《原創文章 歡迎轉載 請列明出處 謝謝》
-請支持藍獅 Facebook專頁-
繼上次對韋斯咸全失三分後，今場係第二場快車期內再失三分既賽事，而當中三個失波都見証得到車路士後防線既脆弱性，重點被注視，反而忽略左林伯特喺戰術陣式上既微調，睇埋落去就會進一步講解。
今場波喺陣式同陣容上，同兩日前對維拉既正選安排一模一樣，令球迷意外既係喺快車期咁緊湊既賽程之中竟然連一個輪換調動都無，而黎緊週中又要喺主場進行歐聯分組賽最後一場賽事面對住里爾既出線生死戰，林伯特哩個安排實在令人費解。
先講番果三球失波，基斯甸臣身形上既單薄令佢面對住絕大部份對手時都會處於劣勢，背身好多時都唔夠對手黎，第一球失望仲要對住果個叫李察利臣又點會夠撞，至於第二同第三球失球就可以話輸得相當「肉酸」，而兩球失望當中亦涉及蘇馬，令唔少球迷賽後都即刻留言話唔想見到佢。
分番開哩兩個失波黎睇，先講第一球，蘇馬喺禁區頂解圍「撻Q」，同基斯甸臣亂接亂撞下比人地偷波再射入，哩球波點都係蘇馬責任最大，至於最後果球，好多人都同樣怪罪於蘇馬，但反覆咁睇，哩球點錯都好責任最大都似乎係基柏自己多啲，蘇馬喺位置同動作上有作出迎波準備，但基柏個短傳並唔到位，唔湯唔水之下就令對手輕易接應，再喺禁區內亂局射入。其實基柏喺下半場都開始急躁，好多時啲生波同解圍都唔同對友位置，哩一點其實以往都係哩位西班牙門將既賣點黎，如果做得唔好係的確會令車路士減少左攻勢，哩一點係需要留意。
而喺文章頭所講林伯特既戰術陣式上既微調，自對於韋斯咸之後球隊連續兩場都收起左佐真奴，而喺陣式上繼續維持4231，而哩林伯特開季至今其實嘗試過三套陣式，除左4231外亦包括三後衛同433，方向上林伯特其實一直希望以4231作球隊主要陣式，雖然433運作上係流暢，但好多時由於中場人手所限而唔能夠為前場提供更大火力，禁區頂位置缺乏供應點，而如果運用4231，蒙特就能填補哩個空缺，再加上球員本身亦善於邊線發展，以及作一個輔鋒角色與艾巴咸撞射配合，令藍軍前線出現更多變化。
但喺哩個藍圖底下，亦意味住夾開既佐真奴、高華錫以及簡迪三人之中要抽起一人，組合上似乎林伯特較偏好於用高華錫同簡迪哩兩個，後者除左為球隊提供足夠覆蓋面外亦會同沙利年代一樣較偏重於進攻端，前插入禁區做一個半支點角色，而高華錫就會靠後多啲負責分波同轉邊，球隊進攻緊哩時候會喺中前場位置等接應再睇下有冇遠射機會，而防守時就會運用個人技巧進行攔截，近期都睇到球員好多時都好肯起腳，除左打破入球荒外今場亦都入左今季既第二球，哩點元素絕對係球隊近年黎中場球員所缺乏。
至於唔選用佐真奴既原因，並唔係話佢既個人之處不及上面兩個，而係喺組合性上果兩個既化學作用會比較大，但反而要睇下林伯特點樣解決中場組織力既問題，始終論點一點點都係佐真奴優勝，你亦唔可能長時間唔出佢，但如果保持4231的話出佐真奴又會令球隊失去中場防守性(雖然依加都係繼續有失波)，而出433的話又會令禁區位置缺乏第三點供應，所以每次諗到哩個位就會令人相當困惑。但無論林伯特依加點做調整都好，喺防線種種失誤既前題底下都經已將其他範疇一一拖垮。
同時其實亦有好幾個話題作延伸，包括解除轉會禁令下引援目標、傷員續一復出後既戰術配置安排等等，由於篇幅過長都係稍後一一為大家探討。
文章發表時間 : 8/12/2019 13:15
文章最後更新時間 : 8/12/2019 13:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
繼上次對韋斯咸全失三分後，今場係第二場快車期內再失三分既賽事，而當中三個失波都見証得到車路士後防線既脆弱性，重點被注視，反而忽略左林伯特喺戰術陣式上既微調，睇埋落去就會進一步講解。
今場波喺陣式同陣容上，同兩日前對維拉既正選安排一模一樣，令球迷意外既係喺快車期咁緊湊既賽程之中竟然連一個輪換調動都無，而黎緊週中又要喺主場進行歐聯分組賽最後一場賽事面對住里爾既出線生死戰，林伯特哩個安排實在令人費解。
先講番果三球失波，基斯甸臣身形上既單薄令佢面對住絕大部份對手時都會處於劣勢，背身好多時都唔夠對手黎，第一球失望仲要對住果個叫李察利臣又點會夠撞，至於第二同第三球失球就可以話輸得相當「肉酸」，而兩球失望當中亦涉及蘇馬，令唔少球迷賽後都即刻留言話唔想見到佢。
分番開哩兩個失波黎睇，先講第一球，蘇馬喺禁區頂解圍「撻Q」，同基斯甸臣亂接亂撞下比人地偷波再射入，哩球波點都係蘇馬責任最大，至於最後果球，好多人都同樣怪罪於蘇馬，但反覆咁睇，哩球點錯都好責任最大都似乎係基柏自己多啲，蘇馬喺位置同動作上有作出迎波準備，但基柏個短傳並唔到位，唔湯唔水之下就令對手輕易接應，再喺禁區內亂局射入。其實基柏喺下半場都開始急躁，好多時啲生波同解圍都唔同對友位置，哩一點其實以往都係哩位西班牙門將既賣點黎，如果做得唔好係的確會令車路士減少左攻勢，哩一點係需要留意。
而喺文章頭所講林伯特既戰術陣式上既微調，自對於韋斯咸之後球隊連續兩場都收起左佐真奴，而喺陣式上繼續維持4231，而哩林伯特開季至今其實嘗試過三套陣式，除左4231外亦包括三後衛同433，方向上林伯特其實一直希望以4231作球隊主要陣式，雖然433運作上係流暢，但好多時由於中場人手所限而唔能夠為前場提供更大火力，禁區頂位置缺乏供應點，而如果運用4231，蒙特就能填補哩個空缺，再加上球員本身亦善於邊線發展，以及作一個輔鋒角色與艾巴咸撞射配合，令藍軍前線出現更多變化。
但喺哩個藍圖底下，亦意味住夾開既佐真奴、高華錫以及簡迪三人之中要抽起一人，組合上似乎林伯特較偏好於用高華錫同簡迪哩兩個，後者除左為球隊提供足夠覆蓋面外亦會同沙利年代一樣較偏重於進攻端，前插入禁區做一個半支點角色，而高華錫就會靠後多啲負責分波同轉邊，球隊進攻緊哩時候會喺中前場位置等接應再睇下有冇遠射機會，而防守時就會運用個人技巧進行攔截，近期都睇到球員好多時都好肯起腳，除左打破入球荒外今場亦都入左今季既第二球，哩點元素絕對係球隊近年黎中場球員所缺乏。
至於唔選用佐真奴既原因，並唔係話佢既個人之處不及上面兩個，而係喺組合性上果兩個既化學作用會比較大，但反而要睇下林伯特點樣解決中場組織力既問題，始終論點一點點都係佐真奴優勝，你亦唔可能長時間唔出佢，但如果保持4231的話出佐真奴又會令球隊失去中場防守性(雖然依加都係繼續有失波)，而出433的話又會令禁區位置缺乏第三點供應，所以每次諗到哩個位就會令人相當困惑。但無論林伯特依加點做調整都好，喺防線種種失誤既前題底下都經已將其他範疇一一拖垮。
同時其實亦有好幾個話題作延伸，包括解除轉會禁令下引援目標、傷員續一復出後既戰術配置安排等等，由於篇幅過長都係稍後一一為大家探討。
文章發表時間 : 8/12/2019 13:15
文章最後更新時間 : 8/12/2019 13:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊