《原創文章 歡迎轉載 請列明出處 謝謝》
-請支持藍獅 Facebook專頁-
車路士官方正式宣佈隊長加利卡希爾經已完成合約離隊既消息，以"A WINNER AND A LEGEND"作標題，感謝英格蘭人加盟哩七年半為球隊所付出既努力，亦指出從未有人會預計到加利卡希爾能夠為球會帶黎咁長時間既影響力，祝願未來一切順利。雖然各方面都唔及得上「傳奇隊長」泰利，不過咁多年為車路士所奪既奬盃都付出左唔少，其實亦絕對值得大家多一分尊重。
時間回到11-12年球季既冬季轉會窗，卡希爾以800萬鎊轉會費由保頓轉投車路士，其實當時藍軍陣中都經已擁有隊長泰利、伊雲奴域以及早佢一季加盟既大衛雷斯，所以球迷都將卡希爾既加盟定位於後備角色，但機會好快就黎到，受惠於泰利受傷令卡希爾好快得到上陣機會，亦令佢能夠伙拍大衛雷斯喺當屆歐聯決賽把守第一道防線，臨危受命下最終亦能為球會贏得第一個「大耳朵盃」。
隨後無論喺摩連奴二次回歸定係干地既三後衛陣式當中，英格蘭人依然佔一核心地位，再加上泰利從旁提點，令卡希爾既發揮更加穩定，為球隊奪得英超、聯賽盃及足總盃等一個個奬項。卡希爾踢法上都係過往英人後衛作風，硬淨、善頂、空中優勢哩啲一貫風格走唔甩，而同時轉身慢、用波能力弱哩啲缺點都依然喺度，對住一啲英超對手都依然可以搵到食，但隨住年紀一路大而本身自己強項既能力一路減弱之下，戰術效益亦會逐漸下降，亦係到依加大衛雷斯仍然能夠留隊而英格蘭人需要離隊既主要原因之一。
雖然去到效力車路士既晚期同沙利可以話有小小不歡而散，意大利主帥基本上連出場機會都唔比卡希爾，兩人之間既不咬弦相信今季都經已「畫出腸」，不過藍軍最終都以英超季軍衝線，再加上以歐霸盃作結，總算都叫以奬盃歡送哩位效力接近八年既球隊老臣子。能力同成就未必及得上泰利...
不過你已經成為你本身的傳奇了，加利卡希爾。
文章發表時間 : 03/06/2019 15:45
文章最後更新時間 : 06/05/2019 15:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
車路士官方正式宣佈隊長加利卡希爾經已完成合約離隊既消息，以"A WINNER AND A LEGEND"作標題，感謝英格蘭人加盟哩七年半為球隊所付出既努力，亦指出從未有人會預計到加利卡希爾能夠為球會帶黎咁長時間既影響力，祝願未來一切順利。雖然各方面都唔及得上「傳奇隊長」泰利，不過咁多年為車路士所奪既奬盃都付出左唔少，其實亦絕對值得大家多一分尊重。
時間回到11-12年球季既冬季轉會窗，卡希爾以800萬鎊轉會費由保頓轉投車路士，其實當時藍軍陣中都經已擁有隊長泰利、伊雲奴域以及早佢一季加盟既大衛雷斯，所以球迷都將卡希爾既加盟定位於後備角色，但機會好快就黎到，受惠於泰利受傷令卡希爾好快得到上陣機會，亦令佢能夠伙拍大衛雷斯喺當屆歐聯決賽把守第一道防線，臨危受命下最終亦能為球會贏得第一個「大耳朵盃」。
隨後無論喺摩連奴二次回歸定係干地既三後衛陣式當中，英格蘭人依然佔一核心地位，再加上泰利從旁提點，令卡希爾既發揮更加穩定，為球隊奪得英超、聯賽盃及足總盃等一個個奬項。卡希爾踢法上都係過往英人後衛作風，硬淨、善頂、空中優勢哩啲一貫風格走唔甩，而同時轉身慢、用波能力弱哩啲缺點都依然喺度，對住一啲英超對手都依然可以搵到食，但隨住年紀一路大而本身自己強項既能力一路減弱之下，戰術效益亦會逐漸下降，亦係到依加大衛雷斯仍然能夠留隊而英格蘭人需要離隊既主要原因之一。
雖然去到效力車路士既晚期同沙利可以話有小小不歡而散，意大利主帥基本上連出場機會都唔比卡希爾，兩人之間既不咬弦相信今季都經已「畫出腸」，不過藍軍最終都以英超季軍衝線，再加上以歐霸盃作結，總算都叫以奬盃歡送哩位效力接近八年既球隊老臣子。能力同成就未必及得上泰利...
不過你已經成為你本身的傳奇了，加利卡希爾。
文章發表時間 : 03/06/2019 15:45
文章最後更新時間 : 06/05/2019 15:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊