《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
一場典型既入球與失球套路，造就賓福特哩個老對手作客贏左車路士，近幾場對賽往績藍軍一直處於下風，正當以為上半場可以扭轉形勢至少保得住一分，誰不知最終都要如劇本一樣再一次全失三分，亦成為一眾球迷最為氣憤既地方。
賽前無預計到會有再多球員受傷，點知一睇正選及後備名單發現唔見左梅迪歷及安素，據報二人喺賽前最後一節操練時受傷，雖然小傷未係嚴重不過都被安排休息，而出場陣容上都作出好幾個變動，迪沙斯復任正選伙拍施華、高維及古古尼亞組成防線，中場缺少左安素之下亦唯有將加拉加再次拉後拍卡些度，前面就有馬度基回歸正選，伙拍龐馬以及史達寧為攻堅，正前亦有積遜擔任箭頭。
而睇番後備席既翼鋒人選就真係寥寥可數，只有馬特森一位常任球員，其餘兩位分別係由青年軍抽調上黎既馬圖斯 (Alex Matos) 及華盛頓作為備用人選，可見得正選陣容經已精銳盡出，並無任何後手可作變化。而單以上半場黎睇的話，車路士會係發揮得比較好果隊，即使賓福特一貫專注於防守靜待反擊機會，不過藍軍球員間既互傳同走位都成功拉扯出少有既空間，從而製造出進攻機會，而普捷天奴明顯要求球隊側重地面推進避免兩翼傳中，始終賓福特既中堅球員都相當高大，高波實在未必有太多甜頭。
龐馬可以為成為球隊既進攻核心，車路士接近八成既攻勢都係由佢發動同參與，而古古尼亞適時既上前入攝以及馬度基既右路發難的確令上半場出現左唔少危險鏡頭，正當以為可以扭轉往績處於下風之時，至少保得住一分，半場出到黎既賓福特開始積極反撲加強反擊力度，再利用一個好典型既套路成功爭取到入球，喺完全無人跟之下後上射入得手，而落後緊既車路士亦明顯洩左道氣，加上客隊喺取得入球後就更有主守本錢，藍軍就更加惡唔出樣，球員們亦開始夢遊球場，即使換入占士及馬特森都無令進攻有番起息，之後再換埋烏高卓古同華盛頓入黎都純粹放手一博，最終都要輸多球空門被賓福特以2-0作客擊敗。
今場波有幾樣野值得拎出黎講，首先係傷兵的確影響左部署，近排個勢好番啲主要受惠於中場三位球員拍得出化學作用，今場波一無左安素又要被迫將加拉加放去靠後一個佢唔擅長既位置度，無可避免地都影響左佢既發揮，同時安素既缺陣都同樣令球隊喺攻守兩端上既發揮有所影響，進攻時缺乏方向性，更要加加重對龐馬既負擔，引致後者下半場一跌watt全隊就唔知踢緊乜咁；而進攻上既把握力都成為左兩隊既分野，車路士上半場十射但只得兩中，當中有一下仲要係古古尼亞既入攝機會，反而賓福特既進攻套路雖然單調，但就係擺明車馬話你知佢係用哩招都可以搞得死你，都反映出車路士把握力不足既不爭事實。
再加上梅迪歷既缺陣，即使你話佢喺把握力上未必有好大幫助，但至少有個人可以做調動落場做下爆破都好，馬度基暫時睇黎定位都係半場貨仔，喺尼宮古未復出前車路士喺翼鋒位置上其實無乜本錢可以傷多個，至於馬特森話就話可以打到幾個位，不過依幾場後備落場效果都唔太理想，短期內都睇唔到可以更進一步既機會。
依加隊波仲係需要時間成長，無論係成套form定係個別球員都一樣要時間，而正式踏入11月魔鬼賽程相信所面對既挑戰會更大，普捷天奴同球隊如何應對將會係一大課題。
文章發表時間 : 29/10/2023 11:15文章發表時間 : 29/10/2023 11:15
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
一場典型既入球與失球套路，造就賓福特哩個老對手作客贏左車路士，近幾場對賽往績藍軍一直處於下風，正當以為上半場可以扭轉形勢至少保得住一分，誰不知最終都要如劇本一樣再一次全失三分，亦成為一眾球迷最為氣憤既地方。
賽前無預計到會有再多球員受傷，點知一睇正選及後備名單發現唔見左梅迪歷及安素，據報二人喺賽前最後一節操練時受傷，雖然小傷未係嚴重不過都被安排休息，而出場陣容上都作出好幾個變動，迪沙斯復任正選伙拍施華、高維及古古尼亞組成防線，中場缺少左安素之下亦唯有將加拉加再次拉後拍卡些度，前面就有馬度基回歸正選，伙拍龐馬以及史達寧為攻堅，正前亦有積遜擔任箭頭。
而睇番後備席既翼鋒人選就真係寥寥可數，只有馬特森一位常任球員，其餘兩位分別係由青年軍抽調上黎既馬圖斯 (Alex Matos) 及華盛頓作為備用人選，可見得正選陣容經已精銳盡出，並無任何後手可作變化。而單以上半場黎睇的話，車路士會係發揮得比較好果隊，即使賓福特一貫專注於防守靜待反擊機會，不過藍軍球員間既互傳同走位都成功拉扯出少有既空間，從而製造出進攻機會，而普捷天奴明顯要求球隊側重地面推進避免兩翼傳中，始終賓福特既中堅球員都相當高大，高波實在未必有太多甜頭。
龐馬可以為成為球隊既進攻核心，車路士接近八成既攻勢都係由佢發動同參與，而古古尼亞適時既上前入攝以及馬度基既右路發難的確令上半場出現左唔少危險鏡頭，正當以為可以扭轉往績處於下風之時，至少保得住一分，半場出到黎既賓福特開始積極反撲加強反擊力度，再利用一個好典型既套路成功爭取到入球，喺完全無人跟之下後上射入得手，而落後緊既車路士亦明顯洩左道氣，加上客隊喺取得入球後就更有主守本錢，藍軍就更加惡唔出樣，球員們亦開始夢遊球場，即使換入占士及馬特森都無令進攻有番起息，之後再換埋烏高卓古同華盛頓入黎都純粹放手一博，最終都要輸多球空門被賓福特以2-0作客擊敗。
今場波有幾樣野值得拎出黎講，首先係傷兵的確影響左部署，近排個勢好番啲主要受惠於中場三位球員拍得出化學作用，今場波一無左安素又要被迫將加拉加放去靠後一個佢唔擅長既位置度，無可避免地都影響左佢既發揮，同時安素既缺陣都同樣令球隊喺攻守兩端上既發揮有所影響，進攻時缺乏方向性，更要加加重對龐馬既負擔，引致後者下半場一跌watt全隊就唔知踢緊乜咁；而進攻上既把握力都成為左兩隊既分野，車路士上半場十射但只得兩中，當中有一下仲要係古古尼亞既入攝機會，反而賓福特既進攻套路雖然單調，但就係擺明車馬話你知佢係用哩招都可以搞得死你，都反映出車路士把握力不足既不爭事實。
再加上梅迪歷既缺陣，即使你話佢喺把握力上未必有好大幫助，但至少有個人可以做調動落場做下爆破都好，馬度基暫時睇黎定位都係半場貨仔，喺尼宮古未復出前車路士喺翼鋒位置上其實無乜本錢可以傷多個，至於馬特森話就話可以打到幾個位，不過依幾場後備落場效果都唔太理想，短期內都睇唔到可以更進一步既機會。
依加隊波仲係需要時間成長，無論係成套form定係個別球員都一樣要時間，而正式踏入11月魔鬼賽程相信所面對既挑戰會更大，普捷天奴同球隊如何應對將會係一大課題。
文章發表時間 : 29/10/2023 11:15文章發表時間 : 29/10/2023 11:15
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊