《原創文章 歡迎轉載 請列明出處 謝謝》
-請支持藍獅 Facebook專頁-
心態決定境界，哩句看似簡單，但實際做起上黎其實並唔容易，一名年近三十三歳既翼鋒球員仲能夠喺英超賽場上滿場飛，感覺上年齡對於佢黎講就只係一個數字，心境上就好似同一啲二十出頭既後生仔一樣無變，落得場就會博盡百二分力，就好似有用唔完既氣力咁，有一種敬業樂業既精神，叫柏度。
當日選擇離開魯營尋求新挑戰，隻身黎到英超登陸史丹福橋，柏度一貫「少說話 多做事」作風，場外絕少花邊新聞，而場內用表現說服球迷，無論係摩連奴、希汀克、干地定係沙利既時代，柏度都一直係各個領隊手上既常用人選，尤其喺干地首季奪英超冠軍時期哩位西班牙翼鋒可以話係隊中既無名英雄，交出聯賽9個入球10個助攻既亮眼成績，亦令佢繼世界盃、歐國盃以及歐聯後奪得人生中第一個英超冠軍，以及喺沙利執教時期贏得歐霸盃冠軍，再為佢滿滿既奬牌櫃再增添奬項，可以話成為球壇入面其中一位人生贏家。
而今季自林伯特執教後，柏度喺藍橋既上半季過得並無以往咁順利，斷斷續續既個人傷患開始浮現，加上林伯特以年輕人為隊中核心，令佢既上陣時間比以往大大縮減，而喺季中轉會窗更一度傳出「回家」返返去巴塞度踢，最終未有成事，以柏度依加既能力同狀態，其實對於一啲西甲球會以至美職等聯賽都依然應付有餘，絕對不愁無下家，不過佢同基奧特一樣無因為嘗試離隊而作出罷操等缺乏職業球員素質等行為，繼續保持一貫專業態度專心操練，絕對係年輕球員既榜樣。
正喺哩個時候，車路士開始受到傷患潮所困擾，翼鋒位置上好似奧岱、佩利錫哩啲林伯特較倚重既球員同時受傷，柏度亦開始受到重用，與基奧特以及韋利安組成「大師兄」前線，而柏度得到接連既賽事推動下狀態亦愈見愈好，尤其喺上場對愛華頓既賽事之中可以話有超水準表現，全場積極跑動，多次埋身迫搶，再加上出色既盤球技巧同射術可以話為前藍軍主帥安察洛堤所帶領既拖肥糖防線帶領災難性惡夢。
而柏度哩啲「老波骨」類型球員出自於魯營既技術流，波底絕對有番咁上下，即使年齡增長亦只會減弱左佢既爆發力同速度，喺盤球同運波能力方面唔會有太大影響，只要操番好個狀態其實依然仲係一名相當具級數既球員，對於依加哩支以年輕為主既車路士黎講柏度既經驗同能力無疑能夠以身作則成為一眾小將既榜樣。
柏度既合約將於季尾結束，個人認為佢同韋利安兩者之間至少需要保留其一，雖然暫時未有有關球會會同柏度續約既消息，不過後者與球會一直在新合約既年期上爭持不下，如果巴西人最終選擇離隊的話，相信球會願意與柏度繼續以短約方式續約，始終西班牙人經已用行動証明自己既能力，年齡對於佢黎講就只係一個數字，心態上柏度依然年輕。
文章發表時間 : 09/03/2019 12:15
文章最後更新時間 :09/03/2019 12:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
心態決定境界，哩句看似簡單，但實際做起上黎其實並唔容易，一名年近三十三歳既翼鋒球員仲能夠喺英超賽場上滿場飛，感覺上年齡對於佢黎講就只係一個數字，心境上就好似同一啲二十出頭既後生仔一樣無變，落得場就會博盡百二分力，就好似有用唔完既氣力咁，有一種敬業樂業既精神，叫柏度。
當日選擇離開魯營尋求新挑戰，隻身黎到英超登陸史丹福橋，柏度一貫「少說話 多做事」作風，場外絕少花邊新聞，而場內用表現說服球迷，無論係摩連奴、希汀克、干地定係沙利既時代，柏度都一直係各個領隊手上既常用人選，尤其喺干地首季奪英超冠軍時期哩位西班牙翼鋒可以話係隊中既無名英雄，交出聯賽9個入球10個助攻既亮眼成績，亦令佢繼世界盃、歐國盃以及歐聯後奪得人生中第一個英超冠軍，以及喺沙利執教時期贏得歐霸盃冠軍，再為佢滿滿既奬牌櫃再增添奬項，可以話成為球壇入面其中一位人生贏家。
而今季自林伯特執教後，柏度喺藍橋既上半季過得並無以往咁順利，斷斷續續既個人傷患開始浮現，加上林伯特以年輕人為隊中核心，令佢既上陣時間比以往大大縮減，而喺季中轉會窗更一度傳出「回家」返返去巴塞度踢，最終未有成事，以柏度依加既能力同狀態，其實對於一啲西甲球會以至美職等聯賽都依然應付有餘，絕對不愁無下家，不過佢同基奧特一樣無因為嘗試離隊而作出罷操等缺乏職業球員素質等行為，繼續保持一貫專業態度專心操練，絕對係年輕球員既榜樣。
正喺哩個時候，車路士開始受到傷患潮所困擾，翼鋒位置上好似奧岱、佩利錫哩啲林伯特較倚重既球員同時受傷，柏度亦開始受到重用，與基奧特以及韋利安組成「大師兄」前線，而柏度得到接連既賽事推動下狀態亦愈見愈好，尤其喺上場對愛華頓既賽事之中可以話有超水準表現，全場積極跑動，多次埋身迫搶，再加上出色既盤球技巧同射術可以話為前藍軍主帥安察洛堤所帶領既拖肥糖防線帶領災難性惡夢。
而柏度哩啲「老波骨」類型球員出自於魯營既技術流，波底絕對有番咁上下，即使年齡增長亦只會減弱左佢既爆發力同速度，喺盤球同運波能力方面唔會有太大影響，只要操番好個狀態其實依然仲係一名相當具級數既球員，對於依加哩支以年輕為主既車路士黎講柏度既經驗同能力無疑能夠以身作則成為一眾小將既榜樣。
柏度既合約將於季尾結束，個人認為佢同韋利安兩者之間至少需要保留其一，雖然暫時未有有關球會會同柏度續約既消息，不過後者與球會一直在新合約既年期上爭持不下，如果巴西人最終選擇離隊的話，相信球會願意與柏度繼續以短約方式續約，始終西班牙人經已用行動証明自己既能力，年齡對於佢黎講就只係一個數字，心態上柏度依然年輕。
文章發表時間 : 09/03/2019 12:15
文章最後更新時間 :09/03/2019 12:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊