《原創文章 歡迎轉載 請列明出處 謝謝》
-請支持藍獅 Facebook專頁-
按近期走勢，再睇番個賽果，的確係有啲令人大跌眼鏡既感覺，車路士近排走勢起伏不定，加上唔少傷兵以及佐真奴停賽，一睇個後備名單就知道林伯特既手可調動既人手相當有限，反觀愛華頓自安察洛堤領軍後表現開始回穩，上場更賽和曼聯，今場大敗難免會喺士氣上受到一大打擊。
沒有選擇就是最好選擇，當然唔係指本身正選而受傷果班球員唔好，而係喺人腳配置上無太多選擇，林伯特可以更專心一意在調控戰術上既細節，前線三位繼續源用三位「大師兄」韋利安、基奧特、柏度，中場方面新增高華錫受傷，唯有用蒙特、巴克利同時上場，再搭檔上場對利物浦時表現唔錯既18歲年輕小將基爾摩亞為三中場，而左右兩閘依然都係馬高斯阿朗素同艾斯派古達，艾馬臣依然不見蹤影，至於中堅組合就由魯迪加配合上季借過去愛華頓既蘇馬，而基柏亦按預料復任聯賽正選，而後備席上亦出現兩位從未見過既面孔Faustino Anjorin同Armando Broja，兩位同樣18歲既年輕人亦係今季首次被林伯特抽調到英超後備席之中。
限米煮限飯，人就係得咁多，破釜沉舟就只可以用好哩批人腳，林伯特無好似過往咁將蒙特放喺4231既攻中位置，而將佢同另外兩名中場球員並排打一個433陣式，盡可能提升番中場既攻守平衡，而喺防守時就會轉打一個442陣式，兩翼會收到去同中場並排作屏障，巴克利就會上前作哨，與基奧特在前場迫搶。愛華頓開波初段經已非常保守地縮得太後，引致比到大量空間車路士作猜傳，亦令藍軍喺攻守轉換方面做得非常順暢，由於韋利安同柏度兩位經常回後協防，大大削弱左拖肥兩邊既運作能力。
而喺進攻時馬高斯阿朗素同艾斯派古達會壓上拉邊，由於愛華頓縮得比較後既關係，車路士兩閘壓上後明顯做到一個引效果，令柏度同韋利安可以更多空間走入中路位置，而同時蒙特同巴克利就喺禁區邊位置守候，適時前插入禁區助攻，而愛華頓球員今場亦好似無心戀戰咁，前中後三部份喺攻守方面完全好似唔連貫咁，即使安察洛堤經半場調整後出返黎亦未見有太大起息，同上半季喺主場擊敗車路士既果支愛華頓頓時好似變左第二班波咁。
而藍軍今場大勝亦關係到個別球員良好既發揮，基奧特近幾場正選見到作用相當明顯，基柏好幾下長傳落點明顯都係跟住「銀河唯一」黎斬，而韋利安同柏度亦善於拎哩個高點作配合，後者亦喺體能流放方面處理得相當得宜，上季喺沙利帶領時柏度好多時去到七八十分鐘就開始無力，而近兩場反而去到完場前無論喺前場定後場都仲見到佢滿場飛既身影，完全唔似一名已經32歲既翼鋒球員，狀態亦愈打愈好。
至於三中場方面，蒙特兩下勁射入一球終於破入球荒，相信善變既車迷們又會立即對佢改觀，而巴克利今場波喺喝倒采聲不斷之下亦交出唔錯既表現，好幾下穿過對手既左右轉邊高波橫傳亦相當準繩，亦好常與基爾摩亞交流配合，哩位小將亦繼上場對利物浦既足總盃賽事之後再一次奪得賽事最佳球員，各項能力上基爾摩亞經已達到一線水平，只係年輕小將差啲實戰經驗同路數，黎緊累積多啲上陣時間定能再作提升。
不過今場波亦有一名球員既表現比較失望，講緊既就係蘇馬，面對住上季既隊友哩名法國中堅雖然熟路，但同樣對手亦熟悉佢既球路，知道佢轉身慢同抗壓力低，幾下埋身迫都足以令到蘇馬好頭癢，再加上佢喺高波迎頂方面咁多季都無改善過，升起果下無論時機定位置都捕捉得好差，牛高馬大但喺爭頂方面處理得咁差，仲要講緊哩項係中堅必要既能力，何解咁耐都唔搵基奧特指教一下。
人手所限之下減少林伯特在人腳上既取捨，亦令一眾後備同年青球員能夠臨危受命得到出場機會，有危自有機，車路士哩輪既傷患潮令球隊喺哩製造另一生機，對於全隊既成長都可以算話有正面得益，經過舊帥安察洛堤哩關後，下場將會面對另一位傳奇球員，作客有泰利做助教既阿士東維拉。
文章發表時間 : 09/03/2019 12:15
文章最後更新時間 :09/03/2019 12:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
按近期走勢，再睇番個賽果，的確係有啲令人大跌眼鏡既感覺，車路士近排走勢起伏不定，加上唔少傷兵以及佐真奴停賽，一睇個後備名單就知道林伯特既手可調動既人手相當有限，反觀愛華頓自安察洛堤領軍後表現開始回穩，上場更賽和曼聯，今場大敗難免會喺士氣上受到一大打擊。
沒有選擇就是最好選擇，當然唔係指本身正選而受傷果班球員唔好，而係喺人腳配置上無太多選擇，林伯特可以更專心一意在調控戰術上既細節，前線三位繼續源用三位「大師兄」韋利安、基奧特、柏度，中場方面新增高華錫受傷，唯有用蒙特、巴克利同時上場，再搭檔上場對利物浦時表現唔錯既18歲年輕小將基爾摩亞為三中場，而左右兩閘依然都係馬高斯阿朗素同艾斯派古達，艾馬臣依然不見蹤影，至於中堅組合就由魯迪加配合上季借過去愛華頓既蘇馬，而基柏亦按預料復任聯賽正選，而後備席上亦出現兩位從未見過既面孔Faustino Anjorin同Armando Broja，兩位同樣18歲既年輕人亦係今季首次被林伯特抽調到英超後備席之中。
限米煮限飯，人就係得咁多，破釜沉舟就只可以用好哩批人腳，林伯特無好似過往咁將蒙特放喺4231既攻中位置，而將佢同另外兩名中場球員並排打一個433陣式，盡可能提升番中場既攻守平衡，而喺防守時就會轉打一個442陣式，兩翼會收到去同中場並排作屏障，巴克利就會上前作哨，與基奧特在前場迫搶。愛華頓開波初段經已非常保守地縮得太後，引致比到大量空間車路士作猜傳，亦令藍軍喺攻守轉換方面做得非常順暢，由於韋利安同柏度兩位經常回後協防，大大削弱左拖肥兩邊既運作能力。
而喺進攻時馬高斯阿朗素同艾斯派古達會壓上拉邊，由於愛華頓縮得比較後既關係，車路士兩閘壓上後明顯做到一個引效果，令柏度同韋利安可以更多空間走入中路位置，而同時蒙特同巴克利就喺禁區邊位置守候，適時前插入禁區助攻，而愛華頓球員今場亦好似無心戀戰咁，前中後三部份喺攻守方面完全好似唔連貫咁，即使安察洛堤經半場調整後出返黎亦未見有太大起息，同上半季喺主場擊敗車路士既果支愛華頓頓時好似變左第二班波咁。
而藍軍今場大勝亦關係到個別球員良好既發揮，基奧特近幾場正選見到作用相當明顯，基柏好幾下長傳落點明顯都係跟住「銀河唯一」黎斬，而韋利安同柏度亦善於拎哩個高點作配合，後者亦喺體能流放方面處理得相當得宜，上季喺沙利帶領時柏度好多時去到七八十分鐘就開始無力，而近兩場反而去到完場前無論喺前場定後場都仲見到佢滿場飛既身影，完全唔似一名已經32歲既翼鋒球員，狀態亦愈打愈好。
至於三中場方面，蒙特兩下勁射入一球終於破入球荒，相信善變既車迷們又會立即對佢改觀，而巴克利今場波喺喝倒采聲不斷之下亦交出唔錯既表現，好幾下穿過對手既左右轉邊高波橫傳亦相當準繩，亦好常與基爾摩亞交流配合，哩位小將亦繼上場對利物浦既足總盃賽事之後再一次奪得賽事最佳球員，各項能力上基爾摩亞經已達到一線水平，只係年輕小將差啲實戰經驗同路數，黎緊累積多啲上陣時間定能再作提升。
不過今場波亦有一名球員既表現比較失望，講緊既就係蘇馬，面對住上季既隊友哩名法國中堅雖然熟路，但同樣對手亦熟悉佢既球路，知道佢轉身慢同抗壓力低，幾下埋身迫都足以令到蘇馬好頭癢，再加上佢喺高波迎頂方面咁多季都無改善過，升起果下無論時機定位置都捕捉得好差，牛高馬大但喺爭頂方面處理得咁差，仲要講緊哩項係中堅必要既能力，何解咁耐都唔搵基奧特指教一下。
人手所限之下減少林伯特在人腳上既取捨，亦令一眾後備同年青球員能夠臨危受命得到出場機會，有危自有機，車路士哩輪既傷患潮令球隊喺哩製造另一生機，對於全隊既成長都可以算話有正面得益，經過舊帥安察洛堤哩關後，下場將會面對另一位傳奇球員，作客有泰利做助教既阿士東維拉。
文章發表時間 : 09/03/2019 12:15
文章最後更新時間 :09/03/2019 12:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊