《杜曹上任一週年回顧 走過了高山與低谷 未來兩個月成關鍵?》

藍獅 於 02/02/2022 發表 收藏文章
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-


杜曹上任一週年,相信2021年會係車路士球迷最為滿意既一年,自12年球季後再一次成為歐聯冠軍,連同超級盃冠軍杜曹一共為藍軍奪取兩得重要錦標,自己亦成為榮獲最佳教練個人奬項,可以話教練生涯既高峰,不過近期車路士受到各種事件所影響,外憂內患問題開始逐一浮現,杜曹與球隊走過高山過後能否一齊渡過低谷,相信未來兩個月會成為關鍵。

季中走馬上任,杜曹接過林伯特所留下落黎既車路士,按球隊實力黎講其實藍軍陣容唔算差,林伯特吸引左一眾新星及星球球員好似夏維斯、添姆雲拿等加盟,同時亦有老將堤亞高施華陣守防線,可以運用既戰術元素其實唔少,杜曹亦係善於用人以戰術佈局為先既教練黎,馬上將藍軍主力陣式回歸三中堅,將被林伯特棄用既魯迪加、佐真奴等人解凍,以傳控體系重新為車路士注入新動力。


前線入球手艾巴咸慢慢淡出主力陣容當中,取而代之既係夏維斯為攻擊線最前點,左右各自安排添姆雲拿、佩利錫、蒙特等人輪換,中場以佐真奴為傳控核心,身邊再有高華錫或簡迪負責推進掃蕩,而防線有施華領軍下左右亦有隊長艾斯派古達同魯迪加,即使缺少佐真奴亦有施華接替後場方向性傳送等工作,大大令失球數字減低,攻守轉換迫搶走位相當鮮明,最終更成擊敗曼城成為歐洲冠軍盟主。

不過冠軍背有亦無法隱藏一啲喺接掌過去大半季經已出現既問題,包括面對住鐵桶死守球隊無人有能力打入去,無論係講緊中場前插入敵方禁區,抑或前線球員以一敵數去做波入去都無人有哩啲技能,而即使有機會創造左出黎但同樣地無人能夠穩定地將個波送入網,好多時都只能靠千鈞一髮果下先買大細咁中左就入,總結黎講就係前線欠缺一個殺手,以及無人做到Playmaker既角色。


結果杜曹搵黎盧卡古回歸史丹福橋,季初的確有段短時間係睇到佢能夠成功幫助到前線去做到某幾方面既工作,但去到之後開始受傷、確診再加上「訪問事件」,盧卡古已經被球迷認定為不受歡迎的一位,加上球員既表現依然未能自顯價值,同時杜曹亦未有喺戰術體系上成功將比利時人既專長有效發揮,令到處境顯得相當尷尬,亦使前線本身出現既問題無解決之外有嚴重趨勢。

再者由十一月尾十二月頭開始出現傷兵問題,人手分身不下令球隊失分連連,依加仲要喺轉會窗未有補強之下要完成埋下半季賽事,而近日亦有親車記者傳出有前線球員不滿杜曹賽事安排既消息,外憂內患同時夾擊住哩位德國主帥,不過佢得到既除左有高層支持外球迷亦普遍地對於杜曹既處理手法同表現表達出正面信息,就要睇下黎緊哩兩個月如何發展。


文章發表時間 : 2/2/2022 11:15
文章最後更新時間 : 2/2/2022 11:15

《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  杜曹  

留言


請按此登錄後留言。未成為會員? 立即註冊
    快捷鍵:←
    快捷鍵:→