槍迷牛奶仔的心底話:
(以下內容不代表 理智足球 專頁發表言論)
真正認識我既朋友會知道
我唔係一位鍾意阿仙奴好耐好耐既槍迷
我冇經歷過04不敗既風光
更加特別既係
我係係阿仙奴處於低潮期既時候.(大約09-10球季)
由原本睇開曼聯改變成鍾意阿仙奴(個別原因不在此詳細解釋)有好多朋友, 或者加埋睇緊依段文既你地
可能會覺得我根本稱唔上一位槍迷
係傳統既角度, 好難接受曼聯球迷轉做阿仙奴球迷
更何況係球員呢.
不過係我自己既睇法
每一位球員既離隊我都以正面角度去睇
就算法比加斯 拿斯利 雲佩斯依3位近年備受爭議既轉會都冇例外
法比係巴塞青訓, 係巴塞出世, 係巴塞踢一隊係佢既夢想, 加上個到的而且確係佢屋企.所以我覺得可以接受
拿斯利同雲佩斯係最現實既理由, 冠軍, 或者錢都係其中一個理由係, 話佢地唔夠忠心,
無錯我亦都認同, 我更加認為更加驕傲自豪既做法係留隊親手打一個冠軍番黎
但係球員角度黎諗, 佢地冇錯, 阿仙奴的確提供唔到依兩樣野比佢地.
好記得個年暑假, 每朝早起身第一件事係上網check下雲佩斯既消息
當個日見到落實轉會個下相信我個心同好多槍迷一樣都碎左
就好似再早一年前法比走個陣一樣
但我冇怪佢, 更加因為佢我再一次睇番多D曼聯既比賽
因為我感激佢曾經為阿仙奴既付出
走之前既一季如果唔係佢大爆發一個攬起全隊波
下一季未必再有歐聯踢
請按此登錄後留言。未成為會員? 立即註冊