《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
1. 右翼爆發
初時睇正選名單都幾令人意外，馬利斯卡安排左梅迪歷同馬度基一左一右打正選（下面第6點會再有延伸話題），後者成為狼隊主場球迷既針對對象，不過佢亦用三個入球去回應噓聲，今場波球員無論喺傳射兩方面都拿捏到準確時機，不過正如季前文章所講佢順風時可以打得好但腳風一唔順就無腳好波，之後要睇佢能否保持，相反梅迪歷既表現就真係被比下去，半場經已被尼圖換出。
2. 陣式切換
三與四後防切換，進攻時右閘既古斯度會收入中路，防守時先去番邊路，哩種打法亦係馬利斯卡執教李城時慣常使用既戰術之一，變相中場會多一個人幫波，但效果暫時黎睇就好壞參半（亦需要時間適應），始終古斯度精於前插、突破同傳中，攻強於弱，而明顯切入中場後既佢突顯唔到自己既優點，變得純粹係一名駁腳球員，防守意識不足亦令右後防位置變成狼隊針對攻擊既區域。
3. 中空問題
卡些度上半場既表現明顯不在狀態，多次被對手突破打穿成功，同時反映出球隊既中路防守薄弱，只要作為後防線前最後一幢屏障既防中位被打破，對手就可以中路自己去或利用邊路搵配合兩邊任揀，藍軍一對中堅亦無太大能力去抵擋哩啲攻勢，死球防守都面對同樣情況，高空爭頂意識及硬度不足，對面有一堆高佬敢湧敢衝就會製造到危險鏡頭甚至入波出現，暫時未見球隊有針對哩方面既措施去補救。
4. 乘虛而入
場波節奏明快，就好似回合制你一拳我一腳咁來回快打，但講埋身碰撞同硬淨程度就明顯係狼隊技勝一籌，之前都有講到季前熱身賽已經見到球員體能狀態不足，只係今場波對手喺上下半場既輸出有好大落差，半場出返黎狼隊減慢左進攻速率，係刻意收慢想守一段還是另有目的就無法定斷，但比到機會車路士成功把握兼連入兩球就經已自亂陣腳，即使後段想焗攻亦變相令後防曝露出更多空位。
5. 一身衝勁
承接上題，個人認為依加既車路士就好似血氣方剛既年輕人，好聽啲叫做有氣有力同你衝同你搶一段，相反就無乜頭腦咁一味識衝，季初都仲夠力氣去咁打，之後開始傷員遞增加上體能一定無季初咁好（講緊依加已經唔算好），仲能唔能夠維持哩個速率輸出將會係問題，始終一個賽季係長途戰，最終都係要依靠體力分配、控制節奏、防守力度同進攻變化等元素去定勝負。
6. 位置用人
似乎馬利斯卡喺個別位置既用人上都有啲端倪（仍需觀察），上場波有講到龐馬同尼宮古都係適合中路並非邊路既球員，今場波前者企番攻中位打正選，後者後備上場亦打番箭頭位，回應番上面文章開頭既第1點所講就會理解得到佢點解安排梅迪歷同馬度基打正選，而後備落場既尼圖亦喺新舊主面前展示出突破、變速及邊路助攻等個人能力，哩幾方面既能力都比起打正選既梅迪歷優勝。
文章發表時間 : 26/8/2024 13:45
文章發表時間 : 26/8/2024 13:45
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
1. 右翼爆發
初時睇正選名單都幾令人意外，馬利斯卡安排左梅迪歷同馬度基一左一右打正選（下面第6點會再有延伸話題），後者成為狼隊主場球迷既針對對象，不過佢亦用三個入球去回應噓聲，今場波球員無論喺傳射兩方面都拿捏到準確時機，不過正如季前文章所講佢順風時可以打得好但腳風一唔順就無腳好波，之後要睇佢能否保持，相反梅迪歷既表現就真係被比下去，半場經已被尼圖換出。
2. 陣式切換
三與四後防切換，進攻時右閘既古斯度會收入中路，防守時先去番邊路，哩種打法亦係馬利斯卡執教李城時慣常使用既戰術之一，變相中場會多一個人幫波，但效果暫時黎睇就好壞參半（亦需要時間適應），始終古斯度精於前插、突破同傳中，攻強於弱，而明顯切入中場後既佢突顯唔到自己既優點，變得純粹係一名駁腳球員，防守意識不足亦令右後防位置變成狼隊針對攻擊既區域。
3. 中空問題
卡些度上半場既表現明顯不在狀態，多次被對手突破打穿成功，同時反映出球隊既中路防守薄弱，只要作為後防線前最後一幢屏障既防中位被打破，對手就可以中路自己去或利用邊路搵配合兩邊任揀，藍軍一對中堅亦無太大能力去抵擋哩啲攻勢，死球防守都面對同樣情況，高空爭頂意識及硬度不足，對面有一堆高佬敢湧敢衝就會製造到危險鏡頭甚至入波出現，暫時未見球隊有針對哩方面既措施去補救。
4. 乘虛而入
場波節奏明快，就好似回合制你一拳我一腳咁來回快打，但講埋身碰撞同硬淨程度就明顯係狼隊技勝一籌，之前都有講到季前熱身賽已經見到球員體能狀態不足，只係今場波對手喺上下半場既輸出有好大落差，半場出返黎狼隊減慢左進攻速率，係刻意收慢想守一段還是另有目的就無法定斷，但比到機會車路士成功把握兼連入兩球就經已自亂陣腳，即使後段想焗攻亦變相令後防曝露出更多空位。
5. 一身衝勁
承接上題，個人認為依加既車路士就好似血氣方剛既年輕人，好聽啲叫做有氣有力同你衝同你搶一段，相反就無乜頭腦咁一味識衝，季初都仲夠力氣去咁打，之後開始傷員遞增加上體能一定無季初咁好（講緊依加已經唔算好），仲能唔能夠維持哩個速率輸出將會係問題，始終一個賽季係長途戰，最終都係要依靠體力分配、控制節奏、防守力度同進攻變化等元素去定勝負。
6. 位置用人
似乎馬利斯卡喺個別位置既用人上都有啲端倪（仍需觀察），上場波有講到龐馬同尼宮古都係適合中路並非邊路既球員，今場波前者企番攻中位打正選，後者後備上場亦打番箭頭位，回應番上面文章開頭既第1點所講就會理解得到佢點解安排梅迪歷同馬度基打正選，而後備落場既尼圖亦喺新舊主面前展示出突破、變速及邊路助攻等個人能力，哩幾方面既能力都比起打正選既梅迪歷優勝。
文章發表時間 : 26/8/2024 13:45
文章發表時間 : 26/8/2024 13:45
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊