《原創文章 歡迎轉載 請列明出處 謝謝》
-請支持藍獅 Facebook專頁-
後無退路，亦有追兵，再加上簡迪同高華錫受傷缺陣，為車路士爭前四路途上埋下陰霾，中前場繼續源用基奧特配合佩利錫、韋利高一左一右，中場靠前亦係巴克利以及蒙特，而簡迪既位置意外地交由基爾摩亞負責，佐真奴繼續只能以後備應戰，而後場亦保留基斯甸臣搭蘇馬哩個中堅組合，隊長艾斯派古達亦替更以左閘上陣，右閘就係尼爾斯占士。
基爾摩亞再次獲得正選機會，賽前一度推斷喺簡迪缺陣下佐真奴可以正選上陣，林伯特哩個決定可以話令外界感到意外，同時令佢同佐真奴之間既關係再次無限發酵，自復賽後基爾摩亞曾經喺聯賽盃對李斯特城既賽事中上陣，不過果場波佢踢得非常掙扎，對方多番強而有力既迫搶令到哩位缺乏經驗既小將無所適從，相反今場波水晶宮比到既壓力就相對較少，就算嘗試做迫搶都係睇時間一段段咁去，尤其係集中於下半場初段，令基爾摩亞都得到唔少空間做控傳，而以佢整體表現黎講都可以話稱職合格。
源用過去幾場波既戰術，林伯特嘗試繼續運用巴克利同蒙特兩者作為輸出點，各自回徹到中後場區域攞波，再選擇分邊或者同隊友做one two配合，再將個波運到前場，尤其係喺賽程頻密其間，更需要年輕既球員走上走落得動球隊運行，亦可能因為咁林伯特睇中左巴克利同蒙特兩個可以應付到接連走上走落既頻率，令兩者成為復賽後既核心球員。
與此同時，亦唔好忽略佩利錫以及韋利安既表現，雖然今場波後者有幾下能夠拉開比分既機會都處理得唔係咁好，不過喺攻守兩端既輸出依然能夠幫輕球隊唔少，唔好忘記韋利安已經三字頭，而喺接連既賽程之中佢既跑動速度同距離絕對唔少得過班後生，亦相信佩利錫既好表現係會比到壓力喺後備席既奧岱，林伯特喺賽前記招經已表示如果後者希望能夠打到正選，就一定要交出韋利安同佩利錫同一層次既表現。
至於後防方面，兩個失波之中，第一球世界波就真係無得講，落旋落西就算要擋都唔係容易，至於第二球就一貫比人打入中路既失波風格，如果唔係臨完場前一下中柱彈出以及蘇馬飛剷勇救賓迪基既射門，車路士都唔可以拎足三分離開，今場波蘇馬可以話擁有絕對既制空權，喺鉗制賓迪基方面亦做得相當好，相反基斯甸臣就處理得比較吃力，好似比對手三扒兩撥話過就過咁，相反好似要蘇馬carry住佢咁，無可否認後者會係今場波既功臣之一。
同時間李斯特城戰和阿仙奴，車路士亦順利成章升上第三位領先佢地一分，不過藍軍黎緊仲有對利物浦哩場硬仗，只能夠博盡無悔場場當決賽咁打做好自己...
文章發表時間 : 08/07/2020 15:40
文章最後更新時間 : 08/07/2020 15:40
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
後無退路，亦有追兵，再加上簡迪同高華錫受傷缺陣，為車路士爭前四路途上埋下陰霾，中前場繼續源用基奧特配合佩利錫、韋利高一左一右，中場靠前亦係巴克利以及蒙特，而簡迪既位置意外地交由基爾摩亞負責，佐真奴繼續只能以後備應戰，而後場亦保留基斯甸臣搭蘇馬哩個中堅組合，隊長艾斯派古達亦替更以左閘上陣，右閘就係尼爾斯占士。
基爾摩亞再次獲得正選機會，賽前一度推斷喺簡迪缺陣下佐真奴可以正選上陣，林伯特哩個決定可以話令外界感到意外，同時令佢同佐真奴之間既關係再次無限發酵，自復賽後基爾摩亞曾經喺聯賽盃對李斯特城既賽事中上陣，不過果場波佢踢得非常掙扎，對方多番強而有力既迫搶令到哩位缺乏經驗既小將無所適從，相反今場波水晶宮比到既壓力就相對較少，就算嘗試做迫搶都係睇時間一段段咁去，尤其係集中於下半場初段，令基爾摩亞都得到唔少空間做控傳，而以佢整體表現黎講都可以話稱職合格。
源用過去幾場波既戰術，林伯特嘗試繼續運用巴克利同蒙特兩者作為輸出點，各自回徹到中後場區域攞波，再選擇分邊或者同隊友做one two配合，再將個波運到前場，尤其係喺賽程頻密其間，更需要年輕既球員走上走落得動球隊運行，亦可能因為咁林伯特睇中左巴克利同蒙特兩個可以應付到接連走上走落既頻率，令兩者成為復賽後既核心球員。
與此同時，亦唔好忽略佩利錫以及韋利安既表現，雖然今場波後者有幾下能夠拉開比分既機會都處理得唔係咁好，不過喺攻守兩端既輸出依然能夠幫輕球隊唔少，唔好忘記韋利安已經三字頭，而喺接連既賽程之中佢既跑動速度同距離絕對唔少得過班後生，亦相信佩利錫既好表現係會比到壓力喺後備席既奧岱，林伯特喺賽前記招經已表示如果後者希望能夠打到正選，就一定要交出韋利安同佩利錫同一層次既表現。
至於後防方面，兩個失波之中，第一球世界波就真係無得講，落旋落西就算要擋都唔係容易，至於第二球就一貫比人打入中路既失波風格，如果唔係臨完場前一下中柱彈出以及蘇馬飛剷勇救賓迪基既射門，車路士都唔可以拎足三分離開，今場波蘇馬可以話擁有絕對既制空權，喺鉗制賓迪基方面亦做得相當好，相反基斯甸臣就處理得比較吃力，好似比對手三扒兩撥話過就過咁，相反好似要蘇馬carry住佢咁，無可否認後者會係今場波既功臣之一。
同時間李斯特城戰和阿仙奴，車路士亦順利成章升上第三位領先佢地一分，不過藍軍黎緊仲有對利物浦哩場硬仗，只能夠博盡無悔場場當決賽咁打做好自己...
文章發表時間 : 08/07/2020 15:40
文章最後更新時間 : 08/07/2020 15:40
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊