《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
未講場波之前，其實有兩個觀點想先帶出，首先係車路士能夠由分組賽出線走到黎淘汰賽，個人黎講已經當係超額完成，老實說杜曹被炒前都以為會直接小組出局，至少以當時走勢黎睇如果杜曹仍在任的話唔見得可以出線，誰不知樸達上任後竟然可以做到兼首名，哩一點係有啲意外；第二個觀點就係黎到淘汰賽，面對住哩一刻既多蒙特算係一個幾好既煉金石比到車路士及車迷們了解自己既實力同位置，而今場既結果亦反映出我地係的確未完全準備好喺歐聯戰線可以更進一步什至問鼎冠軍，當然運氣都係因素之一。
樸達依舊沿用4231（可以話442）為陣式藍圖，高列巴尼取代無喺歐聯註冊既巴迪亞舒尼伙拍施華打雙中堅，而捷維爾亦取代近期表現起爭議既古古尼亞為左閘，右閘繼續係列斯占士，中場方面維持上場既雙中場組合，由路夫斯捷克拍安素費南迪斯，而高華錫同薩卡利亞繼續先任後備，至於前線方面蒙特仍留在後備席上，左右兩翼分別係梅迪歷同薛耶治，而夏維斯同祖奧菲歷斯就繼續握守中路區域。
上半場多蒙特稍為佔據主動，喺主場氣勢之下令作客既車路士踢得較為被動，只能透過反擊去製造機會，菲歷斯既兩下埋門當然最令人著目，奈何一炒高一中眉實在欠運，但多蒙特都有唔少起腳機會，藍軍亦喺速率上有啲跟唔到對手，好容易就比主隊打出空間而兩邊球員可以跑到一段，即使回防人數比對方進攻人數多，但都依然比多蒙特得到攻門機會，只能夠講防守抗壓只係做得到但未算做得好。
到下半場車路士既野心就大了，嘗試搶佔主動權，誰不知一下角球攻勢再由攻轉守被對手反擊得手，安素費南迪斯作為last man其實可以做既都已經做盡，但你會見到即使佢既速度都已經算快但對手比佢更快，反映及承接左上一段所講球隊速率跟唔上對手既問題，我地既中前場球員已經算年輕同具活力，但黎到歐聯原來已經被比下去，而多蒙特既兩翼除左速度高之外亦擅於做身體對抗同可以喺前場停到波，戰術效果同狀態都明顯比起我地既梅迪歷及薛耶治優勝。
以整體來說，車路士今場波打出黎既場面唔算差，前場球員既默契同配合都愈見愈好，但始終都未能取得勝仗只能夠講句十分可惜，當然哩下就係我地同對手把握力之間既分野，相信車迷們都經已見慣不怪。
文章發表時間 : 17/2/2023 11:20
文章最後更新時間 : 17/2/2023 11:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
未講場波之前，其實有兩個觀點想先帶出，首先係車路士能夠由分組賽出線走到黎淘汰賽，個人黎講已經當係超額完成，老實說杜曹被炒前都以為會直接小組出局，至少以當時走勢黎睇如果杜曹仍在任的話唔見得可以出線，誰不知樸達上任後竟然可以做到兼首名，哩一點係有啲意外；第二個觀點就係黎到淘汰賽，面對住哩一刻既多蒙特算係一個幾好既煉金石比到車路士及車迷們了解自己既實力同位置，而今場既結果亦反映出我地係的確未完全準備好喺歐聯戰線可以更進一步什至問鼎冠軍，當然運氣都係因素之一。
樸達依舊沿用4231（可以話442）為陣式藍圖，高列巴尼取代無喺歐聯註冊既巴迪亞舒尼伙拍施華打雙中堅，而捷維爾亦取代近期表現起爭議既古古尼亞為左閘，右閘繼續係列斯占士，中場方面維持上場既雙中場組合，由路夫斯捷克拍安素費南迪斯，而高華錫同薩卡利亞繼續先任後備，至於前線方面蒙特仍留在後備席上，左右兩翼分別係梅迪歷同薛耶治，而夏維斯同祖奧菲歷斯就繼續握守中路區域。
上半場多蒙特稍為佔據主動，喺主場氣勢之下令作客既車路士踢得較為被動，只能透過反擊去製造機會，菲歷斯既兩下埋門當然最令人著目，奈何一炒高一中眉實在欠運，但多蒙特都有唔少起腳機會，藍軍亦喺速率上有啲跟唔到對手，好容易就比主隊打出空間而兩邊球員可以跑到一段，即使回防人數比對方進攻人數多，但都依然比多蒙特得到攻門機會，只能夠講防守抗壓只係做得到但未算做得好。
到下半場車路士既野心就大了，嘗試搶佔主動權，誰不知一下角球攻勢再由攻轉守被對手反擊得手，安素費南迪斯作為last man其實可以做既都已經做盡，但你會見到即使佢既速度都已經算快但對手比佢更快，反映及承接左上一段所講球隊速率跟唔上對手既問題，我地既中前場球員已經算年輕同具活力，但黎到歐聯原來已經被比下去，而多蒙特既兩翼除左速度高之外亦擅於做身體對抗同可以喺前場停到波，戰術效果同狀態都明顯比起我地既梅迪歷及薛耶治優勝。
以整體來說，車路士今場波打出黎既場面唔算差，前場球員既默契同配合都愈見愈好，但始終都未能取得勝仗只能夠講句十分可惜，當然哩下就係我地同對手把握力之間既分野，相信車迷們都經已見慣不怪。
文章發表時間 : 17/2/2023 11:20
文章最後更新時間 : 17/2/2023 11:20
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊