“未來我還想再一次回到車路士效力”- 奧斯卡

BluexLion車迷手記 於 07/10/2017 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

前車路士中場球員,現效力中超上海上港既奧斯卡在接受傳媒訪問時指出,未來將會重番英超賽場,如果車路士讓他重回史丹福橋的話,他定必一口答應。但番回現實,依加既車路士仲需要奧斯卡嗎?
.圖片來源 : talkSPORT

干地上季上任後,的確被外界認為能夠成為奧斯卡職業生涯既轉捩點,始終巴西人自改造後一直都被「工兵化」,經已缺少了當日加盟既助攻創造力,同時間在干地還帶領祖雲達斯時期,已經對奧斯卡情有獨鍾,必定會成為手下重要一員。
.圖片來源 : Newsweek

開季後的確有安排奧斯卡為正選,位置為中場偏向進攻方面,伙拍馬迪負責後場與前場之間既輸送,但五場波之中巴西人只交出一腳助攻,表現並未特別亮眼,更喺對陣阿仙奴時未獲上陣機會,而干地在此仗大敗過後就立即轉陣到343,奧斯卡所獲得既機會就只係後備上陣果幾十什至係幾分鐘,之後就受傷患困擾缺席三場賽事,到出番黎既時候係連後備名單都無,就到了季中轉會窗。
.圖片來源 : Metro

中超上海上港當時以高達6000萬歐元向車路士提出收購奧斯卡,以一名藍軍既後備球員黎計,哩個轉會費數字絕對吸引,說實話干地同球會放走佢亦屬「迫不得已」,一黎奧斯卡打唔上正選,二黎用6000萬歐元比干地去收購一啲啱使啱用既球員更加有利可圖,最終巴西人以破記錄轉會費登陸中超。
.圖片來源 : Skysports.com

回歸現實,講番依加既車路士仲需唔需要奧斯卡,干地開季至今車路士主要圍繞兩套陣式343同352,而喺奧斯卡離開藍橋過後,意大利人所收購既中場人員當中並無一位係能夠擔任攻擊中場,這意味著其實干地既戰術入面中場球員必定要多功能,基本走上走落之外攻守能力都需要有,法比加斯亦被批評需要改善防守,而簡迪亦需多加遠射。
.圖片來源 : 90Min

奧斯卡自加盟上海上港以黎一直都擔任球隊既攻擊中場,哩個亦係佢既最佳位置,雖然先前被摩連奴「工兵化」,但以功能性黎講即使重回藍橋亦好難爭到正選十一人一席位。早前德國媒體《Transfermarkt》對中超一眾外援進行既最新估算,奧斯卡既身價經已由上季6000萬歐元下降至2200萬歐元,如果以哩個數字收購一名後備球員,啱唔啱用就真係見仁見智。
.圖片來源 : Skysports.com

當日穿起傳奇前鋒杜奧巴既11號,及後再穿另一傳奇中場林佰特既8號,你又想唔想再次見到佢番黎藍橋效力?

文章最後更新時間 : 7/10/2017 13:45

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 奧斯卡  車路士  上海上港  

留言


請按此登錄後留言。未成為會員? 立即註冊
  • Marjill 於 07/10/2017 評論 NO. 1

    買達斯拿

  • Gary.C 於 08/10/2017 評論 NO. 2

    佢幫車仔賺咗六千萬歐元,約滿申花零轉會費情況下,車仔可能召他歸隊,讓其光榮退役,人間有情公關騷

快捷鍵:←
快捷鍵:→