《原創文章 歡迎轉載 請列明出處 謝謝》
-請支持藍獅 Facebook專頁-
雖然車路士尚未完成今個賽季既賽事，仲有足總盃決賽對阿仙奴以及歐聯淘汰賽次回合對拜仁哩兩場波，不過藍軍已經急不及待喺轉會巿場上動作頻頻，繼收購薛耶治同添姆雲拿過後近期傳得最為熾熱既目標定必係利華古遜既夏弗斯，但喺前場攻擊位置擺大個頭之下係咪真係都唔諗住執下個後防？會唔會前面入幾多後面就失番幾多？可以一齊探討一下...
喺疫情漫延全球既氛圍底下，各國球會無論係喺比賽以至商業收益上定必受到影響，亦意味住喺轉會巿場上既操作就要更加精明審慎，減少自身承受不必要風險既機會，而車路士就選擇反向操作，除左係因為被禁轉會窗而保留左更大轉會預算之外，以今季成績黎睇林伯特的確係超額完成，管理層既「科水」可以話係給予佢一份實實在在既肯定。
林伯特為車路士構建既藍圖大方向一直圍繞年輕小將而建立，同時亦無放棄韋利安等幾位陣中老將，希望利用以老帶嫰既方式去渡過被禁收購既一季，排除競爭對手同樣出現不穩情況等因素，車路士喺哩個賽季既進程中同樣經歷過唔少起起跌跌，喺攻守兩端亦展示出個別球員能力上不足既問題，當然，年輕球員係值得比機會去做修正，不過邊啲係值得咁做邊啲係唔值得其實經過一整個賽季後早以呼之欲出，而哩一部份亦唔係話咁易可以透過體系去修補或維持，相比之下較容易處理既方法就係利用金錢去解決，亦都姐係收購新球員。
攻擊位置上，艾巴咸缺少穩定既輸出，狀態起伏亦不定，而基奧特即使值得信賴但體能上亦難以長時間維持一整個賽季咁多賽事，至於巴舒亞伊經已被投閒置散，車路士今季經常出現即使製造到入球機會既畫面但都難以將個波放進網內，而面對於一啲主打死守既球隊時就會出現久攻不下既情況，如果想令鋒線上再進一步的話，就有必要從創造力、突破力以及把握力哩三個元素中著手，而收購薛耶治同添姆雲拿正正就係對症下藥既操作，但喺哩兩個新球員加盟之後球隊究竟仲有幾多銀彈去補充其他位置呢？就正正係另一個問題需要審視...
當然，並非質疑夏弗斯其能力同潛力，而係針對車路士依加哩一刻既戰術上既需求，按道理喺暫時修補完前場兩個攻擊位置後下一個最為急切需要解決既就係後防問題，如果林伯特執意要同時將基柏換走的話，餘下既收購資金定必唔能夠同一時間收購多一名新中堅球員之餘再買埋夏弗斯，仲未講要睇住條數顧及FFP哩個位，所延伸出黎既方案就係透過賣走現役球員去籌集收購資金，以確保球隊薪酬架構健康以及收支平衡，而當中最為大熱會被賣走既人選就係喺復賽後不受重用既佐真奴，但貿然將意大利人出售的話，就會將問題轉移到中場之上，佐真奴喺戰術中軸既控制以及策動力並唔係簡迪同基爾摩亞能夠立即所取代，而買新球員去頂替的話亦都姐係一樣係要喺出售資金中再洗過錢，仲要未計岩唔岩用。
睇到哩度係咪開始都有啲吃不消已經分唔清邊啲問題打邊啲問題呢？依加其實的確係十個煲得九個蓋，既然我地無咁大個頭就唔好戴咁大頂帽喇，喺眼前既問題都未解決之前就唔好再無端端製造更多問題，倒不如專心喺哩個轉會窗先行處理後防哩個「嚴重重創」既位置先，再嘗試喺下個賽季睇下點樣再加以微調同改善個戰術套路，如果到時林伯特仍然覺得佐真奴真係好唔適合自己所構建既體系的話先再喺黎緊既轉會窗搵人取代都唔遲，總好過依加冒住咁大風險同時將所有中軸位球員人選都改變，始終依加係現實唔係打緊機，正選名單中改變兩三名球員都可以會出現好大變數。
明白到球迷們對於球會既野心充滿憧憬同期望，想喺英超賽場以至歐聯再闖出一片天，不過一個王朝既誕生並唔係一時三刻咁用一兩個轉會窗就能做到，而係需要建基於長遠計劃再配合小部份未能預測既因素至可以成事，正所謂欲速則不達，循序漸進既發展方式永遠對球會都有利無害。
文章發表時間 : 31/07/2020 12:30
文章最後更新時間 : 31/07/2020 12:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
雖然車路士尚未完成今個賽季既賽事，仲有足總盃決賽對阿仙奴以及歐聯淘汰賽次回合對拜仁哩兩場波，不過藍軍已經急不及待喺轉會巿場上動作頻頻，繼收購薛耶治同添姆雲拿過後近期傳得最為熾熱既目標定必係利華古遜既夏弗斯，但喺前場攻擊位置擺大個頭之下係咪真係都唔諗住執下個後防？會唔會前面入幾多後面就失番幾多？可以一齊探討一下...
喺疫情漫延全球既氛圍底下，各國球會無論係喺比賽以至商業收益上定必受到影響，亦意味住喺轉會巿場上既操作就要更加精明審慎，減少自身承受不必要風險既機會，而車路士就選擇反向操作，除左係因為被禁轉會窗而保留左更大轉會預算之外，以今季成績黎睇林伯特的確係超額完成，管理層既「科水」可以話係給予佢一份實實在在既肯定。
林伯特為車路士構建既藍圖大方向一直圍繞年輕小將而建立，同時亦無放棄韋利安等幾位陣中老將，希望利用以老帶嫰既方式去渡過被禁收購既一季，排除競爭對手同樣出現不穩情況等因素，車路士喺哩個賽季既進程中同樣經歷過唔少起起跌跌，喺攻守兩端亦展示出個別球員能力上不足既問題，當然，年輕球員係值得比機會去做修正，不過邊啲係值得咁做邊啲係唔值得其實經過一整個賽季後早以呼之欲出，而哩一部份亦唔係話咁易可以透過體系去修補或維持，相比之下較容易處理既方法就係利用金錢去解決，亦都姐係收購新球員。
攻擊位置上，艾巴咸缺少穩定既輸出，狀態起伏亦不定，而基奧特即使值得信賴但體能上亦難以長時間維持一整個賽季咁多賽事，至於巴舒亞伊經已被投閒置散，車路士今季經常出現即使製造到入球機會既畫面但都難以將個波放進網內，而面對於一啲主打死守既球隊時就會出現久攻不下既情況，如果想令鋒線上再進一步的話，就有必要從創造力、突破力以及把握力哩三個元素中著手，而收購薛耶治同添姆雲拿正正就係對症下藥既操作，但喺哩兩個新球員加盟之後球隊究竟仲有幾多銀彈去補充其他位置呢？就正正係另一個問題需要審視...
當然，並非質疑夏弗斯其能力同潛力，而係針對車路士依加哩一刻既戰術上既需求，按道理喺暫時修補完前場兩個攻擊位置後下一個最為急切需要解決既就係後防問題，如果林伯特執意要同時將基柏換走的話，餘下既收購資金定必唔能夠同一時間收購多一名新中堅球員之餘再買埋夏弗斯，仲未講要睇住條數顧及FFP哩個位，所延伸出黎既方案就係透過賣走現役球員去籌集收購資金，以確保球隊薪酬架構健康以及收支平衡，而當中最為大熱會被賣走既人選就係喺復賽後不受重用既佐真奴，但貿然將意大利人出售的話，就會將問題轉移到中場之上，佐真奴喺戰術中軸既控制以及策動力並唔係簡迪同基爾摩亞能夠立即所取代，而買新球員去頂替的話亦都姐係一樣係要喺出售資金中再洗過錢，仲要未計岩唔岩用。
睇到哩度係咪開始都有啲吃不消已經分唔清邊啲問題打邊啲問題呢？依加其實的確係十個煲得九個蓋，既然我地無咁大個頭就唔好戴咁大頂帽喇，喺眼前既問題都未解決之前就唔好再無端端製造更多問題，倒不如專心喺哩個轉會窗先行處理後防哩個「嚴重重創」既位置先，再嘗試喺下個賽季睇下點樣再加以微調同改善個戰術套路，如果到時林伯特仍然覺得佐真奴真係好唔適合自己所構建既體系的話先再喺黎緊既轉會窗搵人取代都唔遲，總好過依加冒住咁大風險同時將所有中軸位球員人選都改變，始終依加係現實唔係打緊機，正選名單中改變兩三名球員都可以會出現好大變數。
明白到球迷們對於球會既野心充滿憧憬同期望，想喺英超賽場以至歐聯再闖出一片天，不過一個王朝既誕生並唔係一時三刻咁用一兩個轉會窗就能做到，而係需要建基於長遠計劃再配合小部份未能預測既因素至可以成事，正所謂欲速則不達，循序漸進既發展方式永遠對球會都有利無害。
文章發表時間 : 31/07/2020 12:30
文章最後更新時間 : 31/07/2020 12:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊