經過一個瘋狂嘅轉會窗後，車路士陣容實力大大提升，因此外界對今年車路士嘅成績有好大期望。不過就個人而言，要談成績仍然係言之尚早。係呢到就潑一下冷水，講下新兵帶來嘅隱憂。
首先當然係適應同磨合嘅問題。車路士購入嘅六位球員中，有五個都係必然正選級別，換句話說，即係換咗半隊波走。而當中就只有捷維爾係英超出身，其他球員都係來自其他聯賽，所以對於聯賽嘅適應會需要一段時間。而且今季季前集訓時間短，原本球員之間建立默契嘅機會已經唔多，再加上傷患同隔離嘅關係，5人當中只有添姆雲拿有參加大部份操練（泰亞高因為隔離到而家都仲未練過波），所以可以預料季初隊波會踢得比較亂。
不過以上講嘅都係時間能解決，個人更大嘅憂慮係林柏特如何善用新加盟嘅進攻球員。薛耶治、雲拿、夏弗斯預料會係今季嘅進攻主力，但呢3名球員係位置上皆頗為模糊，而呢類球員通常都需要消耗球隊額外資源。以薛耶治為例，佢嘅最佳位置係右翼，但眾所周知佢並非一名正統翼鋒，而更接近一名mezzala中場。係進攻時薛治習慣從右翼位置拐入half space及zone 14，為慣用嘅左腳展開更廣嘅出球角度。與此同時，薛耶治欠缺翼鋒應有嘅爆破及縱向跑動能力，因此右邊邊路進攻會完全交比右閘負責。當右閘需要兼任右翼嘅進攻任務時，代表右路嘅防守會變得薄弱，然後中場就需要參與更多防守橫移，而中堅又要做更多上搶以彌補中場中空，最後門將亦要隨著整體隊形而向前移動。
雲拿亦有機會出現類似情況。根據早前熱身賽嘅陣式，估計雲拿將會出任正中鋒。雲拿擅長係後衛之間嘅空位前插，捕捉反越位嘅一刻。要發揮雲拿最大效用，就要將佢門向龍門方向，所以可以預料雲拿唔會好似一般中鋒咁參與太多背身任務。故此，球隊就需要用另一個球員擔任前場嘅第一個觸球點，可能係攻中亦可能係前鋒，但無論如何點都係會令球隊減少咗一個出球點，呢個時候中堅嘅用球能力就顯得更重要。
以上講嘅呢點有好有唔好，好嘅係個別位置有額外輸出（e.g.翼鋒嘅額外創造力、前鋒嘅額外縱向跑動），唔好嘅係其他球員需要參加更多工作以彌上述位置嘅缺失。
至於夏弗斯嘅情況就完全相反，佢能夠出任好多位置，包括10號、8號、false9同右翼，但踢得多位置就唔等如每個位置都能夠發揮佢嘅最大效用。通常使用呢類進攻多面手嘅最佳方法就係給予佢地自由度，就好似以前夏薩特同山齊士咁，不限制於位置，盡情發揮佢地係場上能夠做到嘅嘢。但當車路士場上已經有薛耶治、雲拿、佩利錫時，真係好難預料能夠給予夏弗斯幾多自由度。如果將夏弗斯定位為一個8號box-to-box中場的話，又好似會浪費咗佢嘅進攻天賦。
最後就係活動空間嘅問題。如果有睇過heat-map，就會發現夏弗斯同薛耶治、以及雲拿同佩利錫嘅圖表形狀係好接近。佢地4個都係錯腳進攻球員，夏弗斯同薛耶治左腳踢右邊，雲拿同佩利錫右腳踢左邊，佢地都中意從邊路cut in到half space位置，所以係場上嘅活動空間亦好相似。呢一點亦係有好有唔好。好嘅係球員之間能夠互相換位，增加流動性；但夾得唔好就好容易會撞位，互相堵塞空間。
講到尾，以上講嘅都係隱憂，而唔係實際存在嘅問題（防守就係實際問題啦）。對於只有兩季執教經驗嘅林柏特嚟講，擁有一個如此昂貴嘅陣容既係幸運，亦係挑戰。要如何善用及調整呢班進攻球員將會係林柏特本季最大課題。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
首先當然係適應同磨合嘅問題。車路士購入嘅六位球員中，有五個都係必然正選級別，換句話說，即係換咗半隊波走。而當中就只有捷維爾係英超出身，其他球員都係來自其他聯賽，所以對於聯賽嘅適應會需要一段時間。而且今季季前集訓時間短，原本球員之間建立默契嘅機會已經唔多，再加上傷患同隔離嘅關係，5人當中只有添姆雲拿有參加大部份操練（泰亞高因為隔離到而家都仲未練過波），所以可以預料季初隊波會踢得比較亂。
不過以上講嘅都係時間能解決，個人更大嘅憂慮係林柏特如何善用新加盟嘅進攻球員。薛耶治、雲拿、夏弗斯預料會係今季嘅進攻主力，但呢3名球員係位置上皆頗為模糊，而呢類球員通常都需要消耗球隊額外資源。以薛耶治為例，佢嘅最佳位置係右翼，但眾所周知佢並非一名正統翼鋒，而更接近一名mezzala中場。係進攻時薛治習慣從右翼位置拐入half space及zone 14，為慣用嘅左腳展開更廣嘅出球角度。與此同時，薛耶治欠缺翼鋒應有嘅爆破及縱向跑動能力，因此右邊邊路進攻會完全交比右閘負責。當右閘需要兼任右翼嘅進攻任務時，代表右路嘅防守會變得薄弱，然後中場就需要參與更多防守橫移，而中堅又要做更多上搶以彌補中場中空，最後門將亦要隨著整體隊形而向前移動。
雲拿亦有機會出現類似情況。根據早前熱身賽嘅陣式，估計雲拿將會出任正中鋒。雲拿擅長係後衛之間嘅空位前插，捕捉反越位嘅一刻。要發揮雲拿最大效用，就要將佢門向龍門方向，所以可以預料雲拿唔會好似一般中鋒咁參與太多背身任務。故此，球隊就需要用另一個球員擔任前場嘅第一個觸球點，可能係攻中亦可能係前鋒，但無論如何點都係會令球隊減少咗一個出球點，呢個時候中堅嘅用球能力就顯得更重要。
以上講嘅呢點有好有唔好，好嘅係個別位置有額外輸出（e.g.翼鋒嘅額外創造力、前鋒嘅額外縱向跑動），唔好嘅係其他球員需要參加更多工作以彌上述位置嘅缺失。
至於夏弗斯嘅情況就完全相反，佢能夠出任好多位置，包括10號、8號、false9同右翼，但踢得多位置就唔等如每個位置都能夠發揮佢嘅最大效用。通常使用呢類進攻多面手嘅最佳方法就係給予佢地自由度，就好似以前夏薩特同山齊士咁，不限制於位置，盡情發揮佢地係場上能夠做到嘅嘢。但當車路士場上已經有薛耶治、雲拿、佩利錫時，真係好難預料能夠給予夏弗斯幾多自由度。如果將夏弗斯定位為一個8號box-to-box中場的話，又好似會浪費咗佢嘅進攻天賦。
最後就係活動空間嘅問題。如果有睇過heat-map，就會發現夏弗斯同薛耶治、以及雲拿同佩利錫嘅圖表形狀係好接近。佢地4個都係錯腳進攻球員，夏弗斯同薛耶治左腳踢右邊，雲拿同佩利錫右腳踢左邊，佢地都中意從邊路cut in到half space位置，所以係場上嘅活動空間亦好相似。呢一點亦係有好有唔好。好嘅係球員之間能夠互相換位，增加流動性；但夾得唔好就好容易會撞位，互相堵塞空間。
講到尾，以上講嘅都係隱憂，而唔係實際存在嘅問題（防守就係實際問題啦）。對於只有兩季執教經驗嘅林柏特嚟講，擁有一個如此昂貴嘅陣容既係幸運，亦係挑戰。要如何善用及調整呢班進攻球員將會係林柏特本季最大課題。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
請按此登錄後留言。未成為會員? 立即註冊