《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
車路士又輸一場，經已成為車迷們近期的日常，睇番比賽進程其實都只能苦笑，薩卡利亞傷出無耐就到菲歷斯領紅，感覺就好似全世界都正在迫害車路士同樸達一樣，當然一切都只係幻想，而事實係我地又失三分。
相比起上兩場對曼城既賽前陣容，樸達今場同時安排左三名中堅上陣，由右至左分別係查路士、施華以及高列巴尼，新加盟既巴迪亞舒繼續喺後備席上，而小將賀爾繼上場足總盃後再一次得到正選機會，同艾斯派古達任左右翼衛，雙中場方面由薩卡利亞搭高華錫，至於前場就由蒙特以及夏維斯，配合剛外借加盟及時註冊既菲歷斯作三攻堅，樸達擺出一個343陣式明顯希望先求穩守，但如意算盤實在無法打響。
三中堅被無令車路士得到好大控球優勢，而富咸亦無刻意縮後黎打，明顯知道藍軍近期勢頭差加上主場優勢，更加樂意同你硬拼，幾下邊路配合同後上都成功將個波長傳到藍軍核心地段，都製造到危險畫面出現，而查路巴亦發揮出一貫表現，偶有甩漏地令對手能夠喺右路打破缺口，而第一球失波就只能說佢運氣欠佳，比人射穿大細改變方向入網。
其實車路士所製造到出黎既攻門機會可以話相當之多，但一如以往地無法好穩妥地將個波放入網，菲歷斯喺紅牌前所為球隊前場帶黎質量既提升可以話係有目共睹，幾下同夏維斯既配合都有化學反應，亦好擅於同其他隊友做短傳組織，都製造到射門機會，可惜角度太正都被利奴撲出，希望紅牌並無打擊到佢既信心，講緊係攻門既信心唔係落腳攔截方面。
反而想講下基柏近期既表現，自上一場聯賽一下出迎縮手後今場波再一次出現個人失誤，接應接中波選擇出迎但判斷失誤被對手輕鬆頂入，一向佢喺面對高波時都唔係比到人太大信心，始終佢無乜高空優勢哩一點大家都明白，但喺判斷上就真係要下多啲苦功，近期既表現都見到佢信心受到打擊，你選擇得出黎就一定要出手，至於有球迷話文迪哩方面比基柏出色，先唔講前者仍處於養傷階段，但老實說佢自己由上年年頭非洲盃過後都唔係好得幾多，蝦碌鏡頭什至出現得更多。
兩分鐘內接連出現薩卡利亞受傷加上菲歷斯領紅牌，實在無法用科學角度去解釋哩個原因，喺未有新中場加盟前難得搵到一個比較理想既組合，但去到下場又要拎番佐真奴出黎做箭靶都真係無言以對，係咪要望到新年後車路士先可以轉運？
文章發表時間 : 13/1/2023 17:30
文章最後更新時間 : 13/1/2023 17:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
車路士又輸一場，經已成為車迷們近期的日常，睇番比賽進程其實都只能苦笑，薩卡利亞傷出無耐就到菲歷斯領紅，感覺就好似全世界都正在迫害車路士同樸達一樣，當然一切都只係幻想，而事實係我地又失三分。
相比起上兩場對曼城既賽前陣容，樸達今場同時安排左三名中堅上陣，由右至左分別係查路士、施華以及高列巴尼，新加盟既巴迪亞舒繼續喺後備席上，而小將賀爾繼上場足總盃後再一次得到正選機會，同艾斯派古達任左右翼衛，雙中場方面由薩卡利亞搭高華錫，至於前場就由蒙特以及夏維斯，配合剛外借加盟及時註冊既菲歷斯作三攻堅，樸達擺出一個343陣式明顯希望先求穩守，但如意算盤實在無法打響。
三中堅被無令車路士得到好大控球優勢，而富咸亦無刻意縮後黎打，明顯知道藍軍近期勢頭差加上主場優勢，更加樂意同你硬拼，幾下邊路配合同後上都成功將個波長傳到藍軍核心地段，都製造到危險畫面出現，而查路巴亦發揮出一貫表現，偶有甩漏地令對手能夠喺右路打破缺口，而第一球失波就只能說佢運氣欠佳，比人射穿大細改變方向入網。
其實車路士所製造到出黎既攻門機會可以話相當之多，但一如以往地無法好穩妥地將個波放入網，菲歷斯喺紅牌前所為球隊前場帶黎質量既提升可以話係有目共睹，幾下同夏維斯既配合都有化學反應，亦好擅於同其他隊友做短傳組織，都製造到射門機會，可惜角度太正都被利奴撲出，希望紅牌並無打擊到佢既信心，講緊係攻門既信心唔係落腳攔截方面。
反而想講下基柏近期既表現，自上一場聯賽一下出迎縮手後今場波再一次出現個人失誤，接應接中波選擇出迎但判斷失誤被對手輕鬆頂入，一向佢喺面對高波時都唔係比到人太大信心，始終佢無乜高空優勢哩一點大家都明白，但喺判斷上就真係要下多啲苦功，近期既表現都見到佢信心受到打擊，你選擇得出黎就一定要出手，至於有球迷話文迪哩方面比基柏出色，先唔講前者仍處於養傷階段，但老實說佢自己由上年年頭非洲盃過後都唔係好得幾多，蝦碌鏡頭什至出現得更多。
兩分鐘內接連出現薩卡利亞受傷加上菲歷斯領紅牌，實在無法用科學角度去解釋哩個原因，喺未有新中場加盟前難得搵到一個比較理想既組合，但去到下場又要拎番佐真奴出黎做箭靶都真係無言以對，係咪要望到新年後車路士先可以轉運？
文章發表時間 : 13/1/2023 17:30
文章最後更新時間 : 13/1/2023 17:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊