《法比加斯始終技勝一籌 佐真奴唯欠「世界級」火候》

藍獅 於 15/11/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : Twitter

自佐真奴加盟車路士以嚟,一直都係藍軍陣中重要一員,開季至今球隊九成賽事佢都有份踢,由於多條戰線都需要同時參與,再加上連接國際週期,近日都開始發現哩位意大利國腳喺體力以及場上表現都有回落跡象,沙利會唔會喺哩個時候先將佐真奴放到後備席休息一下而選用法比加斯作正選呢?

無論喺執教拿玻里年代定係依加嘅車路士,佐真奴喺沙利手下都擁有不可或缺嘅地位,兩者可以話係一墨相連,喺433陣式當中,佐真奴被安排喺三中場靠後位置,主要職責除左串聯中後場之外,基本上球隊所有波都要經佢發板,策動攻勢、調控節奏、甚至連隊友走位點傳都由佢統籌,絕對係「沙利波」嘅核心人物,亦係因為咁所以沙利喺加盟藍軍之前務必要管理層同時將佐真奴收歸旗下。

位置上係一個靠後嘅防中,但實際上佐真奴喺防務方面所做嘅野其實唔多,除左逗位之外,哩位意大利球員喺各項防守上嘅能力都相當普通,尤其係喺英超哩啲注重高強度身體對抗嘅聯賽入面,身形單薄嘅佢其實真係好輸蝕,再加上自身速度唔高,所以無論面對嘅係身形龐大嘅中鋒定係跑得快嘅翼鋒,基本上佐真奴都無乜甜頭可言,亦好多時因為體力不足導致比賽尾段出現「半隱形」情況。

至於喺傳送質素方面,相對於法比加斯,硬係覺得佐真奴欠缺左西班牙人哩一方面嘅火候,傳球視野兩位可能都差無幾,不過佐真奴好多時都睇到交唔到,隊友總係差一兩步至可以成功接應,相反法比加斯喺哩一方面絕對係得心應手,無論長短傳都駕輕就熟,好多時拎到波都能夠交出啲「一腳波」直入對手心臟地帶,無疑經已係爐火純青嘅境界,同佐真奴嘅級數存在分野。

當然,要擁有「世界級」嘅傳送能力並唔係一朝一夕所能夠達到嘅時,日子有功,相信佐真奴未來一定能夠達到法比加斯果種老煉程度,而沙利可以諗下喺一啲賽事上喺哩個位置作出輪換,好讓兩者都能夠各取所需,對球隊今季嚟緊嘅整體發揮絕對係百利而無一害。


文章最後更新時間 : 15/10/2018 11:00


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  沙利  法比加斯  佐真奴  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→