《原創文章 歡迎轉載 請列明出處 謝謝》
-請支持藍獅 Facebook專頁-
其實都幾肯定真禾特既球員生涯經已告終，「飲水哥」自加盟車路士後可以話頭頭碰著黑，除左初期都叫做干地肯用過佢一排之外，遭遇沙利既無視，而外借般尼時表現亦未如理想，加上場外操守問題被人打傷，以為有維拉收留情況會得以好轉，點知依加又同隊友祖達（Jota）喺訓練時起衝突，而維拉方面亦正考慮終止其租借合約提早完結，咁既情況仲會有可能搵到下家收留？
真禾特喺李斯特城打出名堂，除左因為個名夠特別之外，伙拍簡迪等人成為球會勇奪英超既成就可以話「有今生無來世」，隨後隊友亦開始被各路豪門相中，簡迪轉投車路士後亦再次獲得英超冠軍，而馬列斯亦被曼城收購，正喺哩個時候車路士伸出收購之手，比著你係球員會唔會放過哩個機會？真禾特選擇一嘗豪門滋味。
當時藍軍其實喺缺乏英人之下，亂石投林式喺轉會窗最後時刻收購真禾特，「飲水哥」並非時任主帥干地所希望收購既人選黎，但無可奈何之下哩位意大利領隊亦要迫住用，一改真禾特過往既場上作風，嘗試將佢定位成一位Box-to-box既中場球員，但效果並唔理想，同球隊風格格格不入，再因踢法既損耗而令到真禾特出現斷斷續續既傷患，令佢之後既出場時間亦開始步步減少。
連干地都用唔掂，真係莫講話沙利，干地離開史丹福橋後就到沙利接手，同樣為意大利人但沙利比起干地有著另一種固執，而真禾特亦明顯地唔係佢心目中果類型既球員黎，當時其實有唔少英超中下游球會有向藍軍提出租借請求，但一一都因為薪金問題最終不了了之，12萬鎊週薪對於其他球會黎講並非容易負擔既事，就算減半都唔係平，更何況當時車路士係一心想有咁少比咁少，點會有其他球會肯so你，最終真禾特就白白逗住高薪唔洗踢咁過左一個球季。
而林伯特上任後亦無選擇到用佢，不過今次終於有球會成功同真禾特達成協議，般尼會租用哩位英格蘭中場半個球季，由於球員都經已有接近一整季時間無參與過正式比賽，所以當時般尼領隊戴治先為真禾特安排於預備組賽事中上陣，希望能夠提升狀態，但正喺哩個時候球員於因場外操守問題被人打傷，被球會雪藏至租借期完結，季中又再要車路士幫佢搵下家，哩個時候維拉願意接手，同樣地提出租借半個球季，其實真禾特初到維拉時都有出場機會，正以為能夠踢得番波時依加又同隊友起衝突打傷人，真係唔知講咩好。
紀律對於職員球員黎講可以話比能力同狀態更為重要，幾肯定黎緊要繼續幫真禾特搵下家，而同時亦都幾肯定各間球會見到佢喺般尼同維拉既情況而將球員排除於外，當日真禾特同車路士簽下五年合約，短短三年都經已見証住「飲水哥」真真正正變成為一件「水貨」，仲有哩兩年可以點捱落去？
文章發表時間 : 12/03/2020 11:45
文章最後更新時間 : 12/03/2020 11:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
其實都幾肯定真禾特既球員生涯經已告終，「飲水哥」自加盟車路士後可以話頭頭碰著黑，除左初期都叫做干地肯用過佢一排之外，遭遇沙利既無視，而外借般尼時表現亦未如理想，加上場外操守問題被人打傷，以為有維拉收留情況會得以好轉，點知依加又同隊友祖達（Jota）喺訓練時起衝突，而維拉方面亦正考慮終止其租借合約提早完結，咁既情況仲會有可能搵到下家收留？
真禾特喺李斯特城打出名堂，除左因為個名夠特別之外，伙拍簡迪等人成為球會勇奪英超既成就可以話「有今生無來世」，隨後隊友亦開始被各路豪門相中，簡迪轉投車路士後亦再次獲得英超冠軍，而馬列斯亦被曼城收購，正喺哩個時候車路士伸出收購之手，比著你係球員會唔會放過哩個機會？真禾特選擇一嘗豪門滋味。
當時藍軍其實喺缺乏英人之下，亂石投林式喺轉會窗最後時刻收購真禾特，「飲水哥」並非時任主帥干地所希望收購既人選黎，但無可奈何之下哩位意大利領隊亦要迫住用，一改真禾特過往既場上作風，嘗試將佢定位成一位Box-to-box既中場球員，但效果並唔理想，同球隊風格格格不入，再因踢法既損耗而令到真禾特出現斷斷續續既傷患，令佢之後既出場時間亦開始步步減少。
連干地都用唔掂，真係莫講話沙利，干地離開史丹福橋後就到沙利接手，同樣為意大利人但沙利比起干地有著另一種固執，而真禾特亦明顯地唔係佢心目中果類型既球員黎，當時其實有唔少英超中下游球會有向藍軍提出租借請求，但一一都因為薪金問題最終不了了之，12萬鎊週薪對於其他球會黎講並非容易負擔既事，就算減半都唔係平，更何況當時車路士係一心想有咁少比咁少，點會有其他球會肯so你，最終真禾特就白白逗住高薪唔洗踢咁過左一個球季。
而林伯特上任後亦無選擇到用佢，不過今次終於有球會成功同真禾特達成協議，般尼會租用哩位英格蘭中場半個球季，由於球員都經已有接近一整季時間無參與過正式比賽，所以當時般尼領隊戴治先為真禾特安排於預備組賽事中上陣，希望能夠提升狀態，但正喺哩個時候球員於因場外操守問題被人打傷，被球會雪藏至租借期完結，季中又再要車路士幫佢搵下家，哩個時候維拉願意接手，同樣地提出租借半個球季，其實真禾特初到維拉時都有出場機會，正以為能夠踢得番波時依加又同隊友起衝突打傷人，真係唔知講咩好。
紀律對於職員球員黎講可以話比能力同狀態更為重要，幾肯定黎緊要繼續幫真禾特搵下家，而同時亦都幾肯定各間球會見到佢喺般尼同維拉既情況而將球員排除於外，當日真禾特同車路士簽下五年合約，短短三年都經已見証住「飲水哥」真真正正變成為一件「水貨」，仲有哩兩年可以點捱落去？
文章發表時間 : 12/03/2020 11:45
文章最後更新時間 : 12/03/2020 11:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊