《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
先落後一球之下，連入三球反勝對手，對於一支要力爭上遊既列強黎講，哩項元素係必需的，車路士於主場以3-1擊敗列斯聯，賽前無論雙方既打法以至兩隊主教練既因仇都成為外界既著眼點，而比賽過程中兩支球隊亦你一拳我一掌，最終以哩個比數完場反勝對手相信對於車路士球迷是滿意的。
今場波喺正選名單中林伯特作出左兩個幾關鍵同意外既調動，分別就係安排基奧特同夏弗斯於名單之中，前者喺上一場歐聯分組賽中個人帽子戲法連入四球，協助球隊提前一輪確定以首名身份晉身淘汰賽，林伯特亦認為球員值得繼續擔任正選，伙伯薛耶治以及添姆雲拿作攻堅，而三中場方面抽起左近期連續正選既高華錫，選用夏弗斯配合蒙特以及簡迪為中場組合，而後場方面就由右至左依舊維持尼爾斯占士、堤亞高施華、蘇馬以及捷維爾。
列斯聯對無因為面對住車路士而縮後，繼續保持高壓式踢法務求於前場開始取得優勢，而喺反擊上亦維持四至五名球員插上增加攻擊點，加上到位既傳送，亦明顯針對車路士兩閘壓上後既身後空間，令列斯聯喺早段已經取得入球，果球就係因為占士壓上後回防唔切，令對手輕易喺藍軍右路長傳到禁區內既班福特；而個人的確對於抽起高華錫而放入夏弗斯感到意外，尤其喺面對列斯聯哩支以壓迫為首既對手時，球隊中場的確好需要高華錫哩種盤球夠穩既球員喺度，亦睇到夏弗斯對藍於同球隊體系上既融合仍然需要時間。
幸好既係藍軍喺上半場完場前經已喺比數上追和，占士睇準機會壓上傳中到基奧特射入追平，亦再一次見到後者喺門前既把握力上既出色表現，而喺半場時林伯特喺陣式上稍有調整，蒙特及夏弗斯二人輪流壓上，另一人會與簡迪於靠後區域，希望將中路既防守能力提升，而喺蘇馬頭槌攻入成2-1後亦換入高華錫加強中路既活動範圍，鞏固比數及球隊形勢。
同時亦有些少篇幅講下添姆雲拿，相信唔少球迷對於德國人近幾場既表現都略有微言，亦主要圍繞住佢喺把握力方面既畫面，一直強調如果雲拿喺未來想成日球壇中數一數二既全能攻擊手的話，就有必要喺埋門方面再作提升，林伯特亦有需要喺訓練或動作上協助佢再進一步，今場波至少有兩三下既機會都可以有更好既處理手法，亦相信球員對於自己既表現感到不滿，不過無論點都好添姆雲拿既個人特性的確為球隊增添左更多攻擊範數。
薛耶治既傷出睇落問題不大，近期球隊氣勢唔錯，只希望傷員問題唔好再度出現，事關實在會影響球隊喺聯賽排名上既走勢。
文章發表時間 : 06/12/2019 17:50
文章最後更新時間 : 03/12/2019 17:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
先落後一球之下，連入三球反勝對手，對於一支要力爭上遊既列強黎講，哩項元素係必需的，車路士於主場以3-1擊敗列斯聯，賽前無論雙方既打法以至兩隊主教練既因仇都成為外界既著眼點，而比賽過程中兩支球隊亦你一拳我一掌，最終以哩個比數完場反勝對手相信對於車路士球迷是滿意的。
今場波喺正選名單中林伯特作出左兩個幾關鍵同意外既調動，分別就係安排基奧特同夏弗斯於名單之中，前者喺上一場歐聯分組賽中個人帽子戲法連入四球，協助球隊提前一輪確定以首名身份晉身淘汰賽，林伯特亦認為球員值得繼續擔任正選，伙伯薛耶治以及添姆雲拿作攻堅，而三中場方面抽起左近期連續正選既高華錫，選用夏弗斯配合蒙特以及簡迪為中場組合，而後場方面就由右至左依舊維持尼爾斯占士、堤亞高施華、蘇馬以及捷維爾。
列斯聯對無因為面對住車路士而縮後，繼續保持高壓式踢法務求於前場開始取得優勢，而喺反擊上亦維持四至五名球員插上增加攻擊點，加上到位既傳送，亦明顯針對車路士兩閘壓上後既身後空間，令列斯聯喺早段已經取得入球，果球就係因為占士壓上後回防唔切，令對手輕易喺藍軍右路長傳到禁區內既班福特；而個人的確對於抽起高華錫而放入夏弗斯感到意外，尤其喺面對列斯聯哩支以壓迫為首既對手時，球隊中場的確好需要高華錫哩種盤球夠穩既球員喺度，亦睇到夏弗斯對藍於同球隊體系上既融合仍然需要時間。
幸好既係藍軍喺上半場完場前經已喺比數上追和，占士睇準機會壓上傳中到基奧特射入追平，亦再一次見到後者喺門前既把握力上既出色表現，而喺半場時林伯特喺陣式上稍有調整，蒙特及夏弗斯二人輪流壓上，另一人會與簡迪於靠後區域，希望將中路既防守能力提升，而喺蘇馬頭槌攻入成2-1後亦換入高華錫加強中路既活動範圍，鞏固比數及球隊形勢。
同時亦有些少篇幅講下添姆雲拿，相信唔少球迷對於德國人近幾場既表現都略有微言，亦主要圍繞住佢喺把握力方面既畫面，一直強調如果雲拿喺未來想成日球壇中數一數二既全能攻擊手的話，就有必要喺埋門方面再作提升，林伯特亦有需要喺訓練或動作上協助佢再進一步，今場波至少有兩三下既機會都可以有更好既處理手法，亦相信球員對於自己既表現感到不滿，不過無論點都好添姆雲拿既個人特性的確為球隊增添左更多攻擊範數。
薛耶治既傷出睇落問題不大，近期球隊氣勢唔錯，只希望傷員問題唔好再度出現，事關實在會影響球隊喺聯賽排名上既走勢。
文章發表時間 : 06/12/2019 17:50
文章最後更新時間 : 03/12/2019 17:50
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊