《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
哥斯達相隔四年重返史丹福，當日佢同干地鬧翻都未有正式同球迷道別，今次回歸主場獲一眾車迷以英雄式歡迎，換走時更獲全場掌聲，場面相當動容；而車路士亦作出唔少輪換安排左大部份週中出戰歐聯球員休息，最終成功以3-0擊敗狼隊，主場全取三分。
相對於週中同樣主場迎戰AC米蘭既歐聯賽事，樸達今場波作出左大幅度輪換，文迪傷癒復出後依舊以基柏作正選，防線只保留高列巴尼一人，身邊拍檔就由上場接替受傷既科芬拿而後備落場既查路巴，左右兩邊就有剛復出既古古尼亞以及久未露面既隊長艾斯派古達，中場方面佐真奴亦復出拍住連續兩場正選既路夫斯捷克，至於前線就只保留左蒙特一人，身邊既拍檔就變左佩利錫、干拿加拉加同埋擔任箭頭既夏維斯。
睇落球員開賽時企位似係一個4231陣式，不過踢落就會發現古古尼亞喺防守時會收後一格擔任左中堅，變相左右通道既位置會交比佩利錫同艾斯派古達，不過由於狼隊上半場比到車路士既壓力並唔太多，只能透過零星反擊進行反撲，亦令兩邊翼衛都係主攻角色偏多，尤其係艾斯派古達既體能明顯保存左高水平輸出，多次於右路同加拉加作出配合，都令狼隊應接不暇；部署上見到樸達側重於地面組織進攻，前面幾位球員能輕易地喺客隊既中後場成功透過幾下短傳直接進入對手心臟地帶，不過車路士依然難改一貫作風，製造到機會但依然把握唔到。
直到完半場前夏維斯一下乖巧既笠頂終於幫藍軍先開紀錄，個人感覺佢依然要時間適應自己喺戰術上既位置，喺回後策應、殺入禁區等時機仍未夠準繩；下半場出番返狼隊換入多一名中場球員後的確成功反搶一段，不過佩利錫一下窄角度半笠射可以話挫弱左佢地果股士氣，而樸達亦相繼換入高華錫、列斯占士同波查等球員後備落場，將陣式變成一個類近433，占士偏向一個右中場角色於邊線上落，前面就保留番加拉加、夏維斯同波查做前壓，最終喺完場前後者亦把握到一個機會射入成3-0，完美地再一次零封大勝對手。
而由維拉新加盟既小將卓古美卡亦有得到出場機會，推腳波上黎既感覺真係有啲似初出道既路夫斯捷克步大力雄，相信黎緊到本土盃賽戰線開啟時會進一步得到更多上陣時間；不過今場波依然有啲地方細節需要留意，初傷癒復出既古古尼亞明顯比狼隊既查奧爾重點攻擊，喺身形加上狀態不足之下令到後者喺一對一時基本上係食硬，但樸達未有喺左路作出臨場部署，直到查奧爾被換離場先至解除威脅，此外中路既防守力都較為薄弱，講緊路夫斯捷克同佐真奴都傾向前壓，令到好多時狼擊一啲反擊機會都較容易直接面對我地兩個中堅，其實哩一點喺樸達執教後都一直時有出現，只係施華硬著頭皮用超技術化解，但似乎喺簡迪缺陣加上尚待薩卡尼亞適應之前，樸達都仲要啲時間諗下哩個問題。
兩場大勝加上不失球，係送比一眾車迷們最好既週末禮物。
文章發表時間 : 9/10/2022 11:25
文章最後更新時間 : 9/10/2022 11:25
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
哥斯達相隔四年重返史丹福，當日佢同干地鬧翻都未有正式同球迷道別，今次回歸主場獲一眾車迷以英雄式歡迎，換走時更獲全場掌聲，場面相當動容；而車路士亦作出唔少輪換安排左大部份週中出戰歐聯球員休息，最終成功以3-0擊敗狼隊，主場全取三分。
相對於週中同樣主場迎戰AC米蘭既歐聯賽事，樸達今場波作出左大幅度輪換，文迪傷癒復出後依舊以基柏作正選，防線只保留高列巴尼一人，身邊拍檔就由上場接替受傷既科芬拿而後備落場既查路巴，左右兩邊就有剛復出既古古尼亞以及久未露面既隊長艾斯派古達，中場方面佐真奴亦復出拍住連續兩場正選既路夫斯捷克，至於前線就只保留左蒙特一人，身邊既拍檔就變左佩利錫、干拿加拉加同埋擔任箭頭既夏維斯。
睇落球員開賽時企位似係一個4231陣式，不過踢落就會發現古古尼亞喺防守時會收後一格擔任左中堅，變相左右通道既位置會交比佩利錫同艾斯派古達，不過由於狼隊上半場比到車路士既壓力並唔太多，只能透過零星反擊進行反撲，亦令兩邊翼衛都係主攻角色偏多，尤其係艾斯派古達既體能明顯保存左高水平輸出，多次於右路同加拉加作出配合，都令狼隊應接不暇；部署上見到樸達側重於地面組織進攻，前面幾位球員能輕易地喺客隊既中後場成功透過幾下短傳直接進入對手心臟地帶，不過車路士依然難改一貫作風，製造到機會但依然把握唔到。
直到完半場前夏維斯一下乖巧既笠頂終於幫藍軍先開紀錄，個人感覺佢依然要時間適應自己喺戰術上既位置，喺回後策應、殺入禁區等時機仍未夠準繩；下半場出番返狼隊換入多一名中場球員後的確成功反搶一段，不過佩利錫一下窄角度半笠射可以話挫弱左佢地果股士氣，而樸達亦相繼換入高華錫、列斯占士同波查等球員後備落場，將陣式變成一個類近433，占士偏向一個右中場角色於邊線上落，前面就保留番加拉加、夏維斯同波查做前壓，最終喺完場前後者亦把握到一個機會射入成3-0，完美地再一次零封大勝對手。
而由維拉新加盟既小將卓古美卡亦有得到出場機會，推腳波上黎既感覺真係有啲似初出道既路夫斯捷克步大力雄，相信黎緊到本土盃賽戰線開啟時會進一步得到更多上陣時間；不過今場波依然有啲地方細節需要留意，初傷癒復出既古古尼亞明顯比狼隊既查奧爾重點攻擊，喺身形加上狀態不足之下令到後者喺一對一時基本上係食硬，但樸達未有喺左路作出臨場部署，直到查奧爾被換離場先至解除威脅，此外中路既防守力都較為薄弱，講緊路夫斯捷克同佐真奴都傾向前壓，令到好多時狼擊一啲反擊機會都較容易直接面對我地兩個中堅，其實哩一點喺樸達執教後都一直時有出現，只係施華硬著頭皮用超技術化解，但似乎喺簡迪缺陣加上尚待薩卡尼亞適應之前，樸達都仲要啲時間諗下哩個問題。
兩場大勝加上不失球，係送比一眾車迷們最好既週末禮物。
文章發表時間 : 9/10/2022 11:25
文章最後更新時間 : 9/10/2022 11:25
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊