《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
一場兩位同為西班牙門將既對決，兩位都同樣交出高水平既表現，最終車路士作客0-0同賓福特打和，論場上形勢黎睇各得一分都係相對合理既賽果，而藍軍不失球紀錄亦再增添多一場。
十月賽事連連，樸達亦作出唔少球員輪換，防線除左基柏同查路巴兩位繼續有正選之外，施華同捷維爾都被安排休息，由高列巴尼、艾斯派古達同查路巴組成三中堅，再將路夫斯捷克推右一格由上場打既中場位變成右翼衛，左翼衛就由古古尼亞擔任，至於雙中場方面就先收起高華錫，由佐真奴拍干拿加拉加打正選，前線亦由波查取代左奧巴美揚打箭頭位，身後兩邊就繼續係蒙特同夏維斯作支援。
開波初段其實藍軍都被主隊既賓福特壓制左一段時間，幾下頭槌攻門都相當具威脅，要不是基柏繼續交出神勇表現，相信車路士早已成為落後既一隊，哩位西班牙門將其實除左有高水平撲救之外，自復任正選以黎都做左好多後場第一點既工作，變相喺三中堅以外再增添多一個出球點，加上信心十足而且長傳準繩度高，好多時都能為球隊即時做到由守轉攻既快速轉換，提升反擊效率；不過都要講下藍軍既防線問題，高列巴尼同查路巴都一樣唔夠集中，前者喺啲進或退既判斷依然做得唔夠好，好幾下前哨都比對手一推就過，後者就一場波總有幾次失暈走甩人或者跳頂時機唔準而漏頂，普通簡單做下補位包波就尚算稱職。
去到中段車路士開始企穩陣腳後開始做到一啲攻勢出黎，樸達賽前部署將波查主攻對手中堅身後位明顯收得成效，見到佢好幾下利用速度同沖刺力去壓制對手製造威脅，不過球員喺大局觀方面依然有步空間，接應後要多加留意隊友既走位唔好掛住望波，哩個都會係佢黎緊能唔能夠更上一層樓既關鍵，至於夏維斯就依然有啲迷失，感覺上佢仲未係好清楚自己喺前線既職能同位置，未拿捏好自己回後還是上前既時機。
及後時間樸達相繼安排左史達寧、佩利錫以及奧巴美揚等人後備落場，個人黎睇略嫌將史達寧放喺左翼衛哩個位置有啲浪費，不過喺輪換之下加上占士等人受傷人手所限，相信佢同佩利錫都有機會需要輪打左右兩邊翼衛，反而後者今場後備落到黎打右翼鋒既表現都幾活躍，開始敢於做番多啲持球突破同前插接應，雖然狀態同動作上見到與高峰水平仍有距離，不過佢都需要喺新領隊上任後為自己爭一席位。
額外都想花些少篇幅講下小將卓古美卡，今次係後備上陣以黎獲得最多時間既一次，身形上見到佢體格都較橫同對手做對抗並唔輸蝕，推腳波上黎都步大力雄，之前都有講動作同身形上都有啲似大師兄路夫斯捷克，今場波都交出左一下窄角度射門都成功中龍，相信樸達黎緊都會進一步比到佢更多上陣時間，會同加拉加以及波查爭逐出場機會。
總結成場波都互有攻守，奈何兩隊都把握唔到入球機會，而雙方門將都有高水準演出以保清白之身，各得一分收場都係合理戰果，不過樸達似乎仲未能夠就著藍軍既攻守兩端平衡而收到效果，守方面排除基柏神勇表現其實防線並唔穩固，至於攻擊線上亦未係好見到有流暢既組織同攻勢發揮到出黎，黎緊週末就將要面對今屆應付強隊戰績不俗既曼聯，相信會有主場之利既車路士亦會受到唔少考驗。
文章發表時間 : 21/10/2022 12:40
文章最後更新時間 : 21/10/2022 12:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
一場兩位同為西班牙門將既對決，兩位都同樣交出高水平既表現，最終車路士作客0-0同賓福特打和，論場上形勢黎睇各得一分都係相對合理既賽果，而藍軍不失球紀錄亦再增添多一場。
十月賽事連連，樸達亦作出唔少球員輪換，防線除左基柏同查路巴兩位繼續有正選之外，施華同捷維爾都被安排休息，由高列巴尼、艾斯派古達同查路巴組成三中堅，再將路夫斯捷克推右一格由上場打既中場位變成右翼衛，左翼衛就由古古尼亞擔任，至於雙中場方面就先收起高華錫，由佐真奴拍干拿加拉加打正選，前線亦由波查取代左奧巴美揚打箭頭位，身後兩邊就繼續係蒙特同夏維斯作支援。
開波初段其實藍軍都被主隊既賓福特壓制左一段時間，幾下頭槌攻門都相當具威脅，要不是基柏繼續交出神勇表現，相信車路士早已成為落後既一隊，哩位西班牙門將其實除左有高水平撲救之外，自復任正選以黎都做左好多後場第一點既工作，變相喺三中堅以外再增添多一個出球點，加上信心十足而且長傳準繩度高，好多時都能為球隊即時做到由守轉攻既快速轉換，提升反擊效率；不過都要講下藍軍既防線問題，高列巴尼同查路巴都一樣唔夠集中，前者喺啲進或退既判斷依然做得唔夠好，好幾下前哨都比對手一推就過，後者就一場波總有幾次失暈走甩人或者跳頂時機唔準而漏頂，普通簡單做下補位包波就尚算稱職。
去到中段車路士開始企穩陣腳後開始做到一啲攻勢出黎，樸達賽前部署將波查主攻對手中堅身後位明顯收得成效，見到佢好幾下利用速度同沖刺力去壓制對手製造威脅，不過球員喺大局觀方面依然有步空間，接應後要多加留意隊友既走位唔好掛住望波，哩個都會係佢黎緊能唔能夠更上一層樓既關鍵，至於夏維斯就依然有啲迷失，感覺上佢仲未係好清楚自己喺前線既職能同位置，未拿捏好自己回後還是上前既時機。
及後時間樸達相繼安排左史達寧、佩利錫以及奧巴美揚等人後備落場，個人黎睇略嫌將史達寧放喺左翼衛哩個位置有啲浪費，不過喺輪換之下加上占士等人受傷人手所限，相信佢同佩利錫都有機會需要輪打左右兩邊翼衛，反而後者今場後備落到黎打右翼鋒既表現都幾活躍，開始敢於做番多啲持球突破同前插接應，雖然狀態同動作上見到與高峰水平仍有距離，不過佢都需要喺新領隊上任後為自己爭一席位。
額外都想花些少篇幅講下小將卓古美卡，今次係後備上陣以黎獲得最多時間既一次，身形上見到佢體格都較橫同對手做對抗並唔輸蝕，推腳波上黎都步大力雄，之前都有講動作同身形上都有啲似大師兄路夫斯捷克，今場波都交出左一下窄角度射門都成功中龍，相信樸達黎緊都會進一步比到佢更多上陣時間，會同加拉加以及波查爭逐出場機會。
總結成場波都互有攻守，奈何兩隊都把握唔到入球機會，而雙方門將都有高水準演出以保清白之身，各得一分收場都係合理戰果，不過樸達似乎仲未能夠就著藍軍既攻守兩端平衡而收到效果，守方面排除基柏神勇表現其實防線並唔穩固，至於攻擊線上亦未係好見到有流暢既組織同攻勢發揮到出黎，黎緊週末就將要面對今屆應付強隊戰績不俗既曼聯，相信會有主場之利既車路士亦會受到唔少考驗。
文章發表時間 : 21/10/2022 12:40
文章最後更新時間 : 21/10/2022 12:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊