《原創文章 歡迎轉載 請列明出處 謝謝》
-請支持藍獅 Facebook專頁-
今場焦點定必落喺「美國隊長」佩利錫身上，久違既名字出現喺正選名單當中，而佢亦不負眾望最終個人射入三球「戴帽」，當然較為美中不足既係車路士尾段都比人入番兩球，保持左只係兩場既不失球賽事又再被不破，如果唔係哩場比賽既結果就會更加完美。
今場波既出場陣容變動唔大，大部份都係維持週中作客阿積士既人腳，只係由佩利錫取代左奧岱打左邊正選，面對住比較堅韌既般尼，賽前其實都有啲擔心前面果幾個喺休息不足再加上身型無乜優勢下唔夠力同人撞，始終「美國隊長」啲背身能力仍然未足夠，而蒙特連續左N場正選後都出現嚴重疲態，唔多唔少都為藍軍前線帶黎隱憂。
單睇正選人腳，以為林伯特會繼續保持433陣式，不過喺場面上黎睇，似乎係4231先至係今場波主打既陣容，蒙特除左喺左路發展之外亦好刻意長時間留喺攻中位置，減少佢回防既次數同職責，但就因為咁令車路士既中場長時間受壓，尤其係喺藍軍攻破般尼大門後，對手好多時就喺主場優勢下長期間壓住我地中場黎砌，佐真奴同高華錫兩個好多時要二打四，比對面雙中場同兩個前鋒夾住，顯得非常吃力。
而般尼亦好常運用左右兩邊既死球同角球去製造入波機會，明顯利用高大既身型嘗試喺我地禁區製造混亂情況，先搵一個做set波再提一個攝入去做頭槌攻門，喺我地缺少左簡迪做掃蕩再加上無魯迪加指揮防線下，單靠蘇馬同湯姆利的確令唔少車路士球迷提心吊膽，而後者亦繼續利用自己既速度去填補個人既失誤。
單睇番我地哩四球入球，理性啲講其實係無乜組織性可言，全靠球員自己既個人技術加上運氣，先係第一球佩利錫個人由中圈開始推進殺入禁區再cup過對手射入，之後完半場前右路射中人彈入，去到下半場角球開出黎之後對手解圍唔遠，再斬多次入黎頭槌頂入，繼後就韋利安右路推進「埋齋」，佩利錫的確係打得唔錯，不過佢比較著重於個人突破，同隊友既配合就始終未係好見到，至少係打起左個信心先，仲要啲時球夾隊波。
而林伯特亦喺好早時間先後換入三名後備球員，三位都可以講下，先講占士，以右閘身份一入到場就已經成功block到對手兩腳射門，由於球員本身亦能勝任中堅，所以好多時會發現佢喺球隊防守左路攻勢時佢會自動收番入黎中堅位置，亦成功阻止對手射門，但球迷比較於話佢好過艾斯派古達，始終後者場場打足，占士上到場好氣好力同你下下追盡其實都好正常，如果單係咁而比較兩者速度就有啲唔公平。至於基奧特方面，終於有番場機會可以踢下，支點能力依然存在，不過好似比較少同奧岱配合，而佩利錫同蒙特兩個喺「銀河唯一」上到場之後都無乜氣力再跑。至於奧岱，好多人話佢果球十二碼犯規，其實翼鋒球員入到禁區喺哩啲機會博十二碼都係人知常情，再加上對手除左喺前面試圖攔截而收起腳之外後面亦的確有另一名球員出手推撞，個人認為佢果下選擇仆底係出自自然反應。
至於果兩球失波，第一球都無咩好講世界波，至於第二球撞中湯姆利射入，感覺上基柏係可以有反應作出撲救動作，係未必救到但至少都可以比個反應「旭」下，唔知係咪比第一球世界波射入之後未回魂，尾段連失兩球的確係會令人氣憤。
黎緊週中就會喺聯賽盃對曼聯，睇下有冇機會喺哩啲唔係重點賽事收起蒙特比柏度等長居後備球員出下場，但面對住死敵曼聯，就要睇下林伯特自己點樣取捨....
文章發表時間 : 27/10/2019 11:10
文章最後更新時間 : 27/10/2019 11:10
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
今場焦點定必落喺「美國隊長」佩利錫身上，久違既名字出現喺正選名單當中，而佢亦不負眾望最終個人射入三球「戴帽」，當然較為美中不足既係車路士尾段都比人入番兩球，保持左只係兩場既不失球賽事又再被不破，如果唔係哩場比賽既結果就會更加完美。
今場波既出場陣容變動唔大，大部份都係維持週中作客阿積士既人腳，只係由佩利錫取代左奧岱打左邊正選，面對住比較堅韌既般尼，賽前其實都有啲擔心前面果幾個喺休息不足再加上身型無乜優勢下唔夠力同人撞，始終「美國隊長」啲背身能力仍然未足夠，而蒙特連續左N場正選後都出現嚴重疲態，唔多唔少都為藍軍前線帶黎隱憂。
單睇正選人腳，以為林伯特會繼續保持433陣式，不過喺場面上黎睇，似乎係4231先至係今場波主打既陣容，蒙特除左喺左路發展之外亦好刻意長時間留喺攻中位置，減少佢回防既次數同職責，但就因為咁令車路士既中場長時間受壓，尤其係喺藍軍攻破般尼大門後，對手好多時就喺主場優勢下長期間壓住我地中場黎砌，佐真奴同高華錫兩個好多時要二打四，比對面雙中場同兩個前鋒夾住，顯得非常吃力。
而般尼亦好常運用左右兩邊既死球同角球去製造入波機會，明顯利用高大既身型嘗試喺我地禁區製造混亂情況，先搵一個做set波再提一個攝入去做頭槌攻門，喺我地缺少左簡迪做掃蕩再加上無魯迪加指揮防線下，單靠蘇馬同湯姆利的確令唔少車路士球迷提心吊膽，而後者亦繼續利用自己既速度去填補個人既失誤。
單睇番我地哩四球入球，理性啲講其實係無乜組織性可言，全靠球員自己既個人技術加上運氣，先係第一球佩利錫個人由中圈開始推進殺入禁區再cup過對手射入，之後完半場前右路射中人彈入，去到下半場角球開出黎之後對手解圍唔遠，再斬多次入黎頭槌頂入，繼後就韋利安右路推進「埋齋」，佩利錫的確係打得唔錯，不過佢比較著重於個人突破，同隊友既配合就始終未係好見到，至少係打起左個信心先，仲要啲時球夾隊波。
而林伯特亦喺好早時間先後換入三名後備球員，三位都可以講下，先講占士，以右閘身份一入到場就已經成功block到對手兩腳射門，由於球員本身亦能勝任中堅，所以好多時會發現佢喺球隊防守左路攻勢時佢會自動收番入黎中堅位置，亦成功阻止對手射門，但球迷比較於話佢好過艾斯派古達，始終後者場場打足，占士上到場好氣好力同你下下追盡其實都好正常，如果單係咁而比較兩者速度就有啲唔公平。至於基奧特方面，終於有番場機會可以踢下，支點能力依然存在，不過好似比較少同奧岱配合，而佩利錫同蒙特兩個喺「銀河唯一」上到場之後都無乜氣力再跑。至於奧岱，好多人話佢果球十二碼犯規，其實翼鋒球員入到禁區喺哩啲機會博十二碼都係人知常情，再加上對手除左喺前面試圖攔截而收起腳之外後面亦的確有另一名球員出手推撞，個人認為佢果下選擇仆底係出自自然反應。
至於果兩球失波，第一球都無咩好講世界波，至於第二球撞中湯姆利射入，感覺上基柏係可以有反應作出撲救動作，係未必救到但至少都可以比個反應「旭」下，唔知係咪比第一球世界波射入之後未回魂，尾段連失兩球的確係會令人氣憤。
黎緊週中就會喺聯賽盃對曼聯，睇下有冇機會喺哩啲唔係重點賽事收起蒙特比柏度等長居後備球員出下場，但面對住死敵曼聯，就要睇下林伯特自己點樣取捨....
文章發表時間 : 27/10/2019 11:10
文章最後更新時間 : 27/10/2019 11:10
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊