《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
再一次死球防守失誤開賽無耐就落後，繼而卓古美卡追平，跟住有安素十二碼唔入再加入波功臣傷出，再到被韋斯咸反超前，臨完場前仲送多球十二碼比對手射入...難免令人回想起上季果種惡夢感。
如果你用上場對利物浦既表現做對比，今場波就一定係唔合格，不過如果你用上季果啲波黎比的話，無可否認既係球員至少知道佢地落後緊有一顆要追平既心，即使最後都唔成功不過佢地既身體語言都話你聽係有努力過，上季尾果段真係連追都費事等收工咁款，就要睇下你由邊個角度出發；上半場整體黎講其實唔算打得好差，而部份出現過既問題上場對利物浦時都有出現過，包括中場人手被孤立、球員默契仍有待磨練以及前線無人能夠有把握地將個波放入網等，只係上場波用士氣做搭救，加上利物浦都係谷左頭段同尾段，反而今場波既韋斯咸主力佈防同圍搶，務求將你可以用球既空間收到最窄，亦正正擊中左車路士喺創造力不足哩個要害。
失第一球係藍軍近年黎一個好典型既失球例子，禾特包斯只需簡單地開個角球出黎而加拉加跟唔足人之下就被對手頂入，後者當然要付上一定責任，但留意下山齊士喺成個過程中既位置變化，佢喺無乜比人迫之下全程都係望波多，而企位上亦唔顯得出有準備好去迎波或撲救，最後山齊士係連撲既反應都無做，反覆地睇重播都真係睇到一頭霧水，至於第二球就真係唔識評論，身高手場係掂到個波不過都入，但感覺上山齊士都好似有求必應咁對手只要肯起腳肯去頂就會有機會入咁；同時喺占士缺陣下，古斯度以首場正選既表現黎講係不過不失，但球隊就明顯缺少左一啲快速對角長傳既大轉邊去拉扯空位，右邊既出球點就變相只有迪沙斯，而左邊既高維同捷維爾都什少有做對角斬，反而專注打陣地戰就更合韋斯咸心意，不惜氣力同體力去做圍搶，只要迫到你轉唔到身你就只好回傳。
而成場波最上力既就一定係史達寧，好似「電兔」咁喺右邊上落同積遜做左好多互傳配合將個波運到上禁區，但每當一橫傳入禁區就總係差一個人做接應，本身哩個角色就應該係尼宮古做既，就算你話今場有入波既卓古美卡都仲未做到同有哩下埋位意識，有下史達寧同積遜已經喺右邊發動攻勢但佢喺左邊連起動跑既動作都未有，而傷出入替既梅迪歷同之後既馬杜基都一樣，喺現時定位上連後備落場都未係有十足把握，更如何談得上比正選佢地踢。
至於安素除左果球十二碼唔入之外，依然負責左球隊好大部份既防守攔截、埋身迫搶以至喺發動攻勢，交出唔少準繩既中遠距離傳送，未知道今季既十二碼首選係佢還是另有他人，而安排上係球員還是普捷天奴決定，不過佢喺整個射門過程中既動作都唔算得上好流暢，門將亦捉到路成功撲救，哩球唔入可以話為球隊失分留下伏線；最後就想講埋卡些度，球員成個肢體語言都話比你聽佢既競技狀態未係準備好上場，反應慢半拍、落腳攔截有猶疑，個人認為果刻換馬特森落黎反而更好。
失哩三分真係交足學費，而普捷天奴喺賽後有表示球會正為尋求多一名射手努力，哩一刻既車路士有大量年輕只有潛力卻沒有經驗既球員，磨合實在需時，同時開季兩場波已經連續有兩位球員先後受傷，睇黎上季既黑氣已經延續下來。
文章發表時間 : 21/8/2023 15:40
文章發表時間 : 21/8/2023 15:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
再一次死球防守失誤開賽無耐就落後，繼而卓古美卡追平，跟住有安素十二碼唔入再加入波功臣傷出，再到被韋斯咸反超前，臨完場前仲送多球十二碼比對手射入...難免令人回想起上季果種惡夢感。
如果你用上場對利物浦既表現做對比，今場波就一定係唔合格，不過如果你用上季果啲波黎比的話，無可否認既係球員至少知道佢地落後緊有一顆要追平既心，即使最後都唔成功不過佢地既身體語言都話你聽係有努力過，上季尾果段真係連追都費事等收工咁款，就要睇下你由邊個角度出發；上半場整體黎講其實唔算打得好差，而部份出現過既問題上場對利物浦時都有出現過，包括中場人手被孤立、球員默契仍有待磨練以及前線無人能夠有把握地將個波放入網等，只係上場波用士氣做搭救，加上利物浦都係谷左頭段同尾段，反而今場波既韋斯咸主力佈防同圍搶，務求將你可以用球既空間收到最窄，亦正正擊中左車路士喺創造力不足哩個要害。
失第一球係藍軍近年黎一個好典型既失球例子，禾特包斯只需簡單地開個角球出黎而加拉加跟唔足人之下就被對手頂入，後者當然要付上一定責任，但留意下山齊士喺成個過程中既位置變化，佢喺無乜比人迫之下全程都係望波多，而企位上亦唔顯得出有準備好去迎波或撲救，最後山齊士係連撲既反應都無做，反覆地睇重播都真係睇到一頭霧水，至於第二球就真係唔識評論，身高手場係掂到個波不過都入，但感覺上山齊士都好似有求必應咁對手只要肯起腳肯去頂就會有機會入咁；同時喺占士缺陣下，古斯度以首場正選既表現黎講係不過不失，但球隊就明顯缺少左一啲快速對角長傳既大轉邊去拉扯空位，右邊既出球點就變相只有迪沙斯，而左邊既高維同捷維爾都什少有做對角斬，反而專注打陣地戰就更合韋斯咸心意，不惜氣力同體力去做圍搶，只要迫到你轉唔到身你就只好回傳。
而成場波最上力既就一定係史達寧，好似「電兔」咁喺右邊上落同積遜做左好多互傳配合將個波運到上禁區，但每當一橫傳入禁區就總係差一個人做接應，本身哩個角色就應該係尼宮古做既，就算你話今場有入波既卓古美卡都仲未做到同有哩下埋位意識，有下史達寧同積遜已經喺右邊發動攻勢但佢喺左邊連起動跑既動作都未有，而傷出入替既梅迪歷同之後既馬杜基都一樣，喺現時定位上連後備落場都未係有十足把握，更如何談得上比正選佢地踢。
至於安素除左果球十二碼唔入之外，依然負責左球隊好大部份既防守攔截、埋身迫搶以至喺發動攻勢，交出唔少準繩既中遠距離傳送，未知道今季既十二碼首選係佢還是另有他人，而安排上係球員還是普捷天奴決定，不過佢喺整個射門過程中既動作都唔算得上好流暢，門將亦捉到路成功撲救，哩球唔入可以話為球隊失分留下伏線；最後就想講埋卡些度，球員成個肢體語言都話比你聽佢既競技狀態未係準備好上場，反應慢半拍、落腳攔截有猶疑，個人認為果刻換馬特森落黎反而更好。
失哩三分真係交足學費，而普捷天奴喺賽後有表示球會正為尋求多一名射手努力，哩一刻既車路士有大量年輕只有潛力卻沒有經驗既球員，磨合實在需時，同時開季兩場波已經連續有兩位球員先後受傷，睇黎上季既黑氣已經延續下來。
文章發表時間 : 21/8/2023 15:40
文章發表時間 : 21/8/2023 15:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊