《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
夏法斯 - 一名剛二十出頭但經已成為歐洲球壇炙手可熱既新星，同時受到一眾如皇馬、拜仁等豪門所追捧，奈何受到疫情影響以及條件所限，哩兩支最為熱門既球隊均沒有出手求購，變相令機會直接落入車路士手中，而夏法斯亦以壓軸及重磅資態成為藍軍今個轉會窗最備關注既新成員，今次就想講下哩位德國新星喺林伯特手上該如何發展，以及如何運用到佢最有價值既地方...
近兩年黎夏法斯既身價可以話以幾何級數上升，由利華古遜青年軍一直晉升到於一隊嶄露頭角，花了不足四年時間已經成功喺德甲打出名堂，除左成功見証到球員既個人成長之外，夏法斯亦同時表現出佢喺各個攻擊位置上既多樣性，短短四年間德國人大大話話都擔任過四個位置，當中包括中鋒、攻擊中場、右翼以及中場中，講緊既係接近每一季都有嘗試過擔任唔同角色，亦被發挖出具備新位置既天賦，仿似潛力無限一樣。
同添姆雲拿擅於逆足區域一樣，注重左腳既夏法斯擅長於球場右路位置發展，即使擔任中鋒時亦時常偏向右側進行爆破，而位置上既多樣性亦同時令到佢具備「大局觀」既特質，喺擁有高水平閱讀球賽能力底下能夠更快為傳或射作出進一步判斷，無論喺場上邊個區域都成功為自己或隊友製造出更多空間，繼而加以利用，再配合球員與球員之間既默契同走位配合，為球隊完成一次埋門機會。
除左能夠處理內圍支援工作之外，夏法斯同樣有能力勝任外圍向前推進等進攻工作，即使自身擁有高達一米八九既高度，先天身體上既優勢令佢能夠取得一定制空力以及前場支點能力，亦並無因為身高而限制左佢喺速度上既發揮，步大力雄既提速率令到對方基本上察覺得到亦難加以防範，加上佢雙足同時具備精準既傳射能力，令德國人無論喺禁區內還是近禁區外都存在威脅。
如果將添姆雲拿比喻為戰場上既步兵，而薛耶治則被喻為支援兵的話，咁夏法斯既角色就處於兩者之間，佢既能作為步兵上前線殺敵，亦能以支援兵身份為前線隊友輸送彈藥助攻，能力上既全面性以及位置上既多變性成為德國人既最大本錢，除左能夠為主教練既戰術結構帶黎更多花樣變化之外，亦能將臨場調動既上限額外提高，而車路士近年黎一直都缺乏一名前場多變手，好大程度亦因為球員哩項特質而成為左藍軍重金禮聘佢既原因之一。
根據夏法斯過去喺唔同位置發揮所得出既數據，意外地發球員喺擔任前鋒時既表現最為亮眼，相反普遍球迷認為佢最岩打攻擊中場位置既數據就較為一般，當然哩啲就只係作為參考，要尋找德國人喺藍軍既最佳位置，就應先從陣中所缺乏既元素入手，林伯特自上季上任後一直嘗試解決中前場進攻乏力既問題，中場位置雖然擁有簡迪、高華錫以及佐真奴哩三名具級數球員，但佢地同時缺乏跨越戰區既作戰能力，尤其喺面對鐵桶死守既對手時乏力情況就更為明顯。
即使林伯特成功將蒙特加入到其中亦有改善跡象，但後者通過日接日既比賽實在無法長時間維持高水平輸出，對於哩位英格蘭小將既首季英超生涯黎講要長期維持高強度實在有點兒吃不消，而夏法斯既加入就能夠分擔有關工作，甚至可以話比起蒙特更加之能夠勝任，尤其喺捕捉進攻第二點既處理上以及後上入攝施射果下德國人都有能力展現出高水平含量。
以現時車路士既體系黎講，夏法斯擔任一個接近攻中或偽9號既角色合較為合適，為中場與前鋒之間既連接，支援身前既正箭頭，亦會適時壓上作為第二中鋒，使進攻套路更加多樣性，而由於球員協防能力薄弱，上場波經常要佢來回中後場協助防守實在未免太過資源浪費，始終將夏法斯放得愈前靠近對手禁區，能夠帶到比對方既威脅就會愈大。
文字內容愈寫愈多，亦係時候先收筆作結，今次概括敘述左夏法斯既個人特質同能力，以及以藍軍上季欠缺既元素作為基礎下推測球員喺場上既最佳位置，而喺前場幾位新球員各自都能夠擔任好幾個位置之下，相信戰術上既細節同變化係可以做得更多，不過默契建立需時，始終相比於添姆雲拿經已投入集訓好一段時間，夏法斯加盟無耐亦有需要多一啲空間與隊友建立聯繫，至可以一步步發揮出自我個性。
相關球員專題文章 : 《 如何將添姆雲拿的能力最大化 將是林伯特今季的最大課題》
文章發表時間 : 09/10/2019 10:40
文章最後更新時間 : 09/10/2019 10:40
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
夏法斯 - 一名剛二十出頭但經已成為歐洲球壇炙手可熱既新星，同時受到一眾如皇馬、拜仁等豪門所追捧，奈何受到疫情影響以及條件所限，哩兩支最為熱門既球隊均沒有出手求購，變相令機會直接落入車路士手中，而夏法斯亦以壓軸及重磅資態成為藍軍今個轉會窗最備關注既新成員，今次就想講下哩位德國新星喺林伯特手上該如何發展，以及如何運用到佢最有價值既地方...
近兩年黎夏法斯既身價可以話以幾何級數上升，由利華古遜青年軍一直晉升到於一隊嶄露頭角，花了不足四年時間已經成功喺德甲打出名堂，除左成功見証到球員既個人成長之外，夏法斯亦同時表現出佢喺各個攻擊位置上既多樣性，短短四年間德國人大大話話都擔任過四個位置，當中包括中鋒、攻擊中場、右翼以及中場中，講緊既係接近每一季都有嘗試過擔任唔同角色，亦被發挖出具備新位置既天賦，仿似潛力無限一樣。
同添姆雲拿擅於逆足區域一樣，注重左腳既夏法斯擅長於球場右路位置發展，即使擔任中鋒時亦時常偏向右側進行爆破，而位置上既多樣性亦同時令到佢具備「大局觀」既特質，喺擁有高水平閱讀球賽能力底下能夠更快為傳或射作出進一步判斷，無論喺場上邊個區域都成功為自己或隊友製造出更多空間，繼而加以利用，再配合球員與球員之間既默契同走位配合，為球隊完成一次埋門機會。
除左能夠處理內圍支援工作之外，夏法斯同樣有能力勝任外圍向前推進等進攻工作，即使自身擁有高達一米八九既高度，先天身體上既優勢令佢能夠取得一定制空力以及前場支點能力，亦並無因為身高而限制左佢喺速度上既發揮，步大力雄既提速率令到對方基本上察覺得到亦難加以防範，加上佢雙足同時具備精準既傳射能力，令德國人無論喺禁區內還是近禁區外都存在威脅。
如果將添姆雲拿比喻為戰場上既步兵，而薛耶治則被喻為支援兵的話，咁夏法斯既角色就處於兩者之間，佢既能作為步兵上前線殺敵，亦能以支援兵身份為前線隊友輸送彈藥助攻，能力上既全面性以及位置上既多變性成為德國人既最大本錢，除左能夠為主教練既戰術結構帶黎更多花樣變化之外，亦能將臨場調動既上限額外提高，而車路士近年黎一直都缺乏一名前場多變手，好大程度亦因為球員哩項特質而成為左藍軍重金禮聘佢既原因之一。
根據夏法斯過去喺唔同位置發揮所得出既數據，意外地發球員喺擔任前鋒時既表現最為亮眼，相反普遍球迷認為佢最岩打攻擊中場位置既數據就較為一般，當然哩啲就只係作為參考，要尋找德國人喺藍軍既最佳位置，就應先從陣中所缺乏既元素入手，林伯特自上季上任後一直嘗試解決中前場進攻乏力既問題，中場位置雖然擁有簡迪、高華錫以及佐真奴哩三名具級數球員，但佢地同時缺乏跨越戰區既作戰能力，尤其喺面對鐵桶死守既對手時乏力情況就更為明顯。
即使林伯特成功將蒙特加入到其中亦有改善跡象，但後者通過日接日既比賽實在無法長時間維持高水平輸出，對於哩位英格蘭小將既首季英超生涯黎講要長期維持高強度實在有點兒吃不消，而夏法斯既加入就能夠分擔有關工作，甚至可以話比起蒙特更加之能夠勝任，尤其喺捕捉進攻第二點既處理上以及後上入攝施射果下德國人都有能力展現出高水平含量。
以現時車路士既體系黎講，夏法斯擔任一個接近攻中或偽9號既角色合較為合適，為中場與前鋒之間既連接，支援身前既正箭頭，亦會適時壓上作為第二中鋒，使進攻套路更加多樣性，而由於球員協防能力薄弱，上場波經常要佢來回中後場協助防守實在未免太過資源浪費，始終將夏法斯放得愈前靠近對手禁區，能夠帶到比對方既威脅就會愈大。
文字內容愈寫愈多，亦係時候先收筆作結，今次概括敘述左夏法斯既個人特質同能力，以及以藍軍上季欠缺既元素作為基礎下推測球員喺場上既最佳位置，而喺前場幾位新球員各自都能夠擔任好幾個位置之下，相信戰術上既細節同變化係可以做得更多，不過默契建立需時，始終相比於添姆雲拿經已投入集訓好一段時間，夏法斯加盟無耐亦有需要多一啲空間與隊友建立聯繫，至可以一步步發揮出自我個性。
相關球員專題文章 : 《 如何將添姆雲拿的能力最大化 將是林伯特今季的最大課題》
文章發表時間 : 09/10/2019 10:40
文章最後更新時間 : 09/10/2019 10:40
《原創文章 歡迎轉載 請列明出處 謝謝》Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊