《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
2013年今日，舒爾尼（André Schürrle）或稱舒賀爾尼正式由利華古遜加盟車路士，時至今日你喺賽場上經已見唔到佢既蹤跡，事關佢經已喺2019年7月公佈以年屆廿九歳之齡退役，選擇退隱江湖消聲匿跡，係世界盃冠軍魔咒？還是加盟車路士成為生涯轉淚點？將為大家回顧一下舒爾尼短短十五年既足球生涯。
舒爾尼早於十八歲經已代表緬恩斯於德甲賽場亮相，更榮獲選為最佳青年球員銅獎得主，兩年後正式被利華古遜收歸旗下，更進一步於歐戰賽上陣令更多人認識，曾經穿起黑色球衣與車路士交手，整體表現都被受好評；舒爾尼同時可以擔任左、右翼鋒以及最前點既影子前鋒，可以話係攻擊線上既多面手，而且機動力強，擅於透過跑動拉扯對方防線以及捕捉埋門機會，總能夠喺合適既地方出現，擁有哩一種特質既球員即使去到今時今日都依然相當難搵，而佢當年亦好快吸引到大球會既目光，其中一個就係時任車路士領隊摩連奴。
藍軍成功將德國人帶到黎史丹福橋，首季主要以半正選半後備角色登場，不過佢都總能交足功課，尤其喺球場落後或者未能打破僵局換佢上場時，佢都總能以後備奇兵身份為球隊追番唔少分數，加上佢偏向「食腦」既走位配合當時既助攻王法比加斯時，聯合起黎既效果就更為明顯，而舒爾尼亦將同樣效果帶到返去國家隊，以一球助攻協助德國隊登上世界盃冠軍寶座，將職業生涯推至頂峰。
但有邊個又會估到佢既回落速度會係咁快，舒爾尼並無將哩股狀態再帶到番車路士度，某程度上係由於摩連奴相當注重前場迫搶，但舒爾尼並不擅於迫搶同防守，加上球員受傷患困擾以及操之過急急於表現自己既心態，令佢可獲得既上陣時間每況愈下，最終被摩連奴投閒置散，重回舊地加盟德甲既禾夫斯堡，其實當時唔少車迷都為佢感到婉惜，事關佢為車路士效力既時間太短，奈何受到傷患同狀態影響而唔能夠交出好表現，以摩連講求效率同成績之下而選擇放棄佢，而換成收購古亞達度既籌碼。
返去禾堡之後舒爾尼明顯有回勇跡象，穩定既上陣時間令佢當季交出十二個入球七個助攻，與迪布尼同為隊友。經過一個球季之後亦更進一步加盟上位於上游既多蒙特，但其實果時外界都覺得佢應該繼續留效禾堡，短短一季又要再次轉變環境融入第二個體系對於舒爾尼哩種適應力唔強既球員黎講係會吃力，的而且確喺加盟「蜜蜂兵團」之後佢既職業生涯再一次經歷倒退，更重要既係今次既倒退可以話令舒爾尼再無番生之地，喺老朋友傷患亦向其招手之下，基本上佢都無乜交出過啲咩好表現。
上陣次數由大減，傷患同時影響到佢既速度同埋門觸角，能力同表現都經已大不如前，亦令佢無被選入2018年世界盃德國隊既大軍名單當中，而多蒙特都選擇將舒爾尼先後外借到英超既富咸同俄超既莫斯科斯巴達，但表現依然都無乜起息，最終亦同多蒙特達成協議提前解約，及後亦宣佈退役既消息，佢喺訪問中題及過其實早已有掛靴既念頭，明白到自己經已愈走愈深，精彩既時刻亦愈黎愈短，喺足球場上只講表現，否則你就會失去工作，而且唔會搵到新既工作，可見得佢已經對職業足球失去興趣，睇番都令人感到痛心，今日再睇番舒爾尼既社交媒體帳號經已無晒過往既穿起球依既相片，就只係得番四張家庭照片。
高開低走既職業生涯，選擇加盟車路士同多蒙特對佢黎講未必係一個好決定，可惜被傷患玩弄即使佢奪得世界盃冠軍亦無助延續之後既生涯，再睇番當中助攻入球為德國隊奠勝既隊友馬里奧葛斯依然苦苦掙扎，也許這就是命運...
文章發表時間 : 26/6/2022 11:40
文章最後更新時間 : 26/6/2022 11:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
2013年今日，舒爾尼（André Schürrle）或稱舒賀爾尼正式由利華古遜加盟車路士，時至今日你喺賽場上經已見唔到佢既蹤跡，事關佢經已喺2019年7月公佈以年屆廿九歳之齡退役，選擇退隱江湖消聲匿跡，係世界盃冠軍魔咒？還是加盟車路士成為生涯轉淚點？將為大家回顧一下舒爾尼短短十五年既足球生涯。
舒爾尼早於十八歲經已代表緬恩斯於德甲賽場亮相，更榮獲選為最佳青年球員銅獎得主，兩年後正式被利華古遜收歸旗下，更進一步於歐戰賽上陣令更多人認識，曾經穿起黑色球衣與車路士交手，整體表現都被受好評；舒爾尼同時可以擔任左、右翼鋒以及最前點既影子前鋒，可以話係攻擊線上既多面手，而且機動力強，擅於透過跑動拉扯對方防線以及捕捉埋門機會，總能夠喺合適既地方出現，擁有哩一種特質既球員即使去到今時今日都依然相當難搵，而佢當年亦好快吸引到大球會既目光，其中一個就係時任車路士領隊摩連奴。
藍軍成功將德國人帶到黎史丹福橋，首季主要以半正選半後備角色登場，不過佢都總能交足功課，尤其喺球場落後或者未能打破僵局換佢上場時，佢都總能以後備奇兵身份為球隊追番唔少分數，加上佢偏向「食腦」既走位配合當時既助攻王法比加斯時，聯合起黎既效果就更為明顯，而舒爾尼亦將同樣效果帶到返去國家隊，以一球助攻協助德國隊登上世界盃冠軍寶座，將職業生涯推至頂峰。
但有邊個又會估到佢既回落速度會係咁快，舒爾尼並無將哩股狀態再帶到番車路士度，某程度上係由於摩連奴相當注重前場迫搶，但舒爾尼並不擅於迫搶同防守，加上球員受傷患困擾以及操之過急急於表現自己既心態，令佢可獲得既上陣時間每況愈下，最終被摩連奴投閒置散，重回舊地加盟德甲既禾夫斯堡，其實當時唔少車迷都為佢感到婉惜，事關佢為車路士效力既時間太短，奈何受到傷患同狀態影響而唔能夠交出好表現，以摩連講求效率同成績之下而選擇放棄佢，而換成收購古亞達度既籌碼。
返去禾堡之後舒爾尼明顯有回勇跡象，穩定既上陣時間令佢當季交出十二個入球七個助攻，與迪布尼同為隊友。經過一個球季之後亦更進一步加盟上位於上游既多蒙特，但其實果時外界都覺得佢應該繼續留效禾堡，短短一季又要再次轉變環境融入第二個體系對於舒爾尼哩種適應力唔強既球員黎講係會吃力，的而且確喺加盟「蜜蜂兵團」之後佢既職業生涯再一次經歷倒退，更重要既係今次既倒退可以話令舒爾尼再無番生之地，喺老朋友傷患亦向其招手之下，基本上佢都無乜交出過啲咩好表現。
上陣次數由大減，傷患同時影響到佢既速度同埋門觸角，能力同表現都經已大不如前，亦令佢無被選入2018年世界盃德國隊既大軍名單當中，而多蒙特都選擇將舒爾尼先後外借到英超既富咸同俄超既莫斯科斯巴達，但表現依然都無乜起息，最終亦同多蒙特達成協議提前解約，及後亦宣佈退役既消息，佢喺訪問中題及過其實早已有掛靴既念頭，明白到自己經已愈走愈深，精彩既時刻亦愈黎愈短，喺足球場上只講表現，否則你就會失去工作，而且唔會搵到新既工作，可見得佢已經對職業足球失去興趣，睇番都令人感到痛心，今日再睇番舒爾尼既社交媒體帳號經已無晒過往既穿起球依既相片，就只係得番四張家庭照片。
高開低走既職業生涯，選擇加盟車路士同多蒙特對佢黎講未必係一個好決定，可惜被傷患玩弄即使佢奪得世界盃冠軍亦無助延續之後既生涯，再睇番當中助攻入球為德國隊奠勝既隊友馬里奧葛斯依然苦苦掙扎，也許這就是命運...
文章發表時間 : 26/6/2022 11:40
文章最後更新時間 : 26/6/2022 11:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊