A8賽前小分析-李斯特城 VS 鈕卡素

2016年3月15日 ( 周二凌晨)
英超聯30輪: 李斯特城 VS 鈕卡素
香港時間: 04:00

A8賽前小分析 ( 本場次唔打算提供文字直播/即討區 )

英超爭冠進入最後階段, 李斯特城現處榜首領先熱剌2分但打少一場, 每場賽事都將進入緊張剌激既氣氛之中, 而李斯特城比熱剌有優勢既一件事便是狐狸唔需要兼顧歐洲賽事, 每場波都可以有足夠時間休息及防止不必要既受傷, 當然, 關鍵人物華迪及馬列斯相當重要, 只要2人發揮正常, 進攻已不是問題, 當然岡崎及烏魯亞既支援也是重要, 而後防方面, 侯夫今季表現非常穩定, 加上名門之後既舒米高, 穩打穩紮, 相信主場勝出應不是問題。


鈕卡素方面, 剛炒領隊及賓尼迪斯走馬上任, 未知能否起剌激作用, 但護級形勢相當惡劣, 未知球員眾將的士氣如何, 近6仗5敗1勝, 近況相當差, 艾約斯既作用相當重要。不過預計李斯特城於主場會於開波初段便搶攻, 若果鈕卡素先失一球, 相信要反勝是相當困難, 更有可能被大炒一場讓肥賓上任即吃悶棍。

留言


請按此登錄後留言。未成為會員? 立即註冊
    快捷鍵:←
    快捷鍵:→