《原創文章 歡迎轉載 請列明出處 謝謝》
-請支持藍獅 Facebook專頁-
由於車路士季初受到轉會禁令所限制，不能進行任何新球員註冊，間接令林伯特起用隊內一班年輕小將大打「青春足球」，表現至今亦合格有餘，不過球會並未有放棄上訴機會，直到近期終於有好消息可以將禁令減少一半生效期，意味著藍軍能夠喺黎緊哩個一月冬季轉會窗為新球員註冊，亦同時代表林伯特可以因應隊內實際需要而賣走部份唔岩用既球員，而馬高斯阿朗素就係其中一個。
馬高斯阿朗素自16-17球季加盟至今都經已效力近三個半球季，可以話充份體驗左咩叫做「中流質素打上流波」，而其中講到佢喺藍軍生涯遇到既伯樂就非干地莫屬，後者執掌車路士後將阿朗素由意甲賽場帶到英超，然而最初一眾球迷對這單收購不敢抱太大期望，畢竟自艾殊利高爾(Ashley Cole)離開後，除左艾斯派古達兼任左閘位合適之外，收購番黎擁有各自聯賽名涵既菲臘比路易斯(Filipe Luís Kasmirski)以及巴巴拉文(Baba Rahman)都可以以失敗告終，更何況馬高斯阿朗素喺加盟車路士前可以話藉藉無名。
不過事實正正相反，馬高斯阿朗素喺干地既三後衛體系中可以話活現在左翼衛哩個角色，而球員明顯對於哩個位置並唔陌生，西班牙人身後擁有專注防守既卡希爾，令佢可以配合夏薩特等球員組織進攻，再加上擁有精準長傳既左腳，同時並非底線傳底強行出波既球員，而當季對陣曼聯助攻柏度的那一球也成為上季既焦點，球員喺進攻時偏好走入禁區，令佢久不久會有斬獲，而處理罰球既質素亦是賣點之一。
最終阿朗素亦為車路士再奪得一次英超冠軍，亦令英超球壇各支球隊既主帥開始鑽研三後衛陣式，但球員似乎喺特性上亦只有左翼衛至可以發揮得到佢既能力，即使上任領隊沙利比左唔少時間佢去以一個433既左閘位置上陣，不過表現始終都不及舊有既好。而今季自林伯特上任後，阿朗素既上陣時間可以話被進一步壓縮，近幾場波佢亦消失於球隊既後備名單之中，難免令人聯想一月會有賣走既可能。
以球隊角度黎睇，喺林伯特由開季至今所定立既戰術體系當中的確難有阿朗素既位置，雖然曾經有用過三後衛陣式，但所持續選用既場數實在太短，相信林伯特亦無意強留阿朗素，既然國際米蘭有興趣再加上球員亦曾經喺干地麾下有過一段亮眼既球季，作過順水人情將佢送到意甲與沙利既祖雲達斯爭一日之長短亦未嘗不可。
文章發表時間 : 9/12/2019 14:55
文章最後更新時間 : 9/12/2019 14:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
由於車路士季初受到轉會禁令所限制，不能進行任何新球員註冊，間接令林伯特起用隊內一班年輕小將大打「青春足球」，表現至今亦合格有餘，不過球會並未有放棄上訴機會，直到近期終於有好消息可以將禁令減少一半生效期，意味著藍軍能夠喺黎緊哩個一月冬季轉會窗為新球員註冊，亦同時代表林伯特可以因應隊內實際需要而賣走部份唔岩用既球員，而馬高斯阿朗素就係其中一個。
馬高斯阿朗素自16-17球季加盟至今都經已效力近三個半球季，可以話充份體驗左咩叫做「中流質素打上流波」，而其中講到佢喺藍軍生涯遇到既伯樂就非干地莫屬，後者執掌車路士後將阿朗素由意甲賽場帶到英超，然而最初一眾球迷對這單收購不敢抱太大期望，畢竟自艾殊利高爾(Ashley Cole)離開後，除左艾斯派古達兼任左閘位合適之外，收購番黎擁有各自聯賽名涵既菲臘比路易斯(Filipe Luís Kasmirski)以及巴巴拉文(Baba Rahman)都可以以失敗告終，更何況馬高斯阿朗素喺加盟車路士前可以話藉藉無名。
不過事實正正相反，馬高斯阿朗素喺干地既三後衛體系中可以話活現在左翼衛哩個角色，而球員明顯對於哩個位置並唔陌生，西班牙人身後擁有專注防守既卡希爾，令佢可以配合夏薩特等球員組織進攻，再加上擁有精準長傳既左腳，同時並非底線傳底強行出波既球員，而當季對陣曼聯助攻柏度的那一球也成為上季既焦點，球員喺進攻時偏好走入禁區，令佢久不久會有斬獲，而處理罰球既質素亦是賣點之一。
最終阿朗素亦為車路士再奪得一次英超冠軍，亦令英超球壇各支球隊既主帥開始鑽研三後衛陣式，但球員似乎喺特性上亦只有左翼衛至可以發揮得到佢既能力，即使上任領隊沙利比左唔少時間佢去以一個433既左閘位置上陣，不過表現始終都不及舊有既好。而今季自林伯特上任後，阿朗素既上陣時間可以話被進一步壓縮，近幾場波佢亦消失於球隊既後備名單之中，難免令人聯想一月會有賣走既可能。
以球隊角度黎睇，喺林伯特由開季至今所定立既戰術體系當中的確難有阿朗素既位置，雖然曾經有用過三後衛陣式，但所持續選用既場數實在太短，相信林伯特亦無意強留阿朗素，既然國際米蘭有興趣再加上球員亦曾經喺干地麾下有過一段亮眼既球季，作過順水人情將佢送到意甲與沙利既祖雲達斯爭一日之長短亦未嘗不可。
文章發表時間 : 9/12/2019 14:55
文章最後更新時間 : 9/12/2019 14:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊