《原創文章 歡迎轉載 請列明出處 謝謝》
-請支持藍獅 Facebook專頁-
老實講，哩場波無賽前預計咁大起大落，同樣地，可以話都幾悶下。經過頭兩輪分組賽，阿積士以大勝兼不失球姿態排喺榜首，而車路士只係取得一勝一負，作客哩支荷蘭班霸，相信唔少車迷都覺得拎一分都收貨，而結果係我地幸運地全取三分。
何解會用幸運？如果你只睇賽事精華，未必能夠確切感受到，反而如果你係追足全場，就會非常身同感受，賽前預計林伯特會以三後衛應戰，主要原因係因為作客同組最強對手，以林伯特過往既手法都係穩守為先，估唔到最終臨場見到既係大膽地選用433陣式。
大致上人選同上場聯賽既相同，只係高華錫接替受傷既巴克利，其實位置人選一樣，開波初段其實兩隊都搵唔到太多優勢，雙方既傳球失誤都比較多，好多時交到兩三腳就會比對手中斷攻擊，又或者自己傳左個波比人，而兩隊球員亦過於囤積於中路，兩條邊線都拉唔闊，基本上都無乜打反擊既機會比到大家。
而車路士方面今場波既兩位翼鋒韋利安以及奧岱都打得唔好，後者上半場其實有幾下唔錯既機會但都唔能夠推過對手，明顯睇到佢應付英超對手還好，但一出到歐戰對住啲高一班既球隊時就有啲急躁，韋利安表現亦都相當一般，所以林伯特喺下半場早段就收起其中一人，換入佩利錫及以巴舒亞伊入替艾巴咸。
哩對「蝙蝠俠+美國隊長」既前多蒙特組合一齊喺場上時的確見到唔錯既化學效果，巴舒亞伊今季加強左自己喺前場既停波能力，幾下都能夠成功接應後再分邊，再自己跑入禁區尋求機會，亦好可能因為咁令林伯特選用佢會多過基奧特，做到同樣效果而比利時人有較高速度跑入禁區接應，而佩利錫面對歐戰對手時明顯無打英超果陣咁吃力，至少背後都可以「得」住下人。
最終佢地兩個包辦左哩個一錘定音既入球，哩對組合相信能夠為林伯特帶黎唔錯既臨場後手變奏，不過近哩幾場都有講蒙特明顯出現疲態，如果之後人手許可的話都真係要換一換人比佢抖抖。
文章發表時間 : 25/10/2019 15:50
文章最後更新時間 : 20/10/2019 15:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
老實講，哩場波無賽前預計咁大起大落，同樣地，可以話都幾悶下。經過頭兩輪分組賽，阿積士以大勝兼不失球姿態排喺榜首，而車路士只係取得一勝一負，作客哩支荷蘭班霸，相信唔少車迷都覺得拎一分都收貨，而結果係我地幸運地全取三分。
何解會用幸運？如果你只睇賽事精華，未必能夠確切感受到，反而如果你係追足全場，就會非常身同感受，賽前預計林伯特會以三後衛應戰，主要原因係因為作客同組最強對手，以林伯特過往既手法都係穩守為先，估唔到最終臨場見到既係大膽地選用433陣式。
大致上人選同上場聯賽既相同，只係高華錫接替受傷既巴克利，其實位置人選一樣，開波初段其實兩隊都搵唔到太多優勢，雙方既傳球失誤都比較多，好多時交到兩三腳就會比對手中斷攻擊，又或者自己傳左個波比人，而兩隊球員亦過於囤積於中路，兩條邊線都拉唔闊，基本上都無乜打反擊既機會比到大家。
而車路士方面今場波既兩位翼鋒韋利安以及奧岱都打得唔好，後者上半場其實有幾下唔錯既機會但都唔能夠推過對手，明顯睇到佢應付英超對手還好，但一出到歐戰對住啲高一班既球隊時就有啲急躁，韋利安表現亦都相當一般，所以林伯特喺下半場早段就收起其中一人，換入佩利錫及以巴舒亞伊入替艾巴咸。
哩對「蝙蝠俠+美國隊長」既前多蒙特組合一齊喺場上時的確見到唔錯既化學效果，巴舒亞伊今季加強左自己喺前場既停波能力，幾下都能夠成功接應後再分邊，再自己跑入禁區尋求機會，亦好可能因為咁令林伯特選用佢會多過基奧特，做到同樣效果而比利時人有較高速度跑入禁區接應，而佩利錫面對歐戰對手時明顯無打英超果陣咁吃力，至少背後都可以「得」住下人。
最終佢地兩個包辦左哩個一錘定音既入球，哩對組合相信能夠為林伯特帶黎唔錯既臨場後手變奏，不過近哩幾場都有講蒙特明顯出現疲態，如果之後人手許可的話都真係要換一換人比佢抖抖。
文章發表時間 : 25/10/2019 15:50
文章最後更新時間 : 20/10/2019 15:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊