《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
得一分好過失三分，以阿Q精神黎講的確係，但喺今場波見到車路士上下半場既面貌完全唔同，明顯不是以三分作為目標，一分收貨？以咁既陣容黎講車迷們對球隊既表現絕對唔會收貨。
傷兵陸續復出，前中後三線黎講只餘下中場人手短缺，施華同巴迪亞舒尼繼續擔任中堅組合，左右二閘依然都係列斯占士同古古尼亞，而中場方面有養傷已久既路夫斯捷克復出，伙拍安素費南迪斯為雙中場，左翼位繼續係梅迪歷打正選，而祖奧菲歷斯亦停賽復出擔任正選，右路則有上場後備落場表現唔錯既馬杜克，而箭頭繼續有夏維斯。
上半場哩支既車路士可以話相當陌生，節奏明快，掌握住自己既進攻拍子，加上前線多位技術型球員互相套合，都幾主隊既韋斯咸跟唔上速率，藍軍幾下短傳就幾已輕易進入對手心臟地帶，亦睇得出菲歷斯喺球隊哩一刻既重要性，老實說當初對於佢既外借加盟並唔睇好，認為佢喺哩一刻球隊前場混亂既情況下未必會有好既發揮，加上球員既特質亦唔容易運用，估唔到依加佢竟然會喺前場最關鍵一人，作為中場同前場之間既連接，亦可以做到最後一傳或者自己殺入禁區，只要比到球權佢加上身邊有隊友配合就有出色既表現，更重要既係佢個態明顯比其他球員好。
安素既傳送當然出色，實在太耐無見過藍軍中場有哩種穿透性既長傳，講緊現今每支列強班霸都至少有一位中場球員有咁既能力時，車路士真係落後得太多，而失果球亦係個別球員既失誤，右路既馬杜克同占士各自都無睇實入攝既艾馬臣，令佢輕鬆射入，去到下半場形勢更急起逆轉，熟悉既車路士感覺又番左黎，啲波一直妹下妹下推唔到上前，更比韋斯咸反壓返轉頭，而最受壓既定必係由上半場開始一路無乜攻勢既左路。
上場對富咸時都見到古古尼亞同梅迪歷之間無乜連接，講緊前者即使拎住波見到後者有空間都唔會傳比佢，而每當梅迪歷喺左路發動進攻時，上場波古古尼亞係什少後上支援，今場波係有改變但效果並不大，至於防守時問題就更嚴重，哩位西班牙防守球員既單防能力本身都唔係話太出色，喺無人一同協防之下基本上佢一面對一打二局面時就已經輸硬。
至於中場方面想講下路夫斯捷克，按道理佢既表現係要比起蒙特同加拉加兩個兼任優勝，但老實說除左上半場果下右路後上傳中之外，對於佢喺幫到球隊既畫面就真係無乜記憶，反而喺協防同回後追波時大師兄表現出黎既唔積極就更有印象，要不是高華錫、薩卡利亞等中場球員受傷，相信路夫斯捷克所得到既上陣機會都相當少，如果仲唔靠哩一刻好好表現自己，下季就真係係咁先，傷病可以係狀態唔好既原因，但亦因為傷病太多每當球隊需要你時都用唔到你，咁都可有可無有咩分別。
最後想講樸達，已經連續失分多場，尤其係冬季轉會窗過後近哩兩場波對富咸同韋斯咸都相繼失分，而今場波其實都係最大機會拎足三分，但唔理解球隊究竟發生咩事上下半場既表現會走樣走得咁西利，還是真係以一分收貨為目標，每次失利過後佢喺賽後記招都係講番類似既說話，其實都無乜太大意義，而臨場部署亦令人難以理解，同時換走梅迪歷同馬杜克換入蒙特以及薛耶治，兩條邊路更加由得到零星機會變成一潭死水，而喺仲有一個換人名額之下都無換入到科芬拿或者卓禾美卡入黎博下，又係咩套路黎？
本身個陣容都已經夠龐大，都唔善用晒所有換人名額，別忘記近哩兩場波保利等班主都有入場觀戰，成績上都無乜太大改善，咁佢地下一個可以做到既改變又會係啲咩？
文章發表時間 : 13/2/2023 10:35
文章最後更新時間 : 13/2/2023 10:35
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
得一分好過失三分，以阿Q精神黎講的確係，但喺今場波見到車路士上下半場既面貌完全唔同，明顯不是以三分作為目標，一分收貨？以咁既陣容黎講車迷們對球隊既表現絕對唔會收貨。
傷兵陸續復出，前中後三線黎講只餘下中場人手短缺，施華同巴迪亞舒尼繼續擔任中堅組合，左右二閘依然都係列斯占士同古古尼亞，而中場方面有養傷已久既路夫斯捷克復出，伙拍安素費南迪斯為雙中場，左翼位繼續係梅迪歷打正選，而祖奧菲歷斯亦停賽復出擔任正選，右路則有上場後備落場表現唔錯既馬杜克，而箭頭繼續有夏維斯。
上半場哩支既車路士可以話相當陌生，節奏明快，掌握住自己既進攻拍子，加上前線多位技術型球員互相套合，都幾主隊既韋斯咸跟唔上速率，藍軍幾下短傳就幾已輕易進入對手心臟地帶，亦睇得出菲歷斯喺球隊哩一刻既重要性，老實說當初對於佢既外借加盟並唔睇好，認為佢喺哩一刻球隊前場混亂既情況下未必會有好既發揮，加上球員既特質亦唔容易運用，估唔到依加佢竟然會喺前場最關鍵一人，作為中場同前場之間既連接，亦可以做到最後一傳或者自己殺入禁區，只要比到球權佢加上身邊有隊友配合就有出色既表現，更重要既係佢個態明顯比其他球員好。
安素既傳送當然出色，實在太耐無見過藍軍中場有哩種穿透性既長傳，講緊現今每支列強班霸都至少有一位中場球員有咁既能力時，車路士真係落後得太多，而失果球亦係個別球員既失誤，右路既馬杜克同占士各自都無睇實入攝既艾馬臣，令佢輕鬆射入，去到下半場形勢更急起逆轉，熟悉既車路士感覺又番左黎，啲波一直妹下妹下推唔到上前，更比韋斯咸反壓返轉頭，而最受壓既定必係由上半場開始一路無乜攻勢既左路。
上場對富咸時都見到古古尼亞同梅迪歷之間無乜連接，講緊前者即使拎住波見到後者有空間都唔會傳比佢，而每當梅迪歷喺左路發動進攻時，上場波古古尼亞係什少後上支援，今場波係有改變但效果並不大，至於防守時問題就更嚴重，哩位西班牙防守球員既單防能力本身都唔係話太出色，喺無人一同協防之下基本上佢一面對一打二局面時就已經輸硬。
至於中場方面想講下路夫斯捷克，按道理佢既表現係要比起蒙特同加拉加兩個兼任優勝，但老實說除左上半場果下右路後上傳中之外，對於佢喺幫到球隊既畫面就真係無乜記憶，反而喺協防同回後追波時大師兄表現出黎既唔積極就更有印象，要不是高華錫、薩卡利亞等中場球員受傷，相信路夫斯捷克所得到既上陣機會都相當少，如果仲唔靠哩一刻好好表現自己，下季就真係係咁先，傷病可以係狀態唔好既原因，但亦因為傷病太多每當球隊需要你時都用唔到你，咁都可有可無有咩分別。
最後想講樸達，已經連續失分多場，尤其係冬季轉會窗過後近哩兩場波對富咸同韋斯咸都相繼失分，而今場波其實都係最大機會拎足三分，但唔理解球隊究竟發生咩事上下半場既表現會走樣走得咁西利，還是真係以一分收貨為目標，每次失利過後佢喺賽後記招都係講番類似既說話，其實都無乜太大意義，而臨場部署亦令人難以理解，同時換走梅迪歷同馬杜克換入蒙特以及薛耶治，兩條邊路更加由得到零星機會變成一潭死水，而喺仲有一個換人名額之下都無換入到科芬拿或者卓禾美卡入黎博下，又係咩套路黎？
本身個陣容都已經夠龐大，都唔善用晒所有換人名額，別忘記近哩兩場波保利等班主都有入場觀戰，成績上都無乜太大改善，咁佢地下一個可以做到既改變又會係啲咩？
文章發表時間 : 13/2/2023 10:35
文章最後更新時間 : 13/2/2023 10:35
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊