圖片來源：體路 Sportsroad (https://www.sportsroad.hk/archives/377363)
2023 亞洲盃外圍賽第二輪賽事，香港足球代表隊憑住安永佳、孫銘謙及陳肇鈞嘅入波，以 3:0 大勝柬埔寨取得二連勝，與同日贏波嘅印度同得 6 分，以較佳得失球差壓過對手升上榜首，出線形勢樂觀。
圖片來源：體路 Sportsroad (https://www.sportsroad.hk/archives/377363)
今場港隊繼續以 4-3-3 出戰，正選陣容大致與上場相同。賽前港隊傳出三位門將各有不適狀況而要急召有份入選港隊初選名單嘅伍瑋謙到印度候命，而今場最終就由葉鴻輝把守港隊最後一關；防線上同樣有變動，上場正選嘅馮慶燁今場唔喺大軍名單之內，改由余煒廉夥拍謝家強鎮守中路，而左右閘則由黃梓浩、茹子楠擔任；中場線方面繼續有黃威、隊長黃洋及鞠盈智；前鋒方面則以左翼孫銘謙、右翼羅梓駿及上場取得入球嘅中鋒安永佳合作攻堅。
香港正選陣容
GK1葉鴻輝 Yapp Hung Fai
LB20黃梓浩 Wong Tsz Ho
CB5 謝家強 Tse Sean Ka Keung
CB3余煒廉 Yu Wai LimRB21茹子楠 Yue Tze Nam (60' 由簡嘉亨 Jahangir Khan 入替)
CM10黃威 Wong Wai
CM6 黃洋 Huang Yang (83' 由顏樂楓 Ngan Lok Fung 入替)
CM23鞠盈智 Ju Ying Zhi (75' 由迪高 Diego Eli 入替)
LW7 孫銘謙 Sun Ming Him (60' 由陳肇鈞 Chan Siu Kwan Philip 入替)
ST9 安永佳 Orr Matthew Elliot Wing Kai
RW2羅梓駿 Law Tsz Chun (75' 由胡晉銘 Wu Chun Ming 入替)
圖片來源：體路 Sportsroad (https://www.sportsroad.hk/archives/377516)
同上場對阿富汗一樣，港隊喺上半場率先主動出擊，成功多次喺中圈附近位置逼甩對方取得控球權並組織攻勢，製造威脅。對比起上一場，柬埔寨嘅防守冇咁嚴密，防線位置亦較後，而且解圍後衝出去搶 second ball 嘅速度、反應唔快，令港隊較容易保持喺中前場控球，可以搓順個波之餘亦可以有較多時間組織攻勢，甚至乎連後防線都能夠壓過半場嚟踢，控制比賽節奏。港隊三中場黃威、黃洋、鞠盈智喺用波、控制節奏上都發揮得好好，不論係長短傳、分邊嘅時機同準繩度都恰到好處，當中鞠盈智除咗開出角球助攻孫銘謙頂入 2:0 一球之外，安永佳先開紀錄嘅一球亦係由佢發動攻勢：當時佢喺禁區頂附近位置把握對方解圍不遠，一控一傳就立即俾到殺緊入禁區嘅孫銘謙，後者雖然被柬埔寨守衛夾擊，但輾轉之下皮球落到安永佳腳下由佢射入先開紀錄。
圖片來源：體路 Sportsroad (https://www.sportsroad.hk/archives/377363)
上文提到嘅孫銘謙係今場表現非常搶鏡嘅球員，除咗交出助攻安永佳及攻入作為「大港腳」嘅首個國際賽入球外，佢喺左路嘅突破、推進、入楔都極具威脅。今季喺東方龍獅踢開中鋒位置嘅佢喺身體對抗性、護球及轉身能力上都有好大進步，喺今場不論係殺入禁區俾對方兩名球員夾擊之下助攻安永佳一球，抑或係俾對方球員緊纏之下接應角球頂入都能夠反映出嚟。
圖片來源：體路 Sportsroad (https://www.sportsroad.hk/archives/377363)
而 60 分鐘入替孫銘謙嘅陳肇鈞亦係一個擅長突破及用波嘅球員。今場改踢左翼嘅佢落場短短兩分鐘就收獲入球：當時佢喺左路接應長傳後與對方球員單對單嘗試突破，一路帶至禁區邊時就傳咗俾拉邊嘅安永佳，自己則走入禁區，最終接應安永佳傳中插水式頂入，同樣係佢個人喺香港代表隊嘅首個國際賽入球，呢個入球盡顯佢嘅個人能力同埋喺禁區內嘅埋門觸覺。值得一提嘅係呢位球員上場對阿富汗時係出任中場，雖然兩場踢唔同位，但同樣都能夠為對方嚟好多威脅，亦令港隊喺進攻上有更多板斧。
今場比賽到末段時柬埔寨開始大舉壓上搶翻唔少攻勢，並多番以速度進行邊路突破製造威脅，港隊雖然受壓，但一眾球員都成功化解對方嘅攻勢，最終成功保持清白之身，以 3:0 贏得比賽。
香港隊將會喺 6 月 14 號 (星期二) 晚 11:00 p.m. 進行最後一場小組賽，與現時排小組第 2 嘅印度進行榜首大戰，只要保持不敗就能夠篤定近半個世紀以嚟首次晉身亞洲盃決賽週。到時香港電台 32 台將會繼續有電視直播，請大家繼續支持港隊，為港隊打氣！
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
2023 亞洲盃外圍賽第二輪賽事，香港足球代表隊憑住安永佳、孫銘謙及陳肇鈞嘅入波，以 3:0 大勝柬埔寨取得二連勝，與同日贏波嘅印度同得 6 分，以較佳得失球差壓過對手升上榜首，出線形勢樂觀。
圖片來源：體路 Sportsroad (https://www.sportsroad.hk/archives/377363)
今場港隊繼續以 4-3-3 出戰，正選陣容大致與上場相同。賽前港隊傳出三位門將各有不適狀況而要急召有份入選港隊初選名單嘅伍瑋謙到印度候命，而今場最終就由葉鴻輝把守港隊最後一關；防線上同樣有變動，上場正選嘅馮慶燁今場唔喺大軍名單之內，改由余煒廉夥拍謝家強鎮守中路，而左右閘則由黃梓浩、茹子楠擔任；中場線方面繼續有黃威、隊長黃洋及鞠盈智；前鋒方面則以左翼孫銘謙、右翼羅梓駿及上場取得入球嘅中鋒安永佳合作攻堅。
香港正選陣容
GK1葉鴻輝 Yapp Hung Fai
LB20黃梓浩 Wong Tsz Ho
CB5 謝家強 Tse Sean Ka Keung
CB3余煒廉 Yu Wai LimRB21茹子楠 Yue Tze Nam (60' 由簡嘉亨 Jahangir Khan 入替)
CM10黃威 Wong Wai
CM6 黃洋 Huang Yang (83' 由顏樂楓 Ngan Lok Fung 入替)
CM23鞠盈智 Ju Ying Zhi (75' 由迪高 Diego Eli 入替)
LW7 孫銘謙 Sun Ming Him (60' 由陳肇鈞 Chan Siu Kwan Philip 入替)
ST9 安永佳 Orr Matthew Elliot Wing Kai
RW2羅梓駿 Law Tsz Chun (75' 由胡晉銘 Wu Chun Ming 入替)
圖片來源：體路 Sportsroad (https://www.sportsroad.hk/archives/377516)
同上場對阿富汗一樣，港隊喺上半場率先主動出擊，成功多次喺中圈附近位置逼甩對方取得控球權並組織攻勢，製造威脅。對比起上一場，柬埔寨嘅防守冇咁嚴密，防線位置亦較後，而且解圍後衝出去搶 second ball 嘅速度、反應唔快，令港隊較容易保持喺中前場控球，可以搓順個波之餘亦可以有較多時間組織攻勢，甚至乎連後防線都能夠壓過半場嚟踢，控制比賽節奏。港隊三中場黃威、黃洋、鞠盈智喺用波、控制節奏上都發揮得好好，不論係長短傳、分邊嘅時機同準繩度都恰到好處，當中鞠盈智除咗開出角球助攻孫銘謙頂入 2:0 一球之外，安永佳先開紀錄嘅一球亦係由佢發動攻勢：當時佢喺禁區頂附近位置把握對方解圍不遠，一控一傳就立即俾到殺緊入禁區嘅孫銘謙，後者雖然被柬埔寨守衛夾擊，但輾轉之下皮球落到安永佳腳下由佢射入先開紀錄。
圖片來源：體路 Sportsroad (https://www.sportsroad.hk/archives/377363)
上文提到嘅孫銘謙係今場表現非常搶鏡嘅球員，除咗交出助攻安永佳及攻入作為「大港腳」嘅首個國際賽入球外，佢喺左路嘅突破、推進、入楔都極具威脅。今季喺東方龍獅踢開中鋒位置嘅佢喺身體對抗性、護球及轉身能力上都有好大進步，喺今場不論係殺入禁區俾對方兩名球員夾擊之下助攻安永佳一球，抑或係俾對方球員緊纏之下接應角球頂入都能夠反映出嚟。
圖片來源：體路 Sportsroad (https://www.sportsroad.hk/archives/377363)
而 60 分鐘入替孫銘謙嘅陳肇鈞亦係一個擅長突破及用波嘅球員。今場改踢左翼嘅佢落場短短兩分鐘就收獲入球：當時佢喺左路接應長傳後與對方球員單對單嘗試突破，一路帶至禁區邊時就傳咗俾拉邊嘅安永佳，自己則走入禁區，最終接應安永佳傳中插水式頂入，同樣係佢個人喺香港代表隊嘅首個國際賽入球，呢個入球盡顯佢嘅個人能力同埋喺禁區內嘅埋門觸覺。值得一提嘅係呢位球員上場對阿富汗時係出任中場，雖然兩場踢唔同位，但同樣都能夠為對方嚟好多威脅，亦令港隊喺進攻上有更多板斧。
今場比賽到末段時柬埔寨開始大舉壓上搶翻唔少攻勢，並多番以速度進行邊路突破製造威脅，港隊雖然受壓，但一眾球員都成功化解對方嘅攻勢，最終成功保持清白之身，以 3:0 贏得比賽。
香港隊將會喺 6 月 14 號 (星期二) 晚 11:00 p.m. 進行最後一場小組賽，與現時排小組第 2 嘅印度進行榜首大戰，只要保持不敗就能夠篤定近半個世紀以嚟首次晉身亞洲盃決賽週。到時香港電台 32 台將會繼續有電視直播，請大家繼續支持港隊，為港隊打氣！
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊