《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
文迪短暫離開球會參與非洲盃賽事，最終亦順利完成為塞內加爾贏得冠軍，而喺哩段時間車路士門將之位就由基柏把守，哩位西班牙門將自18年加盟史丹福橋以黎可以話走盡人生高山低谷，即使近日只得到短時間出場機會亦明顯有回勇跡象，相信仲喺黃金之年既基柏會希望自己有穩定既上陣時間，離隊將會係唯一選擇。
貴為全球身價最高既門將，基柏（亦稱阿列沙巴拿加）喺18年以7200萬既解約金轉會費由家鄉西班牙轉到倫敦，全因當時本為藍軍正選門將既古圖爾斯一直留喺馬德里未有歸隊，迫使球會放人令佢可以加盟皇馬，而藍軍亦只好以解約金形式觸發基柏既合約條款，將佢帶到英超場上，不過可能連球員都未必估到，佢喺英國既經歷會係咁多。
首季佢喺時任主帥沙利帶領下的確有唔錯既表現，尤其係喺球隊主打傳控既戰術底下，基柏既腳下功夫加上用波能力非常適合傳控體系，長傳球落點亦相當精準，可惜自「拒換風波」之後加上情場失意，令基柏既表現如洪水般式下滑， 直到下一個賽季出現連番失誤更令時任主帥林伯特選擇用卡巴尼路取代左佢，可以話令基柏既職業生涯跌進低谷，短短兩個賽季已經經歷咁大轉變。
而球會亦隨即收購黎自法甲既文迪作為正選門將，哩名氣哩位塞內加爾門將當然及不上基柏，不過佢都好快用表現贏得一眾球迷歡心，身高手長加上反應快，即使腳下功夫未算好純熟但防守都比到人穩健既感覺，更為球會自2012年後贏得歐聯冠軍大耳朵盃，成為首位贏得歐聯冠軍的非洲門將，正式登上人生高峰。
文迪同基柏既處境可以話形成左強烈既對比，即使基柏近況回勇但相信亦無阻文迪將會繼續成為球隊一號門將既地位，正所謂一山不能藏二虎，始終基柏都直正黃金之年，相信球員都會選擇離開尋求穩定既上陣時間，早前都有傳前領隊沙利執教緊既拉素有意搵基柏過去幫手，希望佢既回勇能夠保持為自己爭取更多既機會本錢。
文章發表時間 : 11/2/2022 14:50
文章最後更新時間 : 11/2/2022 14:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
文迪短暫離開球會參與非洲盃賽事，最終亦順利完成為塞內加爾贏得冠軍，而喺哩段時間車路士門將之位就由基柏把守，哩位西班牙門將自18年加盟史丹福橋以黎可以話走盡人生高山低谷，即使近日只得到短時間出場機會亦明顯有回勇跡象，相信仲喺黃金之年既基柏會希望自己有穩定既上陣時間，離隊將會係唯一選擇。
貴為全球身價最高既門將，基柏（亦稱阿列沙巴拿加）喺18年以7200萬既解約金轉會費由家鄉西班牙轉到倫敦，全因當時本為藍軍正選門將既古圖爾斯一直留喺馬德里未有歸隊，迫使球會放人令佢可以加盟皇馬，而藍軍亦只好以解約金形式觸發基柏既合約條款，將佢帶到英超場上，不過可能連球員都未必估到，佢喺英國既經歷會係咁多。
首季佢喺時任主帥沙利帶領下的確有唔錯既表現，尤其係喺球隊主打傳控既戰術底下，基柏既腳下功夫加上用波能力非常適合傳控體系，長傳球落點亦相當精準，可惜自「拒換風波」之後加上情場失意，令基柏既表現如洪水般式下滑， 直到下一個賽季出現連番失誤更令時任主帥林伯特選擇用卡巴尼路取代左佢，可以話令基柏既職業生涯跌進低谷，短短兩個賽季已經經歷咁大轉變。
而球會亦隨即收購黎自法甲既文迪作為正選門將，哩名氣哩位塞內加爾門將當然及不上基柏，不過佢都好快用表現贏得一眾球迷歡心，身高手長加上反應快，即使腳下功夫未算好純熟但防守都比到人穩健既感覺，更為球會自2012年後贏得歐聯冠軍大耳朵盃，成為首位贏得歐聯冠軍的非洲門將，正式登上人生高峰。
文迪同基柏既處境可以話形成左強烈既對比，即使基柏近況回勇但相信亦無阻文迪將會繼續成為球隊一號門將既地位，正所謂一山不能藏二虎，始終基柏都直正黃金之年，相信球員都會選擇離開尋求穩定既上陣時間，早前都有傳前領隊沙利執教緊既拉素有意搵基柏過去幫手，希望佢既回勇能夠保持為自己爭取更多既機會本錢。
文章發表時間 : 11/2/2022 14:50
文章最後更新時間 : 11/2/2022 14:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊