圖片來源：香港足球總會 (https://www.hkfa.com/ch/club3/detail/60)
香港足球代表隊將會喺本港時間今晚 (6 月 8 號)、6 月 11 號 (星期六) 及 14 號 (星期二) 出戰 2023 亞洲盃外圍賽，與同組嘅阿富汗、柬埔寨及印度爭奪出線資格，小組首名及五隊成績較佳嘅小組次名將可以躋身亞洲盃賽事。當中港隊曾於 2019 年兩戰柬埔寨，取得 1 勝 1 和嘅成績。
為咗備戰今次賽事，港隊早前去咗泰國集訓並與當地球隊進行熱身賽，雖然三場熱身賽都能夠保持不敗，但喺 6 月 1 號作客由前港隊領隊金判坤所帶領嘅馬來西亞進行友誼賽就以 0:2 不敵對手。現時港隊已經抵達印度，備戰即將舉行嘅亞洲盃外圍賽。
圖片來源：香港足球總會 Instagram
新人事新作風，港隊領隊安達臣 (Jörn Andersen) 甫上任時已經強調希望港隊踢得更主動，會採取高位壓逼嘅防守方法；同時，今次嘅球員名單上亦有好多首度獲徵召成為大港腳嘅球員，例如茹子楠、余在言、簡嘉亨等等。然而，効力中超、中甲球會嘅一眾香港球員如陳俊樂、梁諾恆、勞烈斯等卻不獲球會放行，未能隨隊出戰，加上琴日 (6 月 7 號) 有消息指港隊有球員確診武漢肺炎未能上陣，港隊實力少不免會受影響。
圖片來源：體路 Sportsroad (https://www.sportsroad.hk/archives/376132)
綜觀上場港隊對馬來西亞嘅表現，的確可以見到球隊三線都比以往壓得更前，有更多嘗試主動組織攻勢，並會積極作出逼搶，可惜效果未如理想。呢種防守模式與過往港隊或大多數港超球隊嘅踢法都有所出入，球員仍然需要時間適應，尤其是喺逼搶嘅時機、球員之間嘅配合都尚有改善空間，而如何喺逼搶時依然保持陣容嘅完整性、連結亦係港隊需要改進嘅課題。同時，球隊亦需要減少失誤，例如保羅就曾經喺禁區控甩腳，差啲俾馬來西亞再下一城，呢啲失誤不論對賽果抑或士氣都係十分致命。
圖片來源：Now Sports (https://sports.now.com/home/news/details?id=36345841722)
喺主力球員未能隨隊，加上傷病等問題下，出席賽前記者會嘅領隊安達臣都表示情況未如理想，而同樣有份出席記者會嘅港隊防守中場迪高就指一眾球員都好信任領隊嘅戰術佈署，大家都上下一心努力備戰，雖然今場嘅對手阿富汗唔易應付，但一定會盡全力踢好比賽。
而作為球迷嘅我哋亦當然要為港隊打氣，今次嘅亞洲盃外圍賽賽事港台電視 32 將會全程直播，各位球迷記得準時收睇！
香港 對 阿富汗 6 月 8 號 (星期三) 7:30 p.m.
香港 對 柬埔寨 6 月 11 號 (星期六) 7:30 p.m.
香港 對 印度6 月 14 號 (星期二) 11:00 p.m.
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
香港足球代表隊將會喺本港時間今晚 (6 月 8 號)、6 月 11 號 (星期六) 及 14 號 (星期二) 出戰 2023 亞洲盃外圍賽，與同組嘅阿富汗、柬埔寨及印度爭奪出線資格，小組首名及五隊成績較佳嘅小組次名將可以躋身亞洲盃賽事。當中港隊曾於 2019 年兩戰柬埔寨，取得 1 勝 1 和嘅成績。
為咗備戰今次賽事，港隊早前去咗泰國集訓並與當地球隊進行熱身賽，雖然三場熱身賽都能夠保持不敗，但喺 6 月 1 號作客由前港隊領隊金判坤所帶領嘅馬來西亞進行友誼賽就以 0:2 不敵對手。現時港隊已經抵達印度，備戰即將舉行嘅亞洲盃外圍賽。
圖片來源：香港足球總會 Instagram
新人事新作風，港隊領隊安達臣 (Jörn Andersen) 甫上任時已經強調希望港隊踢得更主動，會採取高位壓逼嘅防守方法；同時，今次嘅球員名單上亦有好多首度獲徵召成為大港腳嘅球員，例如茹子楠、余在言、簡嘉亨等等。然而，効力中超、中甲球會嘅一眾香港球員如陳俊樂、梁諾恆、勞烈斯等卻不獲球會放行，未能隨隊出戰，加上琴日 (6 月 7 號) 有消息指港隊有球員確診武漢肺炎未能上陣，港隊實力少不免會受影響。
圖片來源：體路 Sportsroad (https://www.sportsroad.hk/archives/376132)
綜觀上場港隊對馬來西亞嘅表現，的確可以見到球隊三線都比以往壓得更前，有更多嘗試主動組織攻勢，並會積極作出逼搶，可惜效果未如理想。呢種防守模式與過往港隊或大多數港超球隊嘅踢法都有所出入，球員仍然需要時間適應，尤其是喺逼搶嘅時機、球員之間嘅配合都尚有改善空間，而如何喺逼搶時依然保持陣容嘅完整性、連結亦係港隊需要改進嘅課題。同時，球隊亦需要減少失誤，例如保羅就曾經喺禁區控甩腳，差啲俾馬來西亞再下一城，呢啲失誤不論對賽果抑或士氣都係十分致命。
圖片來源：Now Sports (https://sports.now.com/home/news/details?id=36345841722)
喺主力球員未能隨隊，加上傷病等問題下，出席賽前記者會嘅領隊安達臣都表示情況未如理想，而同樣有份出席記者會嘅港隊防守中場迪高就指一眾球員都好信任領隊嘅戰術佈署，大家都上下一心努力備戰，雖然今場嘅對手阿富汗唔易應付，但一定會盡全力踢好比賽。
而作為球迷嘅我哋亦當然要為港隊打氣，今次嘅亞洲盃外圍賽賽事港台電視 32 將會全程直播，各位球迷記得準時收睇！
香港 對 阿富汗 6 月 8 號 (星期三) 7:30 p.m.
香港 對 柬埔寨 6 月 11 號 (星期六) 7:30 p.m.
香港 對 印度6 月 14 號 (星期二) 11:00 p.m.
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊