又到筆者撰文吹水講睇法既時候…不過，老老豆豆，雖然筆者唔係車迷之中最中意摩連奴(Moutinho)、叫佢老豆個一批，但作為車迷，絕對睇得出黎位方式向來爭議性甚多既領隊，係好中意球隊、一切為球隊既人黎；而佢既能力，筆者都曾撰文提及過。一個咁好咁中意球隊，而又有能力既領隊，點解會做唔住？
好多人都會認為，班主係有問題。油王艾巴莫域治(Abramovich)向來耐性唔好，車路士既領隊走馬燈咁轉。不過，筆者就覺得今次問題唔係佢度。其實睇返今季，其實球隊一路表現都唔係幾好，輸過俾曼城、修咸頓、甚至水晶宮，最後輸埋李斯特城後摩佬被炒，雖然d往日弱旅今季化身黑馬，踢出水準，尤其李斯特城更坐緊榜首，但作為上屆冠軍、坐擁一批國腳，至少都應該有力一戰，期望非贏即和。而場上表現，例如馬迪(Matic)、法比加斯(Fabregas)、夏薩特(Hazard)表現都完全唔係個皮，甚至有外國球迷剪段全部失誤既片黎串我地。不過，油王今季俾左都幾次機會摩佬，算係難得，有幾次比賽筆者睇到搖頭，驚摩佬被炒，但賽後油王都表示支持佢、唔炒佢。唔知係咪因為要俾4000萬啦，但我個人覺得油王係有耐性左、好左，但成績真係太差，改善都唔見太大起色，4000萬都係要俾。
當然，雖然我唔支持炒摩佬，但唔係非黑即白既，炒左佢都有d問題會改善到。例如摩佬對士氣方面，可能由於高壓管治，同佢師父雲高爾(van Gaal)一樣，同球員既磨擦比較多；而且輪換不足，即使提拔小將，但過份穩陣下，基本一班正選主力就踢哂，唔好話小將，有d後備都無乜得點踢，咁樣不但消耗主力既體能同鬥志、仲消耗後備既信心同耐性，球隊表現反而差左。而摩佬既作風都有爭議，例如默許迪亞高哥斯達(Diego Costa)既挑釁行為、佢對媒體或其他人既處理手法(e.g.隊醫伊華(Eva)、前麾下球員卡斯拿斯(Casillas)等)都好有爭議，呢d事雖然我地唔知內幕，但相信會有更好既處理方式。
然而，筆者開始覺得問題唔係呢兩方面，而係球員心態。唔知佢地有無反映，但筆者相信摩佬雖然傳媒面前幾口臭咁，但對麾下球員未至於係一個完全零溝通既人黎，佢肯關心球員既，唔係都唔會有球員表現一直支持佢、中意被佢教。其實球員可能更多用溝通去表達不滿。筆者覺得，其實球員係有d想藉場上所為去表示不滿。呢種事都唔係第一次，相信大家都對前領隊「摩佬二世」維拉斯保亞斯(Villas-Boas)既事件記憶尤新，當年佢改革推行過急，加上可能溝通不足，令佢最終被球員表現所累遭辭，但及後球員表現極級反彈，甚至奪得首次歐聯冠軍，雖然名宿迪馬提奧(Di Matteo)整頓軍心，但此前只曾任西布朗領隊既佢，明顯係訓練、執教方面唔算有太多板斧救火，只係球員問題，而之後成績亦睇到佢地能力無乜大問題。
觀乎上季，球員其實能力都係好好，踢到咁除左有一定體能問題外，相信就係佢地表唔表現出黎既問題。我唔係話所有球員都係，但核心球員可能係無全力去表現，去表達不滿，呢種損人不利己既方式，造成今日局面。當然，以上只係筆者推測，(如果有人睇既)相信會有讀者係留言都指出另一d筆者睇唔到既觀點，不過筆者個人覺得呢個係比較大既原因。
且睇下油王會唔會真係搵希汀克(Hiddink)等領隊黎救火先，定好似利物浦咁，直接就搵個人黎改革處理問題。如果係前者，筆者倒想睇球員之後會踢成點，如果大幅反彈，咁就好有機會真係玩走領隊，油王就要正視呢個問題，連摩連奴呢個車仔崛起既最大功臣都玩得走，否則球隊紀律會盪然無存。如果後者，希望佢處理人腳同戰術外，更重用潛力極大既青訓小將同外借大軍，處理好輪換問題。
多謝各位不吝賜評，一like一支持，多承指教：
https://www.facebook.com/chelsea.gor.sk
好多人都會認為，班主係有問題。油王艾巴莫域治(Abramovich)向來耐性唔好，車路士既領隊走馬燈咁轉。不過，筆者就覺得今次問題唔係佢度。其實睇返今季，其實球隊一路表現都唔係幾好，輸過俾曼城、修咸頓、甚至水晶宮，最後輸埋李斯特城後摩佬被炒，雖然d往日弱旅今季化身黑馬，踢出水準，尤其李斯特城更坐緊榜首，但作為上屆冠軍、坐擁一批國腳，至少都應該有力一戰，期望非贏即和。而場上表現，例如馬迪(Matic)、法比加斯(Fabregas)、夏薩特(Hazard)表現都完全唔係個皮，甚至有外國球迷剪段全部失誤既片黎串我地。不過，油王今季俾左都幾次機會摩佬，算係難得，有幾次比賽筆者睇到搖頭，驚摩佬被炒，但賽後油王都表示支持佢、唔炒佢。唔知係咪因為要俾4000萬啦，但我個人覺得油王係有耐性左、好左，但成績真係太差，改善都唔見太大起色，4000萬都係要俾。
當然，雖然我唔支持炒摩佬，但唔係非黑即白既，炒左佢都有d問題會改善到。例如摩佬對士氣方面，可能由於高壓管治，同佢師父雲高爾(van Gaal)一樣，同球員既磨擦比較多；而且輪換不足，即使提拔小將，但過份穩陣下，基本一班正選主力就踢哂，唔好話小將，有d後備都無乜得點踢，咁樣不但消耗主力既體能同鬥志、仲消耗後備既信心同耐性，球隊表現反而差左。而摩佬既作風都有爭議，例如默許迪亞高哥斯達(Diego Costa)既挑釁行為、佢對媒體或其他人既處理手法(e.g.隊醫伊華(Eva)、前麾下球員卡斯拿斯(Casillas)等)都好有爭議，呢d事雖然我地唔知內幕，但相信會有更好既處理方式。
然而，筆者開始覺得問題唔係呢兩方面，而係球員心態。唔知佢地有無反映，但筆者相信摩佬雖然傳媒面前幾口臭咁，但對麾下球員未至於係一個完全零溝通既人黎，佢肯關心球員既，唔係都唔會有球員表現一直支持佢、中意被佢教。其實球員可能更多用溝通去表達不滿。筆者覺得，其實球員係有d想藉場上所為去表示不滿。呢種事都唔係第一次，相信大家都對前領隊「摩佬二世」維拉斯保亞斯(Villas-Boas)既事件記憶尤新，當年佢改革推行過急，加上可能溝通不足，令佢最終被球員表現所累遭辭，但及後球員表現極級反彈，甚至奪得首次歐聯冠軍，雖然名宿迪馬提奧(Di Matteo)整頓軍心，但此前只曾任西布朗領隊既佢，明顯係訓練、執教方面唔算有太多板斧救火，只係球員問題，而之後成績亦睇到佢地能力無乜大問題。
觀乎上季，球員其實能力都係好好，踢到咁除左有一定體能問題外，相信就係佢地表唔表現出黎既問題。我唔係話所有球員都係，但核心球員可能係無全力去表現，去表達不滿，呢種損人不利己既方式，造成今日局面。當然，以上只係筆者推測，(如果有人睇既)相信會有讀者係留言都指出另一d筆者睇唔到既觀點，不過筆者個人覺得呢個係比較大既原因。
且睇下油王會唔會真係搵希汀克(Hiddink)等領隊黎救火先，定好似利物浦咁，直接就搵個人黎改革處理問題。如果係前者，筆者倒想睇球員之後會踢成點，如果大幅反彈，咁就好有機會真係玩走領隊，油王就要正視呢個問題，連摩連奴呢個車仔崛起既最大功臣都玩得走，否則球隊紀律會盪然無存。如果後者，希望佢處理人腳同戰術外，更重用潛力極大既青訓小將同外借大軍，處理好輪換問題。
多謝各位不吝賜評，一like一支持，多承指教：
https://www.facebook.com/chelsea.gor.sk
請按此登錄後留言。未成為會員? 立即註冊