《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
哩場波既最終比數其實無實際反映出兩隊喺形勢上既分野，車路士並無比數所展示出黎打得咁好，如果兩邊各自用兩個形容詞來作代表的話，熱刺會係熱血同紀律性，相反車路士會係用唔爭氣同無形勢黎形容，不過藍軍成功以作客身份喺哩場打吡戰中全取三分全身而退，以結果論黎睇當然會係一場成功既賽事，只係過程中有好多位都值得車迷們斟酌。
占士繼週中盃賽後再一次踢正選，後防線由右至左依舊係迪沙斯、施華以及高維，三中場就繼續加拉加、安素同卡些度哩個組合，左右二翼分別係史達寧同龐馬，而箭頭位就保留番積遜；基本上成個上半場直到主隊打少個輸十二碼之前，車路士都無乜機會可以控定個波黎踢，開賽五分鐘已經宣告落後，熱刺所打出黎既迫搶同反擊可以話非常奏效，截斷左藍軍前後場之間既連接，加上高位踢法都增加左客隊直接長傳上前既難度，同時熱刺一貫落腳凶狠既風格，喺羅美路未被趕出場前其實經已有下同施華搶波出現碰撞，隨即抽水再踢跌高維未計數，最終都因為鞋釘去先踢中同胞安素而被判紅牌兼輸十二碼，車路士由龐馬射入追平。
半場普捷天奴收起左有黃牌在身既高維換入古古尼亞，但車路士下半場並無因為打多個人而取得優勢，相反熱刺打出黎既表現就更加唔似踢少個，四打五既反擊力度同畫面仲有威脅過車路士三打二再繼而交失或射失，藍軍既中場可以話完全失勢，加拉加今場波主力投入前場壓迫甚少回後做連接，變相都令安素同卡些度喺中場經常比對面人多打人少，隨後即使熱刺又再打少個，但普捷天奴抽走安素換入梅迪歷試圖加強攻力都無乜太多起息，熱刺既熱血防守愈守愈有，而藍軍全隊可以喺中路交到直線既人就只有龐馬一個，但每當球賽去到五六十分鐘球員既體力不繼就會影響到其活動量，變相就會令車路士既進攻顯得無以為繼。
不斷埋身肉博既畫面，不斷被吹停再有VAR介入播放慢鏡，再加上一次又一次既畫線再判越位都影響左成場波既觀感度，相對上打得最流暢果段已經要數到上半場熱刺未打少個之前的確係可以做到唔錯既攻勢，而車路士一直都只能利用邊線傳送去一次又一次試圖突破對手既越位陷阱，「破門式」既嘗試係直到75分鐘先成功得手反超前，不過熱刺並無因而放棄，之後兩下死球佈置都差啲令佢地得到扳平機會，只係一下被判越位另一下未能成功把握，最終被積遜再入兩球以4-1正式殺死賽事。
喺打少兩個既情況下熱刺反而愈戰愈勇，相反車路士打多兩個之下竟然無乜太多優勢，如果你話藍軍面對低位防守時難以破密集會係一大難題，咁今次面對高位防守都出現同樣問題，球隊缺乏可以撕破對手防線既手段，而普捷天奴既臨場調動亦再一次受到批評，中場明顯失勢下多次比對手喺中路打穿，繼而轉化成具威脅既反擊都無作出跟進，直到安素被透支及作預防性保護先至換人，而烏高卓古更要去到90分鐘先後備落場嘗試鞏固防守，熱刺既攻守體系同運作明顯比起車路士成熟，哩個都係不爭既事實，要不是主隊打少兩個兼球員受傷的話相信今場波藍軍都難以有分落袋。
.
如果由車迷角度出發，哩場波會定義為一場失形勢卻得到分數既賽事，相比於之前一啲得優勢卻沒有分數，難免令人有點不知如何說好既感覺，不過無乜時間梳理心情之下黎緊週末仲有另一場大戰主場對曼城，總算叫做大戰連連前先拎三分打定個底。
文章發表時間 : 8/11/2023 11:30
文章發表時間 : 8/11/2023 11:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
哩場波既最終比數其實無實際反映出兩隊喺形勢上既分野，車路士並無比數所展示出黎打得咁好，如果兩邊各自用兩個形容詞來作代表的話，熱刺會係熱血同紀律性，相反車路士會係用唔爭氣同無形勢黎形容，不過藍軍成功以作客身份喺哩場打吡戰中全取三分全身而退，以結果論黎睇當然會係一場成功既賽事，只係過程中有好多位都值得車迷們斟酌。
占士繼週中盃賽後再一次踢正選，後防線由右至左依舊係迪沙斯、施華以及高維，三中場就繼續加拉加、安素同卡些度哩個組合，左右二翼分別係史達寧同龐馬，而箭頭位就保留番積遜；基本上成個上半場直到主隊打少個輸十二碼之前，車路士都無乜機會可以控定個波黎踢，開賽五分鐘已經宣告落後，熱刺所打出黎既迫搶同反擊可以話非常奏效，截斷左藍軍前後場之間既連接，加上高位踢法都增加左客隊直接長傳上前既難度，同時熱刺一貫落腳凶狠既風格，喺羅美路未被趕出場前其實經已有下同施華搶波出現碰撞，隨即抽水再踢跌高維未計數，最終都因為鞋釘去先踢中同胞安素而被判紅牌兼輸十二碼，車路士由龐馬射入追平。
半場普捷天奴收起左有黃牌在身既高維換入古古尼亞，但車路士下半場並無因為打多個人而取得優勢，相反熱刺打出黎既表現就更加唔似踢少個，四打五既反擊力度同畫面仲有威脅過車路士三打二再繼而交失或射失，藍軍既中場可以話完全失勢，加拉加今場波主力投入前場壓迫甚少回後做連接，變相都令安素同卡些度喺中場經常比對面人多打人少，隨後即使熱刺又再打少個，但普捷天奴抽走安素換入梅迪歷試圖加強攻力都無乜太多起息，熱刺既熱血防守愈守愈有，而藍軍全隊可以喺中路交到直線既人就只有龐馬一個，但每當球賽去到五六十分鐘球員既體力不繼就會影響到其活動量，變相就會令車路士既進攻顯得無以為繼。
不斷埋身肉博既畫面，不斷被吹停再有VAR介入播放慢鏡，再加上一次又一次既畫線再判越位都影響左成場波既觀感度，相對上打得最流暢果段已經要數到上半場熱刺未打少個之前的確係可以做到唔錯既攻勢，而車路士一直都只能利用邊線傳送去一次又一次試圖突破對手既越位陷阱，「破門式」既嘗試係直到75分鐘先成功得手反超前，不過熱刺並無因而放棄，之後兩下死球佈置都差啲令佢地得到扳平機會，只係一下被判越位另一下未能成功把握，最終被積遜再入兩球以4-1正式殺死賽事。
喺打少兩個既情況下熱刺反而愈戰愈勇，相反車路士打多兩個之下竟然無乜太多優勢，如果你話藍軍面對低位防守時難以破密集會係一大難題，咁今次面對高位防守都出現同樣問題，球隊缺乏可以撕破對手防線既手段，而普捷天奴既臨場調動亦再一次受到批評，中場明顯失勢下多次比對手喺中路打穿，繼而轉化成具威脅既反擊都無作出跟進，直到安素被透支及作預防性保護先至換人，而烏高卓古更要去到90分鐘先後備落場嘗試鞏固防守，熱刺既攻守體系同運作明顯比起車路士成熟，哩個都係不爭既事實，要不是主隊打少兩個兼球員受傷的話相信今場波藍軍都難以有分落袋。
.
如果由車迷角度出發，哩場波會定義為一場失形勢卻得到分數既賽事，相比於之前一啲得優勢卻沒有分數，難免令人有點不知如何說好既感覺，不過無乜時間梳理心情之下黎緊週末仲有另一場大戰主場對曼城，總算叫做大戰連連前先拎三分打定個底。
文章發表時間 : 8/11/2023 11:30
文章發表時間 : 8/11/2023 11:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊