曼聯最佳球員：華利拿--7分

正選評分

迪基亞 (David De Gea)--6.5分：今日既聖基亞依然發揮穩定表現，上半場接實對方近頂，多次具威脅既急勁傳中都被佢化解，尾段再撲岀對方既突施冷箭，至於皮耶既罰球…扒仔相信冇人會怪佢既。

華利拿 (Guillermo Varela)--7分：大家有冇發覺佢已經悄悄地搶去達美安既正選位置？扒仔覺得佢已成為進化版既拉菲爾，攻守越黎越好之餘亦越黎越平衡，上半場幾次傳中頗具威脅，唯突破能力可能仲要下一點功夫。隨後被達美安入替時有點拐下拐下，希望吾會影響下場既歐霸生死戰。

史摩寧 (Chris Smalling)--6分：經過一兩場不穩既表現後，今仗再次顯示統領後防既角色，幫助拍擋白蘭特補位，亦不時引球推進組職攻勢。


白蘭特 (Daley Blind)--5分：希望各位吾好覺得扒仔口臭：究竟幾時先肯棄用佢踢中堅？今仗再次顯示佢對位置感既缺陷，經常走漏對方前鋒做成威脅，開角球又經常斬吾起，皮耶既罰球亦係黎自佢既犯規，而那的確亦係一個拉扯犯規。
洛荷 (Marcos Rojo)--5.5分：今仗佢既貢獻多數貢獻於進攻上，經常同馬素爾，費蘭尼等眉來眼去，這亦因為曼聯整隊既進攻左傾有關，當然需要進步既就係岀波既質素同時機；防守上則不過不失，冇乜大失誤。


卡域克  (Michael Carrick)--5分：明顯狀態仍有待提升，在傳球方面，穿越式傳球甚少，扒仔甚至覺得費蘭尼既傳球反而更有威脅；防守方面亦跟吾上對方節奏，扒仔覺得佢比費蘭尼表現得好既唯一一點就係傳球速度較快。

費蘭尼 (Marouane Fellaini)--5.5分：扒仔認為圍繞佢既進攻戰術有問題：佢接應傳球後分畀馬素爾或洛荷，然後佢係跑向邊路接應，咁吾係正正暴露左佢既傳球劣勢之餘，佢既頭上功夫又吾可以表現岀黎咩？若佢係切入中間接應，應該會有更大威脅的，下半場被舒韋恩史迪加入替。


連加特 (Jesse Lingard)--5.5分：進攻上比以前突岀，經常與華利拿眉來眼去，亦曾經推大位射門，下一步就係要加強把握力同埋突破能力。


靴里拉 (Ander Herrera)--5分：代替停賽既馬達岀任進攻中場位置，成功助攻尾段馬素爾既入波，但視野的確比馬達狹窄，而且身形較單薄，好難係對方密集有力既防守下突破。扒仔覺得佢不妨可以練一練佢處理死球既能力，特别係角球，相信佢點都吾會好似白蘭特咁斬極都斬吾起既。

馬素爾 (Anthony Martial)--6.5分：再次成為曼聯少有既突破點，佢既努力成功幫助曼聯不在主場輸波，但扒仔覺得佢太故步自封，只顧係左路進攻，球隊係右路進攻岀波時，佢亦可以嘗試切入中間接應。


拉舒福特 (Marcus Rashford)--5.5分：好多人話佢已經不再神奇，但其實佢已經係謹餘既機會作岀嘗試，起碼射門係做岀來了。記住，佢只有18歲，畀呢位新星多d時間啦。

替補評分
舒韋恩史迪加 (Bastian Schweinsteiger)--6分：入替費蘭尼，佢一岀場曼聯既中場即刻生左，更找到入球方法，佢既拼勁絕對體現了魔性。


迪比 (Memphis Depay)--5.5分：入替拉舒福特，其實佢一攞波就能做到一點文章，只要佢處理球更冷靜，吾好再耍大牌，必然可以成為下一個C朗。

達美安 (Metteo Darmian)--N/A：尾段入替華利拿，主要因為華利拿尾段有小傷狀況。
其實曼聯係失球後既表現絕對值得一場勝仗，希望曼聯保持氣勢，係歐霸生死戰中成功翻盤！


我地page 有大量轉會消息，精華，賽後分析／評分， 記得要時刻留意我地 Facebook!
https://www.facebook.com/RoyceMU/
仲會有個人精華，曼聯點將錄，全場錄影，曼聯家書等，你仲唔快d like?