《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
相信哩一篇會係有關於一月冬季轉會窗既最後一篇文章，亦算係筆者不吐不快既文章之一，承接著《杜曹上任一週年回顧 走過了高山與低谷 未來兩個月成關鍵？》，整個轉會窗零收購對於車路士下半賽季既影響可以話相當之大，未來失利既責任，除左話杜曹同一眾球員之外，理應球會高層亦要負上部份責任。
先小人後君子，以人腳陣容黎講車路士既球員名單從來都唔差，至少每個位置都有至少兩位球員替換，以有能力擔任正選既實力都有番咁上下，不過自十一月尾開始藍軍陸續受到疫情同傷患影響，尤其係捷維爾喺對陣祖雲達斯既歐聯賽事中重創收咧，左翼衛位置上就只係淨低馬高斯阿朗素一位常任球員，哩名西班牙翼衛攻強守弱既特性相信一眾睇開英超既球迷都好清楚，至少以佢既速度同體能都無法一個人打晒下半季所有賽事，尤其係車路士依然都仲有唔少戰線需要應付。
由回收艾馬臣，再到傳當時仲喺愛華頓既迪尼、巴塞既達斯，跟住就喺巴甲回收堅尼地返黎，都見到車路士高層眼高手低既本色，好似好多個計劃有晒Plan A、Plan B、Plan C咁，但無諗過每個計劃最終都係行唔通，而依加竟然要杜曹迫住用沙亞去客串哩個左翼衛角色，雖然哩名法國球員以往都有擔任左閘既經驗，不過過去哩段時間都睇到佢尚未完全適應英超環境，沙亞點都唔會係高層以至杜曹當初為頂替捷維爾而解決既首選。
相關文章 : 《左閘引援仍未有定案 沙亞或許是最終解決方案？》
而堅尼地亦確定得到車路士註冊為英超球員並獲得23號球衣，相信佢、沙亞以及馬高斯阿朗素會係下半季擔任左翼衛或左閘既人選，只能寄望佢地都有超水準表現，否則下半季球隊既左路都會被對手重點攻擊既目標，每當成績一跌首位受衝擊既對象定必係主教練，杜曹黎緊所受既挑戰將會愈黎愈大。
文章發表時間 : 7/2/2022 12:40
文章最後更新時間 : 7/2/2022 12:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
相信哩一篇會係有關於一月冬季轉會窗既最後一篇文章，亦算係筆者不吐不快既文章之一，承接著《杜曹上任一週年回顧 走過了高山與低谷 未來兩個月成關鍵？》，整個轉會窗零收購對於車路士下半賽季既影響可以話相當之大，未來失利既責任，除左話杜曹同一眾球員之外，理應球會高層亦要負上部份責任。
先小人後君子，以人腳陣容黎講車路士既球員名單從來都唔差，至少每個位置都有至少兩位球員替換，以有能力擔任正選既實力都有番咁上下，不過自十一月尾開始藍軍陸續受到疫情同傷患影響，尤其係捷維爾喺對陣祖雲達斯既歐聯賽事中重創收咧，左翼衛位置上就只係淨低馬高斯阿朗素一位常任球員，哩名西班牙翼衛攻強守弱既特性相信一眾睇開英超既球迷都好清楚，至少以佢既速度同體能都無法一個人打晒下半季所有賽事，尤其係車路士依然都仲有唔少戰線需要應付。
由回收艾馬臣，再到傳當時仲喺愛華頓既迪尼、巴塞既達斯，跟住就喺巴甲回收堅尼地返黎，都見到車路士高層眼高手低既本色，好似好多個計劃有晒Plan A、Plan B、Plan C咁，但無諗過每個計劃最終都係行唔通，而依加竟然要杜曹迫住用沙亞去客串哩個左翼衛角色，雖然哩名法國球員以往都有擔任左閘既經驗，不過過去哩段時間都睇到佢尚未完全適應英超環境，沙亞點都唔會係高層以至杜曹當初為頂替捷維爾而解決既首選。
相關文章 : 《左閘引援仍未有定案 沙亞或許是最終解決方案？》
而堅尼地亦確定得到車路士註冊為英超球員並獲得23號球衣，相信佢、沙亞以及馬高斯阿朗素會係下半季擔任左翼衛或左閘既人選，只能寄望佢地都有超水準表現，否則下半季球隊既左路都會被對手重點攻擊既目標，每當成績一跌首位受衝擊既對象定必係主教練，杜曹黎緊所受既挑戰將會愈黎愈大。
文章發表時間 : 7/2/2022 12:40
文章最後更新時間 : 7/2/2022 12:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊