係依一季既賽事入面雲佩斯射入相當多既致勝球, 而當時雲佩斯只淨低1年合約, 作為阿仙奴球迷當然希望將依位隊長身份既高效射手續約留隊, 可惜事與願違, 係11/12球季完左既暑假, 雲佩斯發表左一份傷透球迷心既聲明, 佢表示唔會同阿仙奴續約, 阿仙奴只好以2400萬磅將隊長賣比死敵曼聯. 簽約4年, 成為曼聯20號波衫既主人
雖然以阿仙奴隊長身份離隊轉投傳統死敵曼聯既爭議性相當大, 阿仙奴球迷固然憤怒, 但部份傳統曼聯球迷亦會反對依位死敵既加盟. 除此之外, 亦有人擔心雲佩斯已經有咁上下年紀, 唔知大爆發會幾時完, 但雲佩斯自己就用表現說服球迷. 就算再熟習英超比賽節奏, 一般轉投其他球會都需要一定時間既適應期, 畢竟隊友唔同, 戰術唔同, 領隊都唔同. 但雲佩斯似乎並無依個需要.
延續上季既火爆狀態, 係第一年加盟曼聯既雲佩斯同樣英超全勤, 入26球15球助攻. 歐聯6戰3入球2助攻. 足總盃4次後備上陣1入球.合計所有賽事60戰42入球, 平均109分鍾入1球. 比上季成績更佳.當中對維拉大演帽子戲法, 熟悉既窩利抽射. 勝出後曼聯提早4輪宣佈奪冠, 雲佩斯亦得嘗所願首次奪得英超冠軍.
去到今季. 雖然一度受抨擊, 但數據上並不反映抨擊理由. 所以賽事合共15場入10球. 依然維持高效水平. 可以期待既係, 雲佩斯應該會為曼聯入更多更多既世界波, 作為球迷, 有觀賞性極高既入球當然係好事.
請按此登錄後留言。未成為會員? 立即註冊