《原創文章 歡迎轉載 請列明出處 謝謝》
-請支持藍獅 Facebook專頁-
喺對狼隊既收咧戰過後，柏度於社交媒體上正式向車路士球迷道別，亦將會喺今季完結後結束效力五年既史丹福橋生涯，意味住完成埋黎緊足總盃決賽對阿仙奴既賽事以及下月對拜仁既歐聯淘汰賽次回合後，柏度就會正式離隊，有傳意甲既羅馬將會係哩位西班牙老將既下一站，不過由於佢同車路士仍有合約期關係，柏度保持專業精神並無透露出任何風聲。
自15年加盟車路士後，柏度一共為藍軍奪得三項錦標，其中以干地執教時期既英超冠軍以及上季所奪得既歐霸盃最為含金量高，雖然哩位西班牙翼鋒喺加盟藍橋初期一度經歷迷失，果時甚至希望回歸西甲球壇，不過自干地上任後一直都比到唔少機會同信心柏度，尤其係當季韋利安因家庭原因需要短暫離隊，更加需要對柏度委以重任，而佢既爆發亦可以話係奪得英超冠軍既因素之一。
西班牙人最為人值得尊重既就係職業態度，少說話多做事，戰術上貫徹執行主帥既安排同指令，亦會不惜體力回後協防，同時喺反擊時亦會盡全力全速奔跑，再加上球員特質上善於捕捉時機以及無球跑動，經常會為隊長製造進攻空間，同時亦能快速定斷到傳或射兩個動作，落到場博到盡既精神深得球迷們歡心，而風格上同韋利安之間既分野亦令到歷任主帥能夠因時制宜，加埋夏薩特三個人去維持左車路士過去五年既邊路位置。
雖然今季柏度既上陣時間被大大縮減，排位次序上更後於一眾小將佩利錫及奧岱之下，不過西班牙人並無因為咁而有微言，即使對外界傳媒訪問亦無任何比到媒體大造文章既空間，而季中轉會窗過後球隊面對住邊路位置傷員問題，柏度亦把握得到少有既機會上陣，喺狀態同能力未有過份走樣底下繼續為球隊默默地付出所有，亦喺岩岩對狼隊既賽事中上陣作完美謝幕。
先預祝柏度於意大利賽場順順利利，同時希望車路士能夠喺黎緊足總盃決賽以一奬盃送別哩位西班牙老將，感激柏度過去哩五年為藍軍既所有付出。
文章發表時間 : 29/07/2020 12:30
文章最後更新時間 : 29/07/2020 12:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
喺對狼隊既收咧戰過後，柏度於社交媒體上正式向車路士球迷道別，亦將會喺今季完結後結束效力五年既史丹福橋生涯，意味住完成埋黎緊足總盃決賽對阿仙奴既賽事以及下月對拜仁既歐聯淘汰賽次回合後，柏度就會正式離隊，有傳意甲既羅馬將會係哩位西班牙老將既下一站，不過由於佢同車路士仍有合約期關係，柏度保持專業精神並無透露出任何風聲。
自15年加盟車路士後，柏度一共為藍軍奪得三項錦標，其中以干地執教時期既英超冠軍以及上季所奪得既歐霸盃最為含金量高，雖然哩位西班牙翼鋒喺加盟藍橋初期一度經歷迷失，果時甚至希望回歸西甲球壇，不過自干地上任後一直都比到唔少機會同信心柏度，尤其係當季韋利安因家庭原因需要短暫離隊，更加需要對柏度委以重任，而佢既爆發亦可以話係奪得英超冠軍既因素之一。
西班牙人最為人值得尊重既就係職業態度，少說話多做事，戰術上貫徹執行主帥既安排同指令，亦會不惜體力回後協防，同時喺反擊時亦會盡全力全速奔跑，再加上球員特質上善於捕捉時機以及無球跑動，經常會為隊長製造進攻空間，同時亦能快速定斷到傳或射兩個動作，落到場博到盡既精神深得球迷們歡心，而風格上同韋利安之間既分野亦令到歷任主帥能夠因時制宜，加埋夏薩特三個人去維持左車路士過去五年既邊路位置。
雖然今季柏度既上陣時間被大大縮減，排位次序上更後於一眾小將佩利錫及奧岱之下，不過西班牙人並無因為咁而有微言，即使對外界傳媒訪問亦無任何比到媒體大造文章既空間，而季中轉會窗過後球隊面對住邊路位置傷員問題，柏度亦把握得到少有既機會上陣，喺狀態同能力未有過份走樣底下繼續為球隊默默地付出所有，亦喺岩岩對狼隊既賽事中上陣作完美謝幕。
先預祝柏度於意大利賽場順順利利，同時希望車路士能夠喺黎緊足總盃決賽以一奬盃送別哩位西班牙老將，感激柏度過去哩五年為藍軍既所有付出。
文章發表時間 : 29/07/2020 12:30
文章最後更新時間 : 29/07/2020 12:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊