《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
唔洗輸，無人傷，有分袋，已經心滿意足，畢竟依加都唔能夠強求球隊做得更多，傷兵及停賽名單經已長過後備席上既球員人數，隊內士氣也都一定不算好，今場勝仗或者是下場輸波的前奏，所以都係一場一場睇吧。
樸達今場波又再一次嘗試以一個四後衛陣式應戰，一改上場選用既三中堅，巴迪亞舒利終於獲得加盟後首次正選機會，與施華合作擔任中堅組合，左右二閘分別有兩名小將賀蘭以及查路巴，中場方面正選有佐真奴同干拿加拿加，據報上場受傷既薩卡利亞將要養傷一個多月既時間，而前場方面由左至右排出卓禾美卡、蒙特以及薛耶治，箭頭繼續由夏維斯擔任，單以哩個陣容黎睇中場真係可以用「性感」哩兩個字黎形容，加拉加始終適合於前場多於中場，奈何人手所限樸達亦唔願意將上場打足80分鐘既高華錫出黎冒風險，都只能膽博膽。
上半場形勢由車路士稍稍作主導，薛耶治好幾下右區域直接傳送都能夠成功製造到威脅，只可惜隊友們都一一浪費，相反另一邊既卓禾美卡就相對較靜，按表現黎睇感覺好似後備落場好過正選，至於佢身後既賀蘭經歷持續既上陣時間後表現都有所進步，雖則都仍有製造到驚險畫面，亦有下左路既攻門射出界，仍雖時間磨鍊，中場方面佐真奴亦踢得比較吃力，始終身旁既加拉加都係攻強於守，喺保護力不足之下都令佐真奴需要有更大消耗，而前場球員大多都企定定等波到，企位又過於集中，哩啲老問題都係上半場不能先開紀錄既關鍵。
至於防守上其實都一樣有唔少漏洞，基柏出色既表現源自對手能夠成功起腳射門，都証明左藍軍喺佈防方面仍有唔少進步空間，基柏喺面對正面波既時候反應同撲救都無乜可以挑剔既地方，但當接應兩邊傳中波時就真係有啲危危乎，上半場有下打空氣難免令人聯想早果兩場既失波畫面，而施華既助攻助守始終都無法覆蓋太大面積，場場要佢打足真係同「虐老」無乜太大分別，新加盟既巴迪亞舒利表現可以話不過不失，左腳中堅加上有長傳能力，攔截包位方面都有唔少曝光鏡頭，不過啲控傳決定就真係要做快啲，英超節奏始終比法甲為快，哩一點都係佢需要多加留意既地方。
水晶宮主要針對於車路士既左邊進行攻擊，賀蘭的確有點招架不住，而加拉加亦成為重點埋身肉博對象，基本上佢一拎到波就有白衫球員重點招呼，下半場樸達亦換入奧巴美楊加強攻勢，巧合地佢上場無耐夏維斯就把握得到一下左路傳中機會頂入，其實之後都有一下喺右路差唔多既傳中但佢頂唔正，不過哩個入波都總算為佢打破入球荒，亦成功為車路士小勝一球止止血。
下場將要作客利物浦，兩隊近況都一樣一塌糊塗，同是天涯淪落人的感覺，睇下邊隊可以有少許氣象作谷底小反彈。
題外話，水晶宮防中Cheick Doucouré點解可以無被兩黃一紅趕離場，佢喺領黃後有一下侵犯加拉加完全踩中腳後球証竟然警告了事，果下絕對可以比多一面黃牌判罰，實在難以理解。
文章發表時間 : 16/1/2023 14:05
文章最後更新時間 : 16/1/2023 14:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
唔洗輸，無人傷，有分袋，已經心滿意足，畢竟依加都唔能夠強求球隊做得更多，傷兵及停賽名單經已長過後備席上既球員人數，隊內士氣也都一定不算好，今場勝仗或者是下場輸波的前奏，所以都係一場一場睇吧。
樸達今場波又再一次嘗試以一個四後衛陣式應戰，一改上場選用既三中堅，巴迪亞舒利終於獲得加盟後首次正選機會，與施華合作擔任中堅組合，左右二閘分別有兩名小將賀蘭以及查路巴，中場方面正選有佐真奴同干拿加拿加，據報上場受傷既薩卡利亞將要養傷一個多月既時間，而前場方面由左至右排出卓禾美卡、蒙特以及薛耶治，箭頭繼續由夏維斯擔任，單以哩個陣容黎睇中場真係可以用「性感」哩兩個字黎形容，加拉加始終適合於前場多於中場，奈何人手所限樸達亦唔願意將上場打足80分鐘既高華錫出黎冒風險，都只能膽博膽。
上半場形勢由車路士稍稍作主導，薛耶治好幾下右區域直接傳送都能夠成功製造到威脅，只可惜隊友們都一一浪費，相反另一邊既卓禾美卡就相對較靜，按表現黎睇感覺好似後備落場好過正選，至於佢身後既賀蘭經歷持續既上陣時間後表現都有所進步，雖則都仍有製造到驚險畫面，亦有下左路既攻門射出界，仍雖時間磨鍊，中場方面佐真奴亦踢得比較吃力，始終身旁既加拉加都係攻強於守，喺保護力不足之下都令佐真奴需要有更大消耗，而前場球員大多都企定定等波到，企位又過於集中，哩啲老問題都係上半場不能先開紀錄既關鍵。
至於防守上其實都一樣有唔少漏洞，基柏出色既表現源自對手能夠成功起腳射門，都証明左藍軍喺佈防方面仍有唔少進步空間，基柏喺面對正面波既時候反應同撲救都無乜可以挑剔既地方，但當接應兩邊傳中波時就真係有啲危危乎，上半場有下打空氣難免令人聯想早果兩場既失波畫面，而施華既助攻助守始終都無法覆蓋太大面積，場場要佢打足真係同「虐老」無乜太大分別，新加盟既巴迪亞舒利表現可以話不過不失，左腳中堅加上有長傳能力，攔截包位方面都有唔少曝光鏡頭，不過啲控傳決定就真係要做快啲，英超節奏始終比法甲為快，哩一點都係佢需要多加留意既地方。
水晶宮主要針對於車路士既左邊進行攻擊，賀蘭的確有點招架不住，而加拉加亦成為重點埋身肉博對象，基本上佢一拎到波就有白衫球員重點招呼，下半場樸達亦換入奧巴美楊加強攻勢，巧合地佢上場無耐夏維斯就把握得到一下左路傳中機會頂入，其實之後都有一下喺右路差唔多既傳中但佢頂唔正，不過哩個入波都總算為佢打破入球荒，亦成功為車路士小勝一球止止血。
下場將要作客利物浦，兩隊近況都一樣一塌糊塗，同是天涯淪落人的感覺，睇下邊隊可以有少許氣象作谷底小反彈。
題外話，水晶宮防中Cheick Doucouré點解可以無被兩黃一紅趕離場，佢喺領黃後有一下侵犯加拉加完全踩中腳後球証竟然警告了事，果下絕對可以比多一面黃牌判罰，實在難以理解。
文章發表時間 : 16/1/2023 14:05
文章最後更新時間 : 16/1/2023 14:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊