《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
車路士依加既情況相對早前經已叫做穩定落黎，由新班主波利（Todd Boehly）親自負責哩個轉會窗既操作，瑪蓮娜（Marina Granovskaia）就只待完成過渡工作後就會正式離開藍軍，至於施治將會同新班主會面後決定去留，當中主要斟酌於後者喺新管理層之中既角色位置，相信都好快會有定案。
相關文章 : 《新班主入主 高層大變天 你如何評價瑪蓮娜近十年的功與過？》
而最受球迷關注既定必係轉會收購，喺新體育總監未有合適人選之前，個人認為波利將會好大程度取決於杜曹同本身教練團以及球探系統既決定，尤其係杜曹既個人意見絕對會係優先考慮既因素之一，不過由以往哩位德籍教頭所執教過既球隊黎睇，佢本人係無乜偏好於同某幾位指定球員合作，即使傳得比較埋曾經喺多蒙特合作過既丹比利都好，你見車路士到哩一刻都未正式出手就知道其實仲有要值得商榷既地方。
先唔講外界所吹奏新班主會注資幾多幾多錢入藍軍比杜曹買唔知幾多幾多個球員，由現實角度出發，車路士加上杜曹哩個組合既吸引力喺巿場上其實唔算話好高，即使上年球隊獲得歐聯冠軍，但球會喺名聲上既增幅同歷史底蘊仍然同其他大牌球會有啲距離，同時杜曹亦無好似高普咁獨特崇高既個人魅力去吸引球星加盟，基本上球員依然會以皇、巴、拜、利、城為優先考慮既地方，藍軍都只能競逐一啲偏向次選或為第二梯隊既球員，又或者一啲由哩五支球隊所轉出既球員。
由依加車路士既陣容黎睇，球隊至低限度都需要收購兩名新中堅以及一名前線球員去填補空缺，仍未包括之後仲有個別位置既球員離開；喺收購中堅方面，並唔可以再係收購一啲未完全成長既「幼齒」或提拔年青球員去完成，球員需要具備即戰力，事關堤亞高施華經已又大一年，同時查路巴依然尚未能委以重任，前者絕對無法完全應付全季多達四五十場既賽事，而最為「無限接近」既觀迪（Jules Koundé）受到傷患困擾埋下伏線，並有指哩名法國新晉中堅一直都只係瑪蓮娜既目標並非杜曹首選，正當全世界都知你走左兩個中堅需要有新收購時，操作可以話更為艱難，尤其係巿場上有能力而且可供選擇既中堅人選並唔多，哩個位就要睇新班主既談判手段同埋投入既資源係會去到邊個程度。
至於前線方面，即使未官宣但盧卡古個心都一早去左國米，所遺漏落去既空缺會由上季外借到修咸頓有好表現既波查（Armando Broja）去接手，還是另作收購依然係未知之數，相信會留待杜曹喺季前集訓時因應球員表現再作評估，而個人認為夏維斯將會喺新一季重新投入正選中鋒位置，喺經歷被盧卡古蹉跎一季後球隊既前線配搭可以話回歸基本步，依加有新班主全力支持下杜曹亦理應需要盡快確立自己心儀既進攻人選同套路，始終佩利錫、添姆雲拿等前線球員經過左哩兩個賽季依然都未能給予球迷信心。
相關文章 : 《車路士賽季總結丨比上有不足 比下又有餘》
除左後場同前線之外，個人認為中場都係一個值得關注既地方，而哩個位置既轉會消息亦係傳得最少的，雖然排序上未必係首選之列，不過佐、高、簡哩對組合黎緊將會係第四個賽季合作，三位球員喺傳控體系之下的確能夠完完發揮出自己最好既一面，不過簡迪再大一歲近年經已受到唔少傷患困擾，而佐真奴亦都年紀唔輕，加上喺國家隊出局未能晉身參與世界盃之後狀態一直浮浮沉沉，而且哩對組合亦不善於前插助攻，禁區頂外既遠射偏少，變相令球隊缺少左一道進攻板斧，即使杜曹嘗試利用路夫斯捷克作為後手，球員亦無交出符合預期既表現，而上季外借到水晶宮有唔錯成績既干拿加拉加（Conor John Gallaghe）看似都未必係杜曹心目中體系既一員，當然都要再睇季前集訓既融合同球員所交出既表現至有定案，而事實係球隊的確缺少左一名善於後上、推進連同具創造力破密集既中場球員。
距離季前集訓仲有兩個星期，時間緊迫究竟最終能否喺熱身賽前完成收購補充？還是繼續「無限接近」既加盟消息？相信好快自有揭曉。
文章發表時間 : 25/6/2022 09:30
文章最後更新時間 : 25/6/2022 09:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
車路士依加既情況相對早前經已叫做穩定落黎，由新班主波利（Todd Boehly）親自負責哩個轉會窗既操作，瑪蓮娜（Marina Granovskaia）就只待完成過渡工作後就會正式離開藍軍，至於施治將會同新班主會面後決定去留，當中主要斟酌於後者喺新管理層之中既角色位置，相信都好快會有定案。
相關文章 : 《新班主入主 高層大變天 你如何評價瑪蓮娜近十年的功與過？》
而最受球迷關注既定必係轉會收購，喺新體育總監未有合適人選之前，個人認為波利將會好大程度取決於杜曹同本身教練團以及球探系統既決定，尤其係杜曹既個人意見絕對會係優先考慮既因素之一，不過由以往哩位德籍教頭所執教過既球隊黎睇，佢本人係無乜偏好於同某幾位指定球員合作，即使傳得比較埋曾經喺多蒙特合作過既丹比利都好，你見車路士到哩一刻都未正式出手就知道其實仲有要值得商榷既地方。
先唔講外界所吹奏新班主會注資幾多幾多錢入藍軍比杜曹買唔知幾多幾多個球員，由現實角度出發，車路士加上杜曹哩個組合既吸引力喺巿場上其實唔算話好高，即使上年球隊獲得歐聯冠軍，但球會喺名聲上既增幅同歷史底蘊仍然同其他大牌球會有啲距離，同時杜曹亦無好似高普咁獨特崇高既個人魅力去吸引球星加盟，基本上球員依然會以皇、巴、拜、利、城為優先考慮既地方，藍軍都只能競逐一啲偏向次選或為第二梯隊既球員，又或者一啲由哩五支球隊所轉出既球員。
由依加車路士既陣容黎睇，球隊至低限度都需要收購兩名新中堅以及一名前線球員去填補空缺，仍未包括之後仲有個別位置既球員離開；喺收購中堅方面，並唔可以再係收購一啲未完全成長既「幼齒」或提拔年青球員去完成，球員需要具備即戰力，事關堤亞高施華經已又大一年，同時查路巴依然尚未能委以重任，前者絕對無法完全應付全季多達四五十場既賽事，而最為「無限接近」既觀迪（Jules Koundé）受到傷患困擾埋下伏線，並有指哩名法國新晉中堅一直都只係瑪蓮娜既目標並非杜曹首選，正當全世界都知你走左兩個中堅需要有新收購時，操作可以話更為艱難，尤其係巿場上有能力而且可供選擇既中堅人選並唔多，哩個位就要睇新班主既談判手段同埋投入既資源係會去到邊個程度。
至於前線方面，即使未官宣但盧卡古個心都一早去左國米，所遺漏落去既空缺會由上季外借到修咸頓有好表現既波查（Armando Broja）去接手，還是另作收購依然係未知之數，相信會留待杜曹喺季前集訓時因應球員表現再作評估，而個人認為夏維斯將會喺新一季重新投入正選中鋒位置，喺經歷被盧卡古蹉跎一季後球隊既前線配搭可以話回歸基本步，依加有新班主全力支持下杜曹亦理應需要盡快確立自己心儀既進攻人選同套路，始終佩利錫、添姆雲拿等前線球員經過左哩兩個賽季依然都未能給予球迷信心。
相關文章 : 《車路士賽季總結丨比上有不足 比下又有餘》
除左後場同前線之外，個人認為中場都係一個值得關注既地方，而哩個位置既轉會消息亦係傳得最少的，雖然排序上未必係首選之列，不過佐、高、簡哩對組合黎緊將會係第四個賽季合作，三位球員喺傳控體系之下的確能夠完完發揮出自己最好既一面，不過簡迪再大一歲近年經已受到唔少傷患困擾，而佐真奴亦都年紀唔輕，加上喺國家隊出局未能晉身參與世界盃之後狀態一直浮浮沉沉，而且哩對組合亦不善於前插助攻，禁區頂外既遠射偏少，變相令球隊缺少左一道進攻板斧，即使杜曹嘗試利用路夫斯捷克作為後手，球員亦無交出符合預期既表現，而上季外借到水晶宮有唔錯成績既干拿加拉加（Conor John Gallaghe）看似都未必係杜曹心目中體系既一員，當然都要再睇季前集訓既融合同球員所交出既表現至有定案，而事實係球隊的確缺少左一名善於後上、推進連同具創造力破密集既中場球員。
距離季前集訓仲有兩個星期，時間緊迫究竟最終能否喺熱身賽前完成收購補充？還是繼續「無限接近」既加盟消息？相信好快自有揭曉。
文章發表時間 : 25/6/2022 09:30
文章最後更新時間 : 25/6/2022 09:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊