《原創文章 歡迎轉載 請列明出處 謝謝》
-請支持藍獅 Facebook專頁-
雖然英超轉會窗早已完結，但其他聯賽球隊仍然可以繼續轉會操作，而羅馬近日亦宣佈以借用形式將車路士閘位球員薩柏哥斯達收歸旗下，借用期為半季，而當中亦有延期條款，意味著藍軍依加可用既右閘球員就只係淨番艾斯派古達一個，其實仲有另一名可以勝任右閘既球員不過先岩岩復操，果個人就係今集主角 - 尼爾斯占士。
哩位年輕小將係土生土長既倫敦人，出生於倫敦既佢自六歲起就加入車路士青年軍梯隊接受訓練，一直晉升至十八歲後就正式簽下職業球員合同，其後更為U19青年軍奪得應屆英格蘭足總青年盃（FA Youth Cup）冠軍，直到上季球會為左令佢有進一步成長機會，安排左尼爾斯占士外借到英冠球隊韋根，希望佢能夠喺擁有穩定上陣時間之下嘗試喺次一級既聯賽先作磨練，果然得出效果亦相當顯注。
尼爾斯占士過去哩一季喺韋根既表現可以話十分理想，季後被選為隊中年度最佳球員以及年度球會最佳陣容一員，對於第一次參與比起青年軍比賽更高水平既英冠黎講，哩位年輕人交出既成績亦都非常可觀，主要打右閘既佢全季交出三入球三助攻，如果前線隊友把握力能夠更進一步的話，相信助攻數字會可以再作提升，同時間哩位英格蘭小將亦能夠以防守中場或中堅身份上陣，位置上既多面性能夠比到主帥有更大既調動空間。
既然打得到三個位置，自然喺能力上亦都係一個相當全面既球員，尼爾斯占士擁有過往閘位球員所缺少既視野同大局觀，唔單止傳球落點準確，更加能夠喺適當位置同時機現位接應，而且好識善用自己既身體優勢，腳下技術不俗再加上下盤穩令對手亦唔能夠輕易咁搶到佢波，所以喺韋根效力期間都唔難見到佢一個單打獨鬥幾個而全身而退既畫面，當然英冠質素同英超之間仍有一段距離，不過外界對於尼爾斯占士既未來都一致係正面評價。
篇幅過多，所以未有為佢同艾斯派古達兩位喺球員特質上作比較，但相信只要堅持循序漸進既模式運行，尼爾斯占士將來必定能夠按步就班地與西班牙人喺右閘位置上無縫接軌，大家拭目以待吧！
文章發表時間 : 24/08/2019 12:20
文章最後更新時間 : 24/08/2019 12:20
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
雖然英超轉會窗早已完結，但其他聯賽球隊仍然可以繼續轉會操作，而羅馬近日亦宣佈以借用形式將車路士閘位球員薩柏哥斯達收歸旗下，借用期為半季，而當中亦有延期條款，意味著藍軍依加可用既右閘球員就只係淨番艾斯派古達一個，其實仲有另一名可以勝任右閘既球員不過先岩岩復操，果個人就係今集主角 - 尼爾斯占士。
哩位年輕小將係土生土長既倫敦人，出生於倫敦既佢自六歲起就加入車路士青年軍梯隊接受訓練，一直晉升至十八歲後就正式簽下職業球員合同，其後更為U19青年軍奪得應屆英格蘭足總青年盃（FA Youth Cup）冠軍，直到上季球會為左令佢有進一步成長機會，安排左尼爾斯占士外借到英冠球隊韋根，希望佢能夠喺擁有穩定上陣時間之下嘗試喺次一級既聯賽先作磨練，果然得出效果亦相當顯注。
尼爾斯占士過去哩一季喺韋根既表現可以話十分理想，季後被選為隊中年度最佳球員以及年度球會最佳陣容一員，對於第一次參與比起青年軍比賽更高水平既英冠黎講，哩位年輕人交出既成績亦都非常可觀，主要打右閘既佢全季交出三入球三助攻，如果前線隊友把握力能夠更進一步的話，相信助攻數字會可以再作提升，同時間哩位英格蘭小將亦能夠以防守中場或中堅身份上陣，位置上既多面性能夠比到主帥有更大既調動空間。
既然打得到三個位置，自然喺能力上亦都係一個相當全面既球員，尼爾斯占士擁有過往閘位球員所缺少既視野同大局觀，唔單止傳球落點準確，更加能夠喺適當位置同時機現位接應，而且好識善用自己既身體優勢，腳下技術不俗再加上下盤穩令對手亦唔能夠輕易咁搶到佢波，所以喺韋根效力期間都唔難見到佢一個單打獨鬥幾個而全身而退既畫面，當然英冠質素同英超之間仍有一段距離，不過外界對於尼爾斯占士既未來都一致係正面評價。
篇幅過多，所以未有為佢同艾斯派古達兩位喺球員特質上作比較，但相信只要堅持循序漸進既模式運行，尼爾斯占士將來必定能夠按步就班地與西班牙人喺右閘位置上無縫接軌，大家拭目以待吧！
文章發表時間 : 24/08/2019 12:20
文章最後更新時間 : 24/08/2019 12:20
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊