《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
敢相信唔少非車路士球迷都已經忘記左普利錫既存在，哩位藍軍十號自八月中開始受傷直到早前歐聯作客馬模既賽事先至復出，今季至今只為球隊喺聯賽正選上陣過一場咁多，其實普利錫登陸史丹福橋以黎傷患都一直斷斷續續，每當傷癒復出開始上力打番幾場好波就又會再傷過咁無限輪迴，喺依加車路士攻擊線充滿各大好手之下，其實普利錫既處境未必係想像中咁穩陣。
當日以夏薩特接任人之名黎到史丹福橋，經歷一個賽季後正式承繼十號球衣，普利錫既表現可以話有目共睹，論盤球突破還是反擊銳利度，佢都可以話係陣中最首屈一指既一個，背住對手接應後轉身高速持球推進、由左邊線推大位入中路抽射以及推左走右繼而突破等畫面時常出現，更重要既係佢有能力自己完成埋最後一步將個波放入網，整套動作一氣呵成，如果單計以上特質利錫絕對有力於任何一隊列強穩佔正選一席位，但佢既競爭對手從來都唔係隊友抑或自己，而係「傷患」。
脆弱既體質令到佢基本一個賽季有至少四份一既賽程唔能夠上陣，短則缺陣一至兩場，長則就座底連續五場賽事或以上，而有近半係黎自球隊操練時或者賽場上自己整傷，哩啲大大小小既傷患亦好多時都會喺佢狀態最好既時候出現，每當一上力打到幾場好波有亮眼表現時就會受傷，感覺好似循環不息咁，至於今次由八月到依加既傷患就係黎自普利錫為美國國家隊上陣時所致的，同時佢近日都有再次入選黎緊既國家隊名單之中，杜曹亦有表示希望美國國家隊能夠觀察普利錫既表現避免過度選用，真係祈求佢唔好再一次喺國際賽傷過。
而睇番車路士既攻擊線，可以話集合左唔同元素既能手喺度，杜曹喺普利錫缺陣哩段時間選用雲拿同蒙特擔任左右翼鋒居多，即使哩兩位球員同時受傷亦都仲有薛耶治同奧度爾替代，就連巴克利都得到過正選機會，如果人腳齊整的話其實必定有球員係連後備名單都入選唔到，雖則普利錫喺能力上定必位於排序前列，但傷患持續的話其實都幾影響到球隊既發展，無論幾咁好波都好上唔到場就真係講咩都無用，哩一點係無容置疑的。
希望普利錫能夠真真正正成為史丹福橋的「美國隊長」。
文章發表時間 : 19/11/2021 12:30
文章最後更新時間 : 19/11/2021 12:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
敢相信唔少非車路士球迷都已經忘記左普利錫既存在，哩位藍軍十號自八月中開始受傷直到早前歐聯作客馬模既賽事先至復出，今季至今只為球隊喺聯賽正選上陣過一場咁多，其實普利錫登陸史丹福橋以黎傷患都一直斷斷續續，每當傷癒復出開始上力打番幾場好波就又會再傷過咁無限輪迴，喺依加車路士攻擊線充滿各大好手之下，其實普利錫既處境未必係想像中咁穩陣。
當日以夏薩特接任人之名黎到史丹福橋，經歷一個賽季後正式承繼十號球衣，普利錫既表現可以話有目共睹，論盤球突破還是反擊銳利度，佢都可以話係陣中最首屈一指既一個，背住對手接應後轉身高速持球推進、由左邊線推大位入中路抽射以及推左走右繼而突破等畫面時常出現，更重要既係佢有能力自己完成埋最後一步將個波放入網，整套動作一氣呵成，如果單計以上特質利錫絕對有力於任何一隊列強穩佔正選一席位，但佢既競爭對手從來都唔係隊友抑或自己，而係「傷患」。
脆弱既體質令到佢基本一個賽季有至少四份一既賽程唔能夠上陣，短則缺陣一至兩場，長則就座底連續五場賽事或以上，而有近半係黎自球隊操練時或者賽場上自己整傷，哩啲大大小小既傷患亦好多時都會喺佢狀態最好既時候出現，每當一上力打到幾場好波有亮眼表現時就會受傷，感覺好似循環不息咁，至於今次由八月到依加既傷患就係黎自普利錫為美國國家隊上陣時所致的，同時佢近日都有再次入選黎緊既國家隊名單之中，杜曹亦有表示希望美國國家隊能夠觀察普利錫既表現避免過度選用，真係祈求佢唔好再一次喺國際賽傷過。
而睇番車路士既攻擊線，可以話集合左唔同元素既能手喺度，杜曹喺普利錫缺陣哩段時間選用雲拿同蒙特擔任左右翼鋒居多，即使哩兩位球員同時受傷亦都仲有薛耶治同奧度爾替代，就連巴克利都得到過正選機會，如果人腳齊整的話其實必定有球員係連後備名單都入選唔到，雖則普利錫喺能力上定必位於排序前列，但傷患持續的話其實都幾影響到球隊既發展，無論幾咁好波都好上唔到場就真係講咩都無用，哩一點係無容置疑的。
希望普利錫能夠真真正正成為史丹福橋的「美國隊長」。
文章發表時間 : 19/11/2021 12:30
文章最後更新時間 : 19/11/2021 12:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊