《杜奧巴寄語盧卡古堅持 身價中鋒應如何應對扭轉劣勢?》

BluexLion車迷手記 於 16/02/2022 發表 收藏文章
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-


車路士最終都贏埋世冠盃,過程中係咪贏得有說服力?老實地講就唔係既,不過近哩幾個月最被受批評既盧卡古都叫做有喺兩場賽事入波,都叫做交到功課,而傳奇前鋒杜奧巴喺決賽後接受訪問指出自己對盧卡古既睇法,並寄語球員要堅持,盧卡古應如何應對身價扭轉劣勢?相信會係依加佢面對最為艱難既事。

杜奧巴喺訪問中指出,對於盧卡古過去幾週所做既事感到高興,因為最好既回應就係入波同為球隊贏得到錦標,佢認為盧卡古清楚自己返黎史丹福橋係需要做啲咩,而杜曹亦係最明白當初點解要買盧卡古返黎既人黎,大家只需要比時間耐心地等待,踢得大球會遇上逆境就總會受到批評,而佢自己亦唔想同哩位比利時前鋒做過多既比較,因為後者都係一個出色既球員,亦同時寄語盧卡古要堅持落去。


背負住身價既壓力,球迷們既目光,加上曾經喺曼聯不快既回憶,選擇由樂土意甲回歸英超哩個決定其實唔容易,尤其係媒體總會針對你場內外行為去製造話題,即使你話盧卡古喺「訪問事件」上需要負上全責,但媒體針對發放消息既時間可以話相當準確,繼而延伸出大量後繼話題繼續針對球員,老實地講要避開哩啲消息既目光場上唔受影響就真係呃你既。

其實由上季開始都睇到,車路士喺攻擊線上缺少左兩項元素,一就係創造機會能力,二係創造到機會下將個波放入網既能力,盧卡古既回歸相信係杜曹為左解決第二項而作出既操作決定,但其實喺缺乏創造機會既球員上球隊係並無作出任何補充,而簡高佐哩對組合由沙利年代開始都睇得到佢地係精於掃蕩操控但缺少創造能力,而蒙特亦被杜曹定性於為翼鋒多於中場,相對上具創造元素既薜耶治亦喺三中堅體系之下有所掙扎,加上明顯對於英超既身體對抗表現得吃力,球隊並無就著創造力哩個問題喺人腳上作出任增長同變動,變相加大左翼衛缺陣同盧卡古既問題。

捷維爾同列斯占士前插助攻無疑成功淡化到前線組合攻力問題,即使仍然無法打破密集,不過佢地翼衛二人都依然可以透過高質素既傳中去製造入球機會,依加佢地缺陣就正正令問題重新放大浮現出黎,而喺搵戰犯之下盧卡古就必定係受靶第一人,因為佢既加盟無助為球隊喺攻力上作出任何提升,但其實即使無佢換番夏維斯出黎,喺上季都見到一樣既問題,創造力係並唔會有任何提升,夏維斯最多只能做到球員元素上既轉變,但前線乏力既問題係並無解決過。


當然,盧卡古喺前線可以做到既野其實都仲有好多,例如投入更多跑動覆蓋去為隊友製造更多空間,嘗試改變自己固有既踢法迎合球隊既需要而唔係總喺度等機會黎臨,哩一啲都係球迷們樂意見到既畫面黎,而其實早喺杜奧巴加盟初期都有被球迷針對,被笑予「豬油巴」稱號,敢相信佢係依加最明白盧卡古處境既人,亦都希望真係如佢所願令盧卡古堅持下去。



文章發表時間 : 16/2/2022 11:50
文章最後更新時間 : 16/2/2022 11:50

《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 車路士  盧卡古  杜奧巴  

留言


請按此登錄後留言。未成為會員? 立即註冊
    快捷鍵:←
    快捷鍵:→