相信睇到標題，可以讀者都會心諗：呢條友又搵交嗌！？(其實應該係"呢個乜水？")，其實唔係，不過睇到車路士既近況，除非摩連奴(Mourinho)既死忠外，大部份既球迷心裡面或者都會有咁既疑惑。
摩佬自第二次入主後，多次申明想長期執教，做車仔既費格遜(Sir Alex Ferguson)，希望為車路士建立一個皇朝。因為眾所周知，摩佬係一個作用相對短期既領隊，多數三年為主。佢教一隊波，一季磨合探索、一季稱王爭霸、一季chur盡收皮。聽完摩佬咁講，筆者同多數車迷都相信，摩佬今次認真的，佢希望留低，因為佢一路以黎既執教紀錄雖然成功，贏過唔少冠軍，但並無成功建造一個王朝，呢樣係佢呢種級數既領隊一個失色既地方。
不過，今季既劇本似乎仍然跟住舊有既劇本走，摩佬第一季摸索左車仔既陣容、打法後，上季作出針對性既補強，並旋即就摘下左桂冠。然而到左今季，由於上季奪冠既主力發揮穩定，摩佬為左爭冠，亦keep住俾佢地上陣，到左今季，佢地因為缺乏合適輪換既疲態就因為曝露左出黎，尤其好明顯既伊雲奴域(Ivanovic)。但摩佬仍然唔放心俾新人(年青球員又好，新加盟球員又好)機會。大家睇波睇到伊雲又正選，上季都或者開心，可以睇帶刀侍衛表演；今季就心諗…又要睇右路放題("IC足球部"既講法好正)。
真心，其實問題都非常明顯，球隊需要有合適既輪換，俾新人機會、俾小將經驗、俾主力休息、俾老將退下，呢d都係領隊建成皇朝所需要做到既野，而相信一眾球迷都睇得出呢點，眼光應更在我地之上既摩佬都必定會睇到，但礙於摩佬慣性，佢似乎仲未做得到。當然，有d位置既人手難以信任亦係事實，例如防中上既米基爾(Mikel)、以及缺乏人手既閘位，但點解唔買呢？可能搵唔岩、可能舊將甩唔到手，唔知，但做球迷都係得個"急"字，惟有相信摩佬。
筆者係摩佬回歸初期，曾經都講及過摩佬其實具備長期執教既能力，例如佢對紀律性既要求、穩定性既追求、防守上既重視、戰術上既能力，都可以令佢可以成功建造到一個皇朝，但首先佢要擺脫自己過去短期執教既手法同作風，突破自己。
車路士，仲需唔需要摩連奴？需要，但唔係而家呢個，而係更進一步既個一個。今季後，相信就有答案，如果佢無法改進，恐怕分手會對車仔更有好處，但佢做得到，反而係雙方都一定更有利既局面。拭目以待。
多謝各位不吝賜評，一like一支持，多承指教：
https://www.facebook.com/chelsea.gor.sk
摩佬自第二次入主後，多次申明想長期執教，做車仔既費格遜(Sir Alex Ferguson)，希望為車路士建立一個皇朝。因為眾所周知，摩佬係一個作用相對短期既領隊，多數三年為主。佢教一隊波，一季磨合探索、一季稱王爭霸、一季chur盡收皮。聽完摩佬咁講，筆者同多數車迷都相信，摩佬今次認真的，佢希望留低，因為佢一路以黎既執教紀錄雖然成功，贏過唔少冠軍，但並無成功建造一個王朝，呢樣係佢呢種級數既領隊一個失色既地方。
不過，今季既劇本似乎仍然跟住舊有既劇本走，摩佬第一季摸索左車仔既陣容、打法後，上季作出針對性既補強，並旋即就摘下左桂冠。然而到左今季，由於上季奪冠既主力發揮穩定，摩佬為左爭冠，亦keep住俾佢地上陣，到左今季，佢地因為缺乏合適輪換既疲態就因為曝露左出黎，尤其好明顯既伊雲奴域(Ivanovic)。但摩佬仍然唔放心俾新人(年青球員又好，新加盟球員又好)機會。大家睇波睇到伊雲又正選，上季都或者開心，可以睇帶刀侍衛表演；今季就心諗…又要睇右路放題("IC足球部"既講法好正)。
真心，其實問題都非常明顯，球隊需要有合適既輪換，俾新人機會、俾小將經驗、俾主力休息、俾老將退下，呢d都係領隊建成皇朝所需要做到既野，而相信一眾球迷都睇得出呢點，眼光應更在我地之上既摩佬都必定會睇到，但礙於摩佬慣性，佢似乎仲未做得到。當然，有d位置既人手難以信任亦係事實，例如防中上既米基爾(Mikel)、以及缺乏人手既閘位，但點解唔買呢？可能搵唔岩、可能舊將甩唔到手，唔知，但做球迷都係得個"急"字，惟有相信摩佬。
筆者係摩佬回歸初期，曾經都講及過摩佬其實具備長期執教既能力，例如佢對紀律性既要求、穩定性既追求、防守上既重視、戰術上既能力，都可以令佢可以成功建造到一個皇朝，但首先佢要擺脫自己過去短期執教既手法同作風，突破自己。
車路士，仲需唔需要摩連奴？需要，但唔係而家呢個，而係更進一步既個一個。今季後，相信就有答案，如果佢無法改進，恐怕分手會對車仔更有好處，但佢做得到，反而係雙方都一定更有利既局面。拭目以待。
多謝各位不吝賜評，一like一支持，多承指教：
https://www.facebook.com/chelsea.gor.sk
請按此登錄後留言。未成為會員? 立即註冊