開季首仗車路士作客白禮頓以1比3獲勝，比數上睇落似一場大勝，但車路士實際上贏得頗為幸運。
舊有問題依然未解決，左閘防守、傳中對應、基柏、死球防守等等，唔贅述。
舊問題存在同時，新嘅問題亦隨之而來。今場車路士轉用佐真奴加簡迪踢雙中場，放棄上季常用嘅倒三角中場組合，但本場比賽車路士嘅中場明顯被對手壓倒。白禮頓用上三中場，令車路士產生人數劣勢。係重重包圍下，佐真奴同簡迪都無法傳出滲透性傳球，令球隊難以突破中場，只能不斷回傳。而且，由於高華錫嘅缺席，車路士亦欠缺能夠直接從中場推進嘅球員，因此車路士今場比賽嘅中場展開非常緩慢及低效。
係上季常用嘅三中場系統中，確保佐真奴身旁有左右兩名中場球員作傳球目標，以此透過短傳逐漸前移。但雙中場系統非常依賴前場球員回撤要球，否則兩名中場皆難以傳出有效傳球。因此，今場踢10號位嘅路夫斯捷克嘅角色就非常重要，佢嘅任務係擔任前場嘅支點，連接中場同前場，吸引敵人同時嘗試將皮球分到兩邊邊路，可以話係球隊嘅核心位置。但呢位車路士青訓產品今場嘅表現可以話係災難級，不論係現位要波、接球處理、用球選擇等等都做得非常差。上陣61分鐘，只得28次觸球，係正選十一人中最少，當中只得12次成功傳球（成功率67%），12次丟失控球權，3次嘗試盤扭全部失敗。路夫斯捷克嘅劣態令車路士上半場無法組織到有效攻勢，佢更係二打一反擊時傳失球，白白浪費黃金機會。
正至林柏特換入巴克利後，車路士嘅中場先有好轉。係短短29分鐘嘅上陣時間中，巴克利已經錄得同路夫斯捷克一樣嘅觸球次數（28次），19次成功傳球（成功率86%）、2次成功長傳、1次key pass以及1次射門。巴克利能夠係核心位置嘅活躍亦令到夏弗斯、占士等人能夠參與更多進攻，打出咗車路士本場最銳利嘅一段攻勢。
至於金童夏弗斯係今場地標戰則表示平平，進攻上無太大建樹，最令人深刻嘅反而係丟球後瞬即回追到禁區搶斷嘅畫面。不過如此表現亦係可以理解嘅，畢竟佢只係參與咗一星期操練，加上今場給予佢發揮嘅機會亦唔多。係夏弗斯未能融入球隊嘅同時，亦見到車路士球員未習慣夏弗斯嘅用球方式，相信雙方都需要更多時間磨合。
添姆雲拿係前場表現較搶眼嘅一位，全場不停奔跑，嘗試捕捉敵方後衛之間嘅空位，努力link-up其他隊友。雲拿本場贏得一個十二碼，亦係有限嘅機會下為自己製造出5次射門機會，係前場最有威脅嘅球員。
簡迪係球隊轉會雙中場嘅受益者。簡迪不擅於踢三中場，不論6號位定8號位都並非佢嘅最佳位置。踢返雙中場，簡迪能夠重現昔日「覆蓋地球三成」嘅風彩。本場簡迪傳球成功率高達93%，贏得3次Ground duels（100%成功率），交出3次搶斷、6次攔截、1次解圍。有簡迪做中場掃蕩及後防屏障，車路士防線嘅穩健程度直接提升兩級。
占士係個人心目中嘅車路士隊內嘅MOTM。進攻方面，佢射入一球世界波幫助球隊再度超前，其後亦交出一記助攻。此外，占士全場有9次傳中、2次key passes，贏得2次Ground duels（成功率50%）及4次Aerial duels（成功率100%）。防守方面，占士交出2次搶斷、3次攔截、2次解圍及2次射門封阻。占士全場不停跑上跑落，攻守兩方都好稱職，係今場車路士表現較好嘅球員。今場車路士表現稱不上出色，整體嘅傳球質素同集中度都偏低，但球隊亦有唔少正面嘅地方。如果林柏特打算以呢套4-2-3-1作為今季嘅主要陣式的話，仍然有好多問題要解決，好似係中場嘅推進、前場嘅接球等等。當然，5名主要引援中有3名球員仍然未能上陣，再加上高華錫同佩利錫嘅缺陣，今場比賽未必能夠完全呈現林柏特心中嘅戰術效果。但以今場作為藍圖的話，可以預視車路士距離登頂仍然有好遠嘅路途。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
舊有問題依然未解決，左閘防守、傳中對應、基柏、死球防守等等，唔贅述。
舊問題存在同時，新嘅問題亦隨之而來。今場車路士轉用佐真奴加簡迪踢雙中場，放棄上季常用嘅倒三角中場組合，但本場比賽車路士嘅中場明顯被對手壓倒。白禮頓用上三中場，令車路士產生人數劣勢。係重重包圍下，佐真奴同簡迪都無法傳出滲透性傳球，令球隊難以突破中場，只能不斷回傳。而且，由於高華錫嘅缺席，車路士亦欠缺能夠直接從中場推進嘅球員，因此車路士今場比賽嘅中場展開非常緩慢及低效。
係上季常用嘅三中場系統中，確保佐真奴身旁有左右兩名中場球員作傳球目標，以此透過短傳逐漸前移。但雙中場系統非常依賴前場球員回撤要球，否則兩名中場皆難以傳出有效傳球。因此，今場踢10號位嘅路夫斯捷克嘅角色就非常重要，佢嘅任務係擔任前場嘅支點，連接中場同前場，吸引敵人同時嘗試將皮球分到兩邊邊路，可以話係球隊嘅核心位置。但呢位車路士青訓產品今場嘅表現可以話係災難級，不論係現位要波、接球處理、用球選擇等等都做得非常差。上陣61分鐘，只得28次觸球，係正選十一人中最少，當中只得12次成功傳球（成功率67%），12次丟失控球權，3次嘗試盤扭全部失敗。路夫斯捷克嘅劣態令車路士上半場無法組織到有效攻勢，佢更係二打一反擊時傳失球，白白浪費黃金機會。
正至林柏特換入巴克利後，車路士嘅中場先有好轉。係短短29分鐘嘅上陣時間中，巴克利已經錄得同路夫斯捷克一樣嘅觸球次數（28次），19次成功傳球（成功率86%）、2次成功長傳、1次key pass以及1次射門。巴克利能夠係核心位置嘅活躍亦令到夏弗斯、占士等人能夠參與更多進攻，打出咗車路士本場最銳利嘅一段攻勢。
至於金童夏弗斯係今場地標戰則表示平平，進攻上無太大建樹，最令人深刻嘅反而係丟球後瞬即回追到禁區搶斷嘅畫面。不過如此表現亦係可以理解嘅，畢竟佢只係參與咗一星期操練，加上今場給予佢發揮嘅機會亦唔多。係夏弗斯未能融入球隊嘅同時，亦見到車路士球員未習慣夏弗斯嘅用球方式，相信雙方都需要更多時間磨合。
添姆雲拿係前場表現較搶眼嘅一位，全場不停奔跑，嘗試捕捉敵方後衛之間嘅空位，努力link-up其他隊友。雲拿本場贏得一個十二碼，亦係有限嘅機會下為自己製造出5次射門機會，係前場最有威脅嘅球員。
簡迪係球隊轉會雙中場嘅受益者。簡迪不擅於踢三中場，不論6號位定8號位都並非佢嘅最佳位置。踢返雙中場，簡迪能夠重現昔日「覆蓋地球三成」嘅風彩。本場簡迪傳球成功率高達93%，贏得3次Ground duels（100%成功率），交出3次搶斷、6次攔截、1次解圍。有簡迪做中場掃蕩及後防屏障，車路士防線嘅穩健程度直接提升兩級。
占士係個人心目中嘅車路士隊內嘅MOTM。進攻方面，佢射入一球世界波幫助球隊再度超前，其後亦交出一記助攻。此外，占士全場有9次傳中、2次key passes，贏得2次Ground duels（成功率50%）及4次Aerial duels（成功率100%）。防守方面，占士交出2次搶斷、3次攔截、2次解圍及2次射門封阻。占士全場不停跑上跑落，攻守兩方都好稱職，係今場車路士表現較好嘅球員。今場車路士表現稱不上出色，整體嘅傳球質素同集中度都偏低，但球隊亦有唔少正面嘅地方。如果林柏特打算以呢套4-2-3-1作為今季嘅主要陣式的話，仍然有好多問題要解決，好似係中場嘅推進、前場嘅接球等等。當然，5名主要引援中有3名球員仍然未能上陣，再加上高華錫同佩利錫嘅缺陣，今場比賽未必能夠完全呈現林柏特心中嘅戰術效果。但以今場作為藍圖的話，可以預視車路士距離登頂仍然有好遠嘅路途。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
請按此登錄後留言。未成為會員? 立即註冊