圖片來源：Sky Sports (https://www.skysports.com/football/news/11095/12614181/the-premier-league-relegation-battle-everton-leeds-and-burnley-fight-for-survival-fixtures-stats-table)
英超第 37 輪踢咗一半，三支護級球隊中只有列斯聯成功搶分，佢哋喺大部份時間落後嘅情況下成功喺補時階段逼和白禮頓，取得重要嘅一分；愛華頓就喺半場領先之下被賓福特反勝，而且喺比賽初段、尾段各有一人被逐，可謂賠了夫人又折兵；而現時位處尾三嘅般尼則作客一球不敵熱刺。
愛華頓、般尼雖然今個星期都輸波而回，但無獨有偶，佢哋都比列斯聯踢少場，將會喺周中再度出戰，分別面對水晶宮、阿士東維拉，而列斯聯則可以休養生息等待聯賽煞科日。以下係三隊嘅餘下賽程：
愛華頓 (排名：16比賽：36積分：36得失球差：-20)第 37 輪：主場 水晶宮
第 38 輪：作客 阿仙奴
圖片來源：英超官方網站 (https://www.premierleague.com/match/66703)
對於只要贏多一場就能夠成功護級嘅愛華頓嚟講，今輪未能把握主場優勢搶分非常可惜，因為佢哋此前嘅三場主場賽事擊敗車路士、曼聯，並賽和李斯特城，足見葛迪遜公園球場嘅威力。佢哋下場將會繼續喺主場出擊，對手係現時排第 12 位嘅水晶宮，相信將會乘主場之利採取主動，以一場勝仗宣告成功護級，畢竟若然落敗嘅話佢哋護級形勢將會變得被動，而且最後一場仲要作客同熱刺爭四爭得如火如荼嘅阿仙奴，絕對比起水晶宮更難應付。
雖然愛華頓有班夫韋特 (Jarrad Branthwaite) 及朗當 (Salomón Rondón) 需要停賽，但相信對愛華頓排陣嘅影響不大，畢竟前者並非後防主力，後者亦後備上陣居多，加上今季長期養傷嘅卡法路雲 (Dominic Calvert-Lewin) 終於能夠復出踢足全場並取得入球，佢同近期狀態火熱嘅李察利臣 (Richarlison) 嘅發揮將會主宰愛華頓嘅命運。
列斯聯 (排名：17比賽：37積分：35得失球差：-38)
第 38 輪：作客 賓福特
圖片來源：英超官方網站 (https://www.premierleague.com/match/66704)
列斯聯雖然比另外兩隊護級對手踢少一場，但卻令佢哋今個星期可以專心備戰煞科日嘅賽事，唔洗一個星期之內踢三場，對於今季飽受傷兵問題困擾、兵源緊拙嘅佢哋未嘗唔係一件好事。上場對白禮頓佢哋喺大部份時間落後嘅情況下憑住中堅史杜克 (Pascal Struijk) 臨完場前嘅入球逼和對手，為球隊打下一支強心針。然而，佢哋嘅對手賓福特絕對唔易應付。賓福特近四場主場賽事三勝一和兼且不失一球，當中嘅對手更包括熱刺、韋斯咸，而佢哋啱啱反勝愛華頓嘅比賽亦反映出球隊嘅韌性，戰意、爭勝心不下於要護級嘅愛華頓。雖然列斯聯喺循環曾經喺主場逼和對手，但今次作客絕對會係一場硬仗。
般尼 (排名：18比賽：36積分：34 得失球差：-18)第 37 輪：作客 阿士東維拉
第 38 輪：主場 紐卡素
圖片來源：英超官方網站 (https://www.premierleague.com/match/66689)
出名踢法硬朗嘅般尼上場面對熱刺嘅狂攻猛打下僅僅輸一球十二碼，全場面對 8 次中目標嘅射門都一一擋下，門將普比 (Nick Pope) 帶領嘅後防線可謂功不可沒。般尼以防守穩陣見稱，-18 嘅得失球差亦係幾隊護級球隊之中最好，或會為佢哋喺咁緊湊嘅護級形勢下帶嚟少少優勢，因為現時呢三支護級份子都係只差一分，隨時踢完最後一輪係同分要鬥得失球差。
然而，攻力疲弱卻係般尼嘅致命傷。般尼暫時踢咗 36 場比賽只係入咗 32 球，係全英超第二少 (最少入球係諾域治嘅 23 球)，面對阿士東維拉、紐卡素時就算能夠保持不失，入唔入到波依然係個問題。睇翻首循環嘅賽事般尼分別以 0:1 及 1:3 不敵阿士東維拉、紐卡素，今次要搶分亦有一定難度。
預計降班球隊：般尼
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
英超第 37 輪踢咗一半，三支護級球隊中只有列斯聯成功搶分，佢哋喺大部份時間落後嘅情況下成功喺補時階段逼和白禮頓，取得重要嘅一分；愛華頓就喺半場領先之下被賓福特反勝，而且喺比賽初段、尾段各有一人被逐，可謂賠了夫人又折兵；而現時位處尾三嘅般尼則作客一球不敵熱刺。
愛華頓、般尼雖然今個星期都輸波而回，但無獨有偶，佢哋都比列斯聯踢少場，將會喺周中再度出戰，分別面對水晶宮、阿士東維拉，而列斯聯則可以休養生息等待聯賽煞科日。以下係三隊嘅餘下賽程：
愛華頓 (排名：16比賽：36積分：36得失球差：-20)第 37 輪：主場 水晶宮
第 38 輪：作客 阿仙奴
圖片來源：英超官方網站 (https://www.premierleague.com/match/66703)
對於只要贏多一場就能夠成功護級嘅愛華頓嚟講，今輪未能把握主場優勢搶分非常可惜，因為佢哋此前嘅三場主場賽事擊敗車路士、曼聯，並賽和李斯特城，足見葛迪遜公園球場嘅威力。佢哋下場將會繼續喺主場出擊，對手係現時排第 12 位嘅水晶宮，相信將會乘主場之利採取主動，以一場勝仗宣告成功護級，畢竟若然落敗嘅話佢哋護級形勢將會變得被動，而且最後一場仲要作客同熱刺爭四爭得如火如荼嘅阿仙奴，絕對比起水晶宮更難應付。
雖然愛華頓有班夫韋特 (Jarrad Branthwaite) 及朗當 (Salomón Rondón) 需要停賽，但相信對愛華頓排陣嘅影響不大，畢竟前者並非後防主力，後者亦後備上陣居多，加上今季長期養傷嘅卡法路雲 (Dominic Calvert-Lewin) 終於能夠復出踢足全場並取得入球，佢同近期狀態火熱嘅李察利臣 (Richarlison) 嘅發揮將會主宰愛華頓嘅命運。
列斯聯 (排名：17比賽：37積分：35得失球差：-38)
第 38 輪：作客 賓福特
圖片來源：英超官方網站 (https://www.premierleague.com/match/66704)
列斯聯雖然比另外兩隊護級對手踢少一場，但卻令佢哋今個星期可以專心備戰煞科日嘅賽事，唔洗一個星期之內踢三場，對於今季飽受傷兵問題困擾、兵源緊拙嘅佢哋未嘗唔係一件好事。上場對白禮頓佢哋喺大部份時間落後嘅情況下憑住中堅史杜克 (Pascal Struijk) 臨完場前嘅入球逼和對手，為球隊打下一支強心針。然而，佢哋嘅對手賓福特絕對唔易應付。賓福特近四場主場賽事三勝一和兼且不失一球，當中嘅對手更包括熱刺、韋斯咸，而佢哋啱啱反勝愛華頓嘅比賽亦反映出球隊嘅韌性，戰意、爭勝心不下於要護級嘅愛華頓。雖然列斯聯喺循環曾經喺主場逼和對手，但今次作客絕對會係一場硬仗。
般尼 (排名：18比賽：36積分：34 得失球差：-18)第 37 輪：作客 阿士東維拉
第 38 輪：主場 紐卡素
圖片來源：英超官方網站 (https://www.premierleague.com/match/66689)
出名踢法硬朗嘅般尼上場面對熱刺嘅狂攻猛打下僅僅輸一球十二碼，全場面對 8 次中目標嘅射門都一一擋下，門將普比 (Nick Pope) 帶領嘅後防線可謂功不可沒。般尼以防守穩陣見稱，-18 嘅得失球差亦係幾隊護級球隊之中最好，或會為佢哋喺咁緊湊嘅護級形勢下帶嚟少少優勢，因為現時呢三支護級份子都係只差一分，隨時踢完最後一輪係同分要鬥得失球差。
然而，攻力疲弱卻係般尼嘅致命傷。般尼暫時踢咗 36 場比賽只係入咗 32 球，係全英超第二少 (最少入球係諾域治嘅 23 球)，面對阿士東維拉、紐卡素時就算能夠保持不失，入唔入到波依然係個問題。睇翻首循環嘅賽事般尼分別以 0:1 及 1:3 不敵阿士東維拉、紐卡素，今次要搶分亦有一定難度。
預計降班球隊：般尼
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊