《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
似乎藍色系球衣繼續成為球員偏好，為安德列治既青訓產品及後加盟曼城為青年軍一員，短短加盟修咸頓一季過後再一次由紅轉藍，拉維亞（Roméo Lavia）以£53m+£5m轉會費加盟車路士並簽約7年，而官方更搵黎藍橋名宿夏薩特作友情客串，而拉維亞更以Big Boss稱呼對方，聯手宣佈哩位比利時中場加盟既消息。
拉維亞一直係利物浦今個轉會窗既收購對象，並多次向修咸頓接洽求購，但始終未能達到後者心目中果口價，而車路士喺同白禮頓傾緊卡些度既同時，連隨亦向拉維亞提出報價，其後利物浦亦加入卡些度既混戰之中，令整個轉會巿場既新聞頓時集中圍繞住哩兩間球會以及哩兩位球員，成為一單場外充滿「花生味」既肥皂劇。
短短一季喺修咸頓打起就有列強爭逐必定有佢既原因，現年只有19歲既拉維亞主打反搶同推進，每次都會拼盡體力埋身做迫搶，攔截成功後可以做到自己帶一段又或者交出具威脅性既傳送，而且球場覆蓋面積亦都非常廣闊，喺哩個年紀經已擁有著哩個水平可見得未來仍會有相當大既可塑性同成長，不過佢既傷患史都偏多，個人一直認為拉維亞會係類似卡些度既「雛形」，各方面既元素都有啲不過就未係好成形，依然需要時間再作磨練。
以為車路士會貴精不貴多，中場重金買完卡些度就會收手，誰不知同時搶埋拉維亞返黎，但操作上似乎就有啲令人摸不著頭腦，本身經已由雷恩收購完烏高卓古（Lesley Ugochukwu），而陣中亦有山度士（Andrey Santos）排緊位，以車路士今季只需應付本土賽之下實在用不著咁多中場，似乎烏高卓古會係被安排外借果個，當然唔排除普捷天奴會變陣打433三中場，不過暫時睇落球會仍然會為尼宮古而尋求多一位攻中既選擇。
短短年幾時間經歷三個轉會窗，保利大哥經已一手幫車路士成條中軸線改朝換代，加上一堆潛力股，哩場賭博最終有幾多個成功相信未來自有答案。
文章發表時間 : 19/8/2023 12:20
文章最後更新時間 : 19/8/2023 12:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
似乎藍色系球衣繼續成為球員偏好，為安德列治既青訓產品及後加盟曼城為青年軍一員，短短加盟修咸頓一季過後再一次由紅轉藍，拉維亞（Roméo Lavia）以£53m+£5m轉會費加盟車路士並簽約7年，而官方更搵黎藍橋名宿夏薩特作友情客串，而拉維亞更以Big Boss稱呼對方，聯手宣佈哩位比利時中場加盟既消息。
拉維亞一直係利物浦今個轉會窗既收購對象，並多次向修咸頓接洽求購，但始終未能達到後者心目中果口價，而車路士喺同白禮頓傾緊卡些度既同時，連隨亦向拉維亞提出報價，其後利物浦亦加入卡些度既混戰之中，令整個轉會巿場既新聞頓時集中圍繞住哩兩間球會以及哩兩位球員，成為一單場外充滿「花生味」既肥皂劇。
短短一季喺修咸頓打起就有列強爭逐必定有佢既原因，現年只有19歲既拉維亞主打反搶同推進，每次都會拼盡體力埋身做迫搶，攔截成功後可以做到自己帶一段又或者交出具威脅性既傳送，而且球場覆蓋面積亦都非常廣闊，喺哩個年紀經已擁有著哩個水平可見得未來仍會有相當大既可塑性同成長，不過佢既傷患史都偏多，個人一直認為拉維亞會係類似卡些度既「雛形」，各方面既元素都有啲不過就未係好成形，依然需要時間再作磨練。
以為車路士會貴精不貴多，中場重金買完卡些度就會收手，誰不知同時搶埋拉維亞返黎，但操作上似乎就有啲令人摸不著頭腦，本身經已由雷恩收購完烏高卓古（Lesley Ugochukwu），而陣中亦有山度士（Andrey Santos）排緊位，以車路士今季只需應付本土賽之下實在用不著咁多中場，似乎烏高卓古會係被安排外借果個，當然唔排除普捷天奴會變陣打433三中場，不過暫時睇落球會仍然會為尼宮古而尋求多一位攻中既選擇。
短短年幾時間經歷三個轉會窗，保利大哥經已一手幫車路士成條中軸線改朝換代，加上一堆潛力股，哩場賭博最終有幾多個成功相信未來自有答案。
文章發表時間 : 19/8/2023 12:20
文章最後更新時間 : 19/8/2023 12:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊