《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
正當將轉會窗既目光焦點都放晒喺後防線之時，車路士喺無聲無色之間宣佈簽入阿士東維拉中場新星卓禾美卡（Carney Chukwuemeka），哩單交易就連本身跟開藍軍既記者都未有預先得知消息，成件事可以話黎得非常突然，而轉會費連同附加條款高達二千萬鎊，以一位只有18歲既年輕球員黎講哩個價錢並唔算得上相宜，究竟杜曹同球會睇中佢啲咩？可以為大家介紹一下。
卓禾美卡出生於奧地利，父母同為尼日利亞人，與同樣係足球員既哥哥Caleb Chukwuemeka於英格蘭長大，並一齊加入阿士東維拉青年軍，於16歲時卓禾美卡已經為維拉U23梯隊上陣，早被譽為青訓系統中一顆超新星，去到上季更以17歲之齡被主帥謝拉特提升至一隊之中，後者於訪問中提到哩位小將經已有能力同準備好喺英超上陣，配得上同比佢年長既球員一同作賽既機會，可見得哩位年輕主帥對佢相當器重；而擁有三重國籍既卓禾美卡亦代表英格蘭於年青梯隊中出賽，現為U19青年軍一員，同時獲得剛過去既U19歐洲國家盃冠軍以及獲選為GOAL 2022年最佳年輕球員（GOAL's 2022 ranking of the best wonderkids in the world），全球排名第17位。
相關資料: NXGN 2022: The 50 best wonderkids in football
上季一共為維拉於英超同聯賽盃上陣14場，當中有3場正選交出一個助攻，而其中亦喺聯賽盃之中同車路士交過手；卓禾美卡能夠勝任攻中與中場中，善於持球推進亦擁有小範圍過人技術，好多時都見到佢可以一帶二或者一帶三咁由中場推到對方禁區頂，以哩個歲數黎講卓禾美卡算係做得唔錯，睇番佢既技術特質的確同剛出道既路夫斯捷克有幾分相似，不過當然都唔希望佢得到好似大師兄咁懶於走動什少回防既缺點啦。
唔少車迷都認為卓古美卡會係球會買番黎再部署外借出去吸收經驗，不過杜曹同球會都經已確定球員來季係會留番喺一隊發展，以年輕球員黎講咁快獲得留隊機會實屬罕見，以現有人腳黎睇哩位年輕小將當然未有能力去挑戰佐高簡三人既正選之位，預計佢會先行獲得本土盃賽既上陣機會再循序漸進地發展，而卓古美卡既類型同特質較為偏近與干查加拉加相似，兩者都主打推進、過人等活力發動機角色，論實力當然會係干查加拉加會較為優勝，始終後者經已有兩年英超正選作賽既經驗。
即戰力一定唔會係球會喺哩單交易上既考慮，車路士所買既都係卓古美卡既潛質同可塑性，至少喺尚未成型之下可以發挖既可能性好大，佢亦成為波利入主藍軍後首位以潛力作為考慮而且價值不菲既球員，豪門成長之路並不易行，能唔能夠成功就要睇佢既造化，而答案將會在未來揭曉。
文章發表時間 : 12/8/2022 12:15
文章最後更新時間 : 12/8/2022 12:15
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
正當將轉會窗既目光焦點都放晒喺後防線之時，車路士喺無聲無色之間宣佈簽入阿士東維拉中場新星卓禾美卡（Carney Chukwuemeka），哩單交易就連本身跟開藍軍既記者都未有預先得知消息，成件事可以話黎得非常突然，而轉會費連同附加條款高達二千萬鎊，以一位只有18歲既年輕球員黎講哩個價錢並唔算得上相宜，究竟杜曹同球會睇中佢啲咩？可以為大家介紹一下。
卓禾美卡出生於奧地利，父母同為尼日利亞人，與同樣係足球員既哥哥Caleb Chukwuemeka於英格蘭長大，並一齊加入阿士東維拉青年軍，於16歲時卓禾美卡已經為維拉U23梯隊上陣，早被譽為青訓系統中一顆超新星，去到上季更以17歲之齡被主帥謝拉特提升至一隊之中，後者於訪問中提到哩位小將經已有能力同準備好喺英超上陣，配得上同比佢年長既球員一同作賽既機會，可見得哩位年輕主帥對佢相當器重；而擁有三重國籍既卓禾美卡亦代表英格蘭於年青梯隊中出賽，現為U19青年軍一員，同時獲得剛過去既U19歐洲國家盃冠軍以及獲選為GOAL 2022年最佳年輕球員（GOAL's 2022 ranking of the best wonderkids in the world），全球排名第17位。
相關資料: NXGN 2022: The 50 best wonderkids in football
上季一共為維拉於英超同聯賽盃上陣14場，當中有3場正選交出一個助攻，而其中亦喺聯賽盃之中同車路士交過手；卓禾美卡能夠勝任攻中與中場中，善於持球推進亦擁有小範圍過人技術，好多時都見到佢可以一帶二或者一帶三咁由中場推到對方禁區頂，以哩個歲數黎講卓禾美卡算係做得唔錯，睇番佢既技術特質的確同剛出道既路夫斯捷克有幾分相似，不過當然都唔希望佢得到好似大師兄咁懶於走動什少回防既缺點啦。
唔少車迷都認為卓古美卡會係球會買番黎再部署外借出去吸收經驗，不過杜曹同球會都經已確定球員來季係會留番喺一隊發展，以年輕球員黎講咁快獲得留隊機會實屬罕見，以現有人腳黎睇哩位年輕小將當然未有能力去挑戰佐高簡三人既正選之位，預計佢會先行獲得本土盃賽既上陣機會再循序漸進地發展，而卓古美卡既類型同特質較為偏近與干查加拉加相似，兩者都主打推進、過人等活力發動機角色，論實力當然會係干查加拉加會較為優勝，始終後者經已有兩年英超正選作賽既經驗。
即戰力一定唔會係球會喺哩單交易上既考慮，車路士所買既都係卓古美卡既潛質同可塑性，至少喺尚未成型之下可以發挖既可能性好大，佢亦成為波利入主藍軍後首位以潛力作為考慮而且價值不菲既球員，豪門成長之路並不易行，能唔能夠成功就要睇佢既造化，而答案將會在未來揭曉。
文章發表時間 : 12/8/2022 12:15
文章最後更新時間 : 12/8/2022 12:15
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊