《淺談林伯特教練團成員 多位藍軍舊部回歸》

BluexLion車迷手記 於 30/07/2019 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


雖然蘇拿並無喺林伯特既教練團中取得一席,不過其實當中都有唔少曾經效力過車路士既舊部都有番黎幫手,亦有成員係由青年軍教練團中提升上黎一隊幫手,眼見坊間都比較少講關於新任教練團既人手配置,特意做左少量資料搜集去介紹各成員既背景。

圖由左至右開始
Henrique Hilário (希拉里奧) - GK Coach : 相信球迷們對希大叔都唔會陌生 以球員身份加盟後一直以第三門將身份效力 而退役後亦被球會安排以門將教練身份留喺史丹福橋 由幕前轉為幕後 而喺林伯特上任後亦獲得留任 來季將會繼續以同樣身份與另一退休門將施治一齊制定門將訓練計劃
Eddie Newton (艾迪牛頓) - Assistant Coach : 球員年代曾經喺史丹福橋效力九年 而退役後亦開始教練生涯 而喺12年迪馬堤奧走馬上任取代保亞斯成為臨時主帥後亦隨即回到藍軍擔任助理教練 繼後輪流擔任青訓主任及球探一職 以及負責同外借梗既球員聯絡 定期更新外借球員報告 而其中亦有短暫擔任「救火領隊」希丁克既副手 可以話咩位置都做過 無論係臨場指導同對年青球員方面都絕對有一定了解

Jody Morris (摩利斯) - Assistant Head Coach : 96-03年期間為車路士球員 球員生涯中亦有兩年係有同林伯特合作 兩人關係亦師亦友 而摩利斯退役後隨即加入藍軍U21教練團 隨後被調任U18梯隊擔任助理教練 於16/17球季正式成為青年梯隊U18主教練 並於17/18年球季帶領球隊成為當季英格蘭足總青年盃冠軍 當中奪冠球員包括美臣蒙特及奧岱 而上季跟隨林伯特到打比郡擔任助理教練 可以話係教練團既核心成員

Chris Jones - Assistant Coach : 06年以一隊體能教練身份加盟車路士 負責制定體能訓練計劃 而其中就算球隊主帥不斷變更都一直為教練團成員 同時亦擔任英格蘭U19及U21教練 而上季亦同摩利斯一樣到打比郡協助林伯特 今次回歸喺職位上雖然有所變動 不過相信都依舊會負責體能訓練一環

Joe Edwards - Assistant Coach : 哩位對於球迷黎講就應該有啲陌生 過去兩季佢都係U23同U19梯隊既主教練 由14年開始一直由青年軍梯隊中工作 對於依加隊中U23既青輕人絕對有一定了解 林伯特今次晉升佢為一隊助理教練既主因好大程度係希望能夠為其年青人提供一隊效力既機會

Andy Myers - Coach (未有在圖中出現) : 91-99年期間以球員身份效力車路士 12年起以教練身份加入藍軍青年梯隊 當中擔任過U15、U19同U23教練團成員 亦曾經到衛星球會維迪斯協助 今次既晉升相信亦係同Joe Edwards希望為林伯特提供對年輕球員既建議

車路士官網尚未完全更新有關一隊教練團資料 不過根據隨隊記者以及隨行教練團成員所睇黎都唔會有太大偏差 亦估計仲會有多一至兩名成員會喺之後加入 而曾經為教練團一員既古迪仙尼今次未有隨隊 外界認為佢將會被調到其他職位繼續為球會效力


文章發表時間 : 30/7/2019 14:45
文章最後更新時間 : 30/7/2019 14:45

資料來源 :
1) 車路士官方 2)Transfermarkt

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 車路士  

留言


請按此登錄後留言。未成為會員? 立即註冊
    快捷鍵:←
    快捷鍵:→