圖片來源：英超官方網站 (https://www.premierleague.com/match/66699)
英超第 36 輪賽事，喺星期六深夜率先上演一場大戰，由利物浦喺主場迎戰熱刺。對於雙方嚟講今場都係不容有失，利物浦賽前喺落後榜首曼城 1 分，爭標路上已經再冇失分空間；而熱刺同樣正在為來屆歐聯入場券努力，賽前排第 5 嘅佢哋正係落後緊第 4 位嘅阿仙奴 2 分，仍然有機會進佔第 4 位。
圖片來源：Sky Sports (https://www.skysports.com/football/liverpool-vs-tottenham-hotspur/report/446645)
利物浦今場排出 4-3-3，防線上高普為咗應付熱刺嘅快速反擊而派出速度較快嘅干拿迪取代馬迪普 (Joël Matip) 打正選，拍住雲迪克、羅拔臣、亞歷山大阿諾；三中場繼續由泰亞高、法賓奴、佐敦軒達臣擔任，係遇上實力較強嘅球隊時嘅慣常踢法；三箭頭則由路爾斯戴亞斯居左、沙拿居右、文尼踢中鋒位置。
利物浦正選陣容
GK1 艾利臣 Alisson Becker
LB 26羅拔臣 Andrew Robertson (64' 由斯米卡斯 Konstantinos Tsimikas 入替)
CB4 雲迪克 Virgil van Dijk
CB5 干拿迪 Ibrahima Konaté
RB66亞歷山大阿諾 Trent Alexander-ArnoldCM6 泰亞高 Thiago Alcántara
CM3 法賓奴 Fabinho (88' 由拿比基達 Naby Keïta 入替)
CM14佐敦軒達臣 Jordan Henderson (65' 由迪奧高祖達 Diogo Jota 入替)
FW23路爾斯戴亞斯 Luis Díaz
FW10文尼 Sadio Mané
FW11沙拿 Mohamed Salah
熱刺則以 3-4-3 出戰，三中堅繼續由賓戴維斯、戴亞、羅美路擔任，施斯隆、艾馬臣為左右翼衛；雙中場繼續有靴爾堡、賓坦古；前線繼續有孫興慜、古路錫夫斯基、哈利簡尼肩負起進攻重任。
熱刺正選陣容
GK 1 洛里斯 Hugo Lloris
CB 33賓戴維斯 Ben Davies
CB 15戴亞 Eric DierCB 4 羅美路 Christian Romero
LWB19施斯隆 Ryan Sessegnon (78' 由山齊士 Davinson Sánchez 入替)
CM 5 靴爾堡 Pierre-Emile Højbjerg
CM 30賓坦古 Rodrigo Bentancur
RWB12艾馬臣 Emerson Royal
LW 7 孫興慜 Son Heung-Min (90' 由貝格雲 Steven Bergwijn 入替)
RW 21古路錫夫斯基 Dejan Kulusevski (85' 由哈利榮斯 Harry Winks 入替)
FW10哈利簡尼 Harry Kane
利物浦篇
圖片來源：英超官方網站 (https://www.premierleague.com/match/66699)
一如大部份球迷所料，今場比賽係一場攻防戰，大部份時間都由利物浦採取主動，熱刺則以防守反擊應對。今場利物浦就有近六成半控球，22 次射門亦大幅領先對手嘅 8 次，但受制於熱刺嚴密嘅防守下，中門次數只有 3 次，與對手一樣。今場由於熱刺全軍退守嘅關係，利物浦防線壓得好前，兩閘羅拔臣、亞歷山大阿諾因而有好多傳中甚至射門嘅機會，但兩邊嘅傳中大部分都過唔到熱刺嘅三中堅；同時，今場利物浦好多時都從右路進攻，佐敦軒達臣喺右路比以往作出更多嘅前插、拉邊，為沙拿製造單對單嘅機會，但今場沙拿狀態未見太好，反而左路嘅路爾斯戴亞斯嘅盤扭、推進更令熱刺頭痛，而後者亦為利物浦射入扳平一球。
圖片來源：英超官方網站 (https://www.premierleague.com/match/66699)
利物浦有系統嘅前場逼搶亦係佢哋得以全場圍攻熱刺嘅原因。熱刺慣常從後場開始組織，當佢哋將波傳至邊路時，利物浦嘅中前場球員就會一齊進行逼搶，阻止熱刺球員推進或傳球，將熱刺嘅組織範圍困喺一邊，若然熱刺球員回後，利物浦球員就會跟住皮球方向逼過去，完全唔俾對手任何時間思考，最終目的就係要逼使佢哋大腳解圍，利物浦嘅防中法賓奴，一對中堅雲迪克、干拿迪都係頂得之人，因而可以輕易回收球權，組織進攻。
同時，利物浦嘅三中場亦為球隊化解咗唔少威脅，當中大多數都係熱刺嘅反擊機會。若然熱刺想從中路推進打反擊，利物浦三中場好快就會貼身防守，甚至係動用兩名球員夾擊，用盡一切辦法避免對方喺中路直搗黃龍；但熱刺其後主要從邊路反擊，利物浦亦未有太多有效方法可以應對，畢竟佢哋嘅雙閘喺進攻當中扮演重要角色，唯有係靠球員更快、更積極回防去守住熱刺嘅快速反擊。
熱刺篇
圖片來源：英超官方網站 (https://www.premierleague.com/match/66699)
熱刺今場防守反擊嘅部署成功。佢哋集中中路防守，收窄中場線與後防線之間嘅空間，逼使利物浦要從邊路進攻；面對兩邊傳中時熱刺中堅較有優勢，反而係單對單防守時出現較多驚險鏡頭，例如俾對方翼鋒路爾斯戴亞斯扭過，被逼要分多一人去防守而出現空位，令禁區內險象環生。不過整體嚟講今場熱刺嘅防守都係穩陣，所失一球亦係省中球員改變方向而入，實在有啲唔好彩。另一方面，熱刺縮後防守亦令利物浦防線壓前，變相後場有好多空位俾熱刺打反擊，哈利簡尼、孫興慜、古路錫夫斯基三位球員嘅配合絕對係熱刺反擊嘅利器，哈利簡尼回後 set 波，孫興慜、古路錫夫斯基多次憑速度、盤扭推進至利物浦後防心臟地帶，非常有威脅，孫興慜亦成功射入領先一球。
不過熱刺球員嘅臨場決定仍然有改善空間，今場比賽不乏一啲場面係佢哋做錯決定而令反擊斷纜，甚至係反擊時喺中圈附近俾對方截到波被打反擊。若果熱刺球員喺呢方面繼續有所改善，相信佢哋可以創造更多及更具威脅嘅反擊機會。
總結
雙方合演咗一場精彩嘅攻防戰，踢得有來有往，和波嘅結果亦好合理。利物浦暫時憑較佳得失球差壓過曼城升上榜首，但就比曼城踢多一場；熱刺則繼續排喺第 5 位，多踢一場之下落後排名第 4 嘅阿仙奴 1 分，四日後嘅北倫敦打吡將會係決定邊個可以排第 4 嘅關鍵一戰。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/https://www.instagram.com/blacksontalkball/
英超第 36 輪賽事，喺星期六深夜率先上演一場大戰，由利物浦喺主場迎戰熱刺。對於雙方嚟講今場都係不容有失，利物浦賽前喺落後榜首曼城 1 分，爭標路上已經再冇失分空間；而熱刺同樣正在為來屆歐聯入場券努力，賽前排第 5 嘅佢哋正係落後緊第 4 位嘅阿仙奴 2 分，仍然有機會進佔第 4 位。
圖片來源：Sky Sports (https://www.skysports.com/football/liverpool-vs-tottenham-hotspur/report/446645)
利物浦今場排出 4-3-3，防線上高普為咗應付熱刺嘅快速反擊而派出速度較快嘅干拿迪取代馬迪普 (Joël Matip) 打正選，拍住雲迪克、羅拔臣、亞歷山大阿諾；三中場繼續由泰亞高、法賓奴、佐敦軒達臣擔任，係遇上實力較強嘅球隊時嘅慣常踢法；三箭頭則由路爾斯戴亞斯居左、沙拿居右、文尼踢中鋒位置。
利物浦正選陣容
GK1 艾利臣 Alisson Becker
LB 26羅拔臣 Andrew Robertson (64' 由斯米卡斯 Konstantinos Tsimikas 入替)
CB4 雲迪克 Virgil van Dijk
CB5 干拿迪 Ibrahima Konaté
RB66亞歷山大阿諾 Trent Alexander-ArnoldCM6 泰亞高 Thiago Alcántara
CM3 法賓奴 Fabinho (88' 由拿比基達 Naby Keïta 入替)
CM14佐敦軒達臣 Jordan Henderson (65' 由迪奧高祖達 Diogo Jota 入替)
FW23路爾斯戴亞斯 Luis Díaz
FW10文尼 Sadio Mané
FW11沙拿 Mohamed Salah
熱刺則以 3-4-3 出戰，三中堅繼續由賓戴維斯、戴亞、羅美路擔任，施斯隆、艾馬臣為左右翼衛；雙中場繼續有靴爾堡、賓坦古；前線繼續有孫興慜、古路錫夫斯基、哈利簡尼肩負起進攻重任。
熱刺正選陣容
GK 1 洛里斯 Hugo Lloris
CB 33賓戴維斯 Ben Davies
CB 15戴亞 Eric DierCB 4 羅美路 Christian Romero
LWB19施斯隆 Ryan Sessegnon (78' 由山齊士 Davinson Sánchez 入替)
CM 5 靴爾堡 Pierre-Emile Højbjerg
CM 30賓坦古 Rodrigo Bentancur
RWB12艾馬臣 Emerson Royal
LW 7 孫興慜 Son Heung-Min (90' 由貝格雲 Steven Bergwijn 入替)
RW 21古路錫夫斯基 Dejan Kulusevski (85' 由哈利榮斯 Harry Winks 入替)
FW10哈利簡尼 Harry Kane
利物浦篇
圖片來源：英超官方網站 (https://www.premierleague.com/match/66699)
一如大部份球迷所料，今場比賽係一場攻防戰，大部份時間都由利物浦採取主動，熱刺則以防守反擊應對。今場利物浦就有近六成半控球，22 次射門亦大幅領先對手嘅 8 次，但受制於熱刺嚴密嘅防守下，中門次數只有 3 次，與對手一樣。今場由於熱刺全軍退守嘅關係，利物浦防線壓得好前，兩閘羅拔臣、亞歷山大阿諾因而有好多傳中甚至射門嘅機會，但兩邊嘅傳中大部分都過唔到熱刺嘅三中堅；同時，今場利物浦好多時都從右路進攻，佐敦軒達臣喺右路比以往作出更多嘅前插、拉邊，為沙拿製造單對單嘅機會，但今場沙拿狀態未見太好，反而左路嘅路爾斯戴亞斯嘅盤扭、推進更令熱刺頭痛，而後者亦為利物浦射入扳平一球。
圖片來源：英超官方網站 (https://www.premierleague.com/match/66699)
利物浦有系統嘅前場逼搶亦係佢哋得以全場圍攻熱刺嘅原因。熱刺慣常從後場開始組織，當佢哋將波傳至邊路時，利物浦嘅中前場球員就會一齊進行逼搶，阻止熱刺球員推進或傳球，將熱刺嘅組織範圍困喺一邊，若然熱刺球員回後，利物浦球員就會跟住皮球方向逼過去，完全唔俾對手任何時間思考，最終目的就係要逼使佢哋大腳解圍，利物浦嘅防中法賓奴，一對中堅雲迪克、干拿迪都係頂得之人，因而可以輕易回收球權，組織進攻。
同時，利物浦嘅三中場亦為球隊化解咗唔少威脅，當中大多數都係熱刺嘅反擊機會。若然熱刺想從中路推進打反擊，利物浦三中場好快就會貼身防守，甚至係動用兩名球員夾擊，用盡一切辦法避免對方喺中路直搗黃龍；但熱刺其後主要從邊路反擊，利物浦亦未有太多有效方法可以應對，畢竟佢哋嘅雙閘喺進攻當中扮演重要角色，唯有係靠球員更快、更積極回防去守住熱刺嘅快速反擊。
熱刺篇
圖片來源：英超官方網站 (https://www.premierleague.com/match/66699)
熱刺今場防守反擊嘅部署成功。佢哋集中中路防守，收窄中場線與後防線之間嘅空間，逼使利物浦要從邊路進攻；面對兩邊傳中時熱刺中堅較有優勢，反而係單對單防守時出現較多驚險鏡頭，例如俾對方翼鋒路爾斯戴亞斯扭過，被逼要分多一人去防守而出現空位，令禁區內險象環生。不過整體嚟講今場熱刺嘅防守都係穩陣，所失一球亦係省中球員改變方向而入，實在有啲唔好彩。另一方面，熱刺縮後防守亦令利物浦防線壓前，變相後場有好多空位俾熱刺打反擊，哈利簡尼、孫興慜、古路錫夫斯基三位球員嘅配合絕對係熱刺反擊嘅利器，哈利簡尼回後 set 波，孫興慜、古路錫夫斯基多次憑速度、盤扭推進至利物浦後防心臟地帶，非常有威脅，孫興慜亦成功射入領先一球。
不過熱刺球員嘅臨場決定仍然有改善空間，今場比賽不乏一啲場面係佢哋做錯決定而令反擊斷纜，甚至係反擊時喺中圈附近俾對方截到波被打反擊。若果熱刺球員喺呢方面繼續有所改善，相信佢哋可以創造更多及更具威脅嘅反擊機會。
總結
雙方合演咗一場精彩嘅攻防戰，踢得有來有往，和波嘅結果亦好合理。利物浦暫時憑較佳得失球差壓過曼城升上榜首，但就比曼城踢多一場；熱刺則繼續排喺第 5 位，多踢一場之下落後排名第 4 嘅阿仙奴 1 分，四日後嘅北倫敦打吡將會係決定邊個可以排第 4 嘅關鍵一戰。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/https://www.instagram.com/blacksontalkball/
請按此登錄後留言。未成為會員? 立即註冊