 並且為球例留點空間
只係適逢車路士球會對領隊嘅不公平對待 更衣室話事權問題
碰上全球最高身價嘅一位年輕龍門 將整件事情複雜化
相信執法呢場賽事都會令摩斯畢生難忘再次名留青史

求證球正仲有InstagramFB page分享足球資訊同短評!

參考資料:
https://www.thetimes.co.uk/article/referee-jon-moss-had-no-power-to-order-chelsea-goalkeeper-kepa-arrizabalaga-off-the-field-d7fh76n3k
https://www.skysports.com/football/news/11661/11647813/ref-watch-jon-moss-snookered-over-kepa-arrizabalaga-substitution
中文球例 2018/19

如果喜歡我們的文章,請即分享到︰

標籤: 求證球正  聯賽盃  球證  球例  車路士  曼城  足球  

留言

會員
我要評論
請按此登錄後留言。未成為會員? 立即註冊
  • Edenhazard
    Edenhazard 於 01/03/2019 評論 NO. 1

    啲字又大又細, 又係咁加粗體, 點睇呀...
    "求證球正" 個TERMS真心唔好笑, 內文睇到1999

快捷鍵:←
快捷鍵:→