《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
去到哩一刻既處境，其實炒唔炒樸達已經無關痛癢，聯賽經已再無可能向上追太多，而歐聯亦都只剩下次回合生死一戰，傳媒話保利會睇埋哩兩場結果至定段樸達生死，但其實如果哩兩場波都輸晒之後車路士已經無野好爭，到時先話炒樸達又有何意義？倒不如季尾先再決定，至少巿場上會有更多選擇。
如果由時間線上去睇，個人認為冬季轉會窗會係樸達執教車路士至今既一個分水嶺，轉會窗前至少見到球隊既精神面貌有變，樸達喺戰術上的確有啲野想帶到比哩一隊車路士，而歐聯亦成功由小組榜下游變首名出名；但當轉會窗過後，無論係車路士還是樸達都一樣迷失了，有場面無入球既有，上下半場一半好一半西亦有，當然對多蒙特既首回合敗仗亦係被人痛激既地方，至少果場輪場面同形勢作客既藍軍都應值得以和局收場，運氣亦係球隊喺哩下半季所欠缺既元素。
而樸達既個人問題可以分成三部份去講，分別係用人、戰術同臨場發揮，先講用人，如果話林伯特年代既後場風火輪，樸達亦都一樣有前場風火輪，除左夏維斯同菲歷斯之外兩邊翼鋒位置經常用唔同人選組合，薛耶治轉投PSG不成後一樣得到唔少既上陣機會，其實你本身都諗住唔岩用至會拎去賣，咁點解依加又會拎番黎用？而奧巴美揚都一樣，歐聯無做註冊球員自己都知咩事，到你有時搵佢做後備有時連後備都無，放佢落場果刻你又想佢交到幾多貨比你？當佢真係成功入到波咁你下場又會唔會繼續比到機會佢？再到巴迪亞舒尼都一樣，打得好地地上場對熱刺又無時間上陣，哩啲人事管理問題既背後都係關係於保利既大規模收購令陣容變得臃腫，但如果真係唔適合既話點解唔選擇唔用，總好過你選擇輪換而得不到應有效果。
用人問題繼而牽涉到戰術層面，本身樸達喺上半季都以三中堅陣式為首選，但轉會窗過後就已經變得銷聲匿跡，佢情願要薛耶治以翼鋒身份回防收到落黎打右翼衛咁，都唔情願正正經經出番相應人手去打三中堅，我地前面的確有好多進攻球員喺度，但都唔代表每場波都要放晒所有攻擊球員出黎就係好事，更何況前場個form根本未夾好仲要越踢越差，好似亂咁黎炒埋一碟咁，實在令人不解；再到臨場發揮，樸達既即場部署其實無乜太大效果，嘗試每次兩個兩個咁換人之後其實場面無乜太大變化，反而上半場踢得好下半場走晒樣既次數就更加多，真係唔知半場Team talk講左啲咩會出現哩個反差，基本上對手只要維持到上半場個form，到下半場加大個對抗同壓迫力之後，就可以輕鬆地喺車路士身上拎到分。
為避免令文章變得過於臃腫，以上部份都係由球隊同樸達既一籃子問題中先行抽出，最後想講多句關於樸達話應該參考高普同阿迪達喺利物浦同阿仙奴執教初期時既往績，老實說你依加手上所拎住既陣容已經比起佢倆果時優厚百倍，但得出黎既成績就真係差到無何再差，2023年黎到三月踢左咁多場波都只係贏得一場咁大把，而二月更加只有一個入球，比著係以前油王我諗一月都未夠已經送左你一程，車迷們既耐性已經消耗到盡頭，與其你喺啲記招度打嘴炮倒不如做下多啲實事，認真諗下依加套form點執好過。
文章發表時間 : 4/3/2023 10:50
文章最後更新時間 : 4/3/2023 10:50
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
去到哩一刻既處境，其實炒唔炒樸達已經無關痛癢，聯賽經已再無可能向上追太多，而歐聯亦都只剩下次回合生死一戰，傳媒話保利會睇埋哩兩場結果至定段樸達生死，但其實如果哩兩場波都輸晒之後車路士已經無野好爭，到時先話炒樸達又有何意義？倒不如季尾先再決定，至少巿場上會有更多選擇。
如果由時間線上去睇，個人認為冬季轉會窗會係樸達執教車路士至今既一個分水嶺，轉會窗前至少見到球隊既精神面貌有變，樸達喺戰術上的確有啲野想帶到比哩一隊車路士，而歐聯亦成功由小組榜下游變首名出名；但當轉會窗過後，無論係車路士還是樸達都一樣迷失了，有場面無入球既有，上下半場一半好一半西亦有，當然對多蒙特既首回合敗仗亦係被人痛激既地方，至少果場輪場面同形勢作客既藍軍都應值得以和局收場，運氣亦係球隊喺哩下半季所欠缺既元素。
而樸達既個人問題可以分成三部份去講，分別係用人、戰術同臨場發揮，先講用人，如果話林伯特年代既後場風火輪，樸達亦都一樣有前場風火輪，除左夏維斯同菲歷斯之外兩邊翼鋒位置經常用唔同人選組合，薛耶治轉投PSG不成後一樣得到唔少既上陣機會，其實你本身都諗住唔岩用至會拎去賣，咁點解依加又會拎番黎用？而奧巴美揚都一樣，歐聯無做註冊球員自己都知咩事，到你有時搵佢做後備有時連後備都無，放佢落場果刻你又想佢交到幾多貨比你？當佢真係成功入到波咁你下場又會唔會繼續比到機會佢？再到巴迪亞舒尼都一樣，打得好地地上場對熱刺又無時間上陣，哩啲人事管理問題既背後都係關係於保利既大規模收購令陣容變得臃腫，但如果真係唔適合既話點解唔選擇唔用，總好過你選擇輪換而得不到應有效果。
用人問題繼而牽涉到戰術層面，本身樸達喺上半季都以三中堅陣式為首選，但轉會窗過後就已經變得銷聲匿跡，佢情願要薛耶治以翼鋒身份回防收到落黎打右翼衛咁，都唔情願正正經經出番相應人手去打三中堅，我地前面的確有好多進攻球員喺度，但都唔代表每場波都要放晒所有攻擊球員出黎就係好事，更何況前場個form根本未夾好仲要越踢越差，好似亂咁黎炒埋一碟咁，實在令人不解；再到臨場發揮，樸達既即場部署其實無乜太大效果，嘗試每次兩個兩個咁換人之後其實場面無乜太大變化，反而上半場踢得好下半場走晒樣既次數就更加多，真係唔知半場Team talk講左啲咩會出現哩個反差，基本上對手只要維持到上半場個form，到下半場加大個對抗同壓迫力之後，就可以輕鬆地喺車路士身上拎到分。
為避免令文章變得過於臃腫，以上部份都係由球隊同樸達既一籃子問題中先行抽出，最後想講多句關於樸達話應該參考高普同阿迪達喺利物浦同阿仙奴執教初期時既往績，老實說你依加手上所拎住既陣容已經比起佢倆果時優厚百倍，但得出黎既成績就真係差到無何再差，2023年黎到三月踢左咁多場波都只係贏得一場咁大把，而二月更加只有一個入球，比著係以前油王我諗一月都未夠已經送左你一程，車迷們既耐性已經消耗到盡頭，與其你喺啲記招度打嘴炮倒不如做下多啲實事，認真諗下依加套form點執好過。
文章發表時間 : 4/3/2023 10:50
文章最後更新時間 : 4/3/2023 10:50
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊